ಮುಂಬೈ: ಮೂರನೇ ಹಂತದ ದಿಗ್ಬಂಧನ ಜಾರಿಗೆ ಬಂದ ದಿನವು ಮುಂಬೈ ಷೇರುಪೇಟೆ ಪಾಲಿಗೆ ಕರಾಳ ದಿನವಾಗಿ ಪರಿಣಮಿಸಿತು.
‘ಕೋವಿಡ್–19’ ವಿಶ್ವದಾದ್ಯಂತ ಹಬ್ಬಲು ಚೀನಾದ ಕೊಡುಗೆ ಇರುವುದರಿಂದ ಅಮೆರಿಕವು ಆ ದೇಶದ ಸರಕುಗಳಿಗೆ ಗರಿಷ್ಠ ಮಟ್ಟದಲ್ಲಿ ಸುಂಕ ವಿಧಿಸಲು ಮುಂದಾಗಿದೆ. ಇದರಿಂದ ಎರಡೂ ದೇಶಗಳ ನಡುವಣ ವಾಣಿಜ್ಯ ಸಮರ ಮತ್ತೆ ಮುನ್ನೆಲೆಗೆ ಬಂದಿದೆ.
ಇದು ವಿಶ್ವದಾದ್ಯಂತ ಹೂಡಿಕೆದಾರರ ಖರೀದಿ ಉತ್ಸಾಹವನ್ನು ಕುಗ್ಗಿಸಿದೆ. ಏಷ್ಯಾದ ಪ್ರಮುಖ ಷೇರುಪೇಟೆಗಳಲ್ಲಿಯೂ ಇದು ಪ್ರತಿಫಲಿಸಿತು. ಸಂವೇದಿ ಸೂಚ್ಯಂಕ 2,002.27 ಅಂಶಗಳನ್ನು ಕಳೆದುಕೊಂಡು 31,715.35 ಅಂಶಗಳಲ್ಲಿ ದಿನದ ವಹಿವಾಟು ಕೊನೆಗೊಳಿಸಿತು.