ಗುರುವಾರ , ಜುಲೈ 7, 2022
23 °C

ಪತಿ–ಪತಿಗಳು: ಸಲಿಂಗ ವಿವಾಹವಾದ ಸುಪ್ರಿಯೊ ಚಕ್ರವರ್ತಿ, ಅಭಯ್​ ಡಾಂಗ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹೈದರಾಬಾದ್‌: ಇಲ್ಲಿನ ಖಾಸಗಿ ರೆಸಾರ್ಟ್‌ನಲ್ಲಿ ಸಲಿಂಗ ಮದುವೆ ( ಗಂಡು-ಗಂಡು, ಹೆಣ್ಣು-ಹೆಣ್ಣು ಇಬ್ಬರೂ ಪರಸ್ಪರ ಮದುವೆ) ನೆರವೇರಿದೆ.

ಪುರುಷ ಸಲಿಂಗ ಜೋಡಿಗಳಾದ ಸುಪ್ರಿಯೋ ಚಕ್ರವರ್ತಿ(31) ಮತ್ತು ಅಭಯ್​ ಡಾಂಗ್​(34) ಅವರು ಮದುವೆಯಾಗಿದ್ದಾರೆ. ಸುಪ್ರಿಯೊ ಪಶ್ಚಿಮ ಬಂಗಾಳದವರಾಗಿದ್ದು, ಅಭಯ್‌ ಪಂಜಾಬ್‌ ಮೂಲದವರು. 

ಶನಿವಾರ ನಡೆದ ಅದ್ದೂರಿ ವಿವಾಹ ಸಮಾರಂಭದಲ್ಲಿ ಇವರಿಬ್ಬರು ಉಂಗುರವನ್ನು ಬದಲಿಸಿಕೊಂಡಿದ್ದಾರೆ. ಅಭಯ್‌ ಮತ್ತು ಸುಪ್ರಿಯೊ ಕಳೆದ 8 ವರ್ಷಗಳಿಂದ ಲಿವಿಂಗ್‌ ಟುಗೆದರ್‌ನಲ್ಲಿ ಇದ್ದರು ಎಂದು ಅವರ ಸ್ನೇಹಿತರು ಹೇಳಿದ್ದಾರೆ. 

ಈ ಮದುವೆ ಕಾರ್ಯಕ್ರಮಕ್ಕೆ ಸಲಿಂಗ ಜೋಡಿಗಳ ಆ‍ಪ್ತರು, ಸ್ನೇಹಿತರು, ಸಹೋದ್ಯಗಿಗಳು ಹಾಗೂ ಕುಟುಂಬದವರು ಆಗಮಿಸಿದ್ದರು. ಪತ್ರಕರ್ತರು ಸೇರಿದಂತೆ ಸಾಮಾಜಿಕ ಕಾರ್ಯಕರ್ತರು ಕೂಡ ಮದುವೆಯಲ್ಲಿ ಭಾಗಿಯಾಗಿದ್ದರು ಎನ್ನಲಾಗಿದೆ. 

ಬಂಗಾಳಿ ಮತ್ತು ಪಂಜಾಬಿ ಸಂಪ್ರದಾಯದಲ್ಲಿ ವಿವಾಹ ನಡೆದಿದೆ. ಮದುವೆಯ ಫೋಟೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಜೋಡಿಗಳಿಬ್ಬರು ಮೆಹಂದಿ ಹಾಕಿಕೊಂಡಿರುವ ಚಿತ್ರಗಳು ಹೆಚ್ಚಾಗಿ ಶೇರ್‌ ಆಗುತ್ತಿವೆ. 

ಸುಪ್ರಿಯೊ ಹೋಟೆಲ್​ ಮ್ಯಾನೇಜ್​ಮೆಂಟ್​ ಕಾಲೇಜಿನಲ್ಲಿ ಉಪನ್ಯಾಸಕರಾಗಿದ್ದಾರೆ. ಅಭಯ್​ ಕೂಡ ಎಂಎನ್​ಸಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದಾರೆ. 

ಇದನ್ನೂ ಓದಿ: ತೈವಾನ್‌ನಲ್ಲಿ ಮೊದಲ ಸಲಿಂಗ ವಿವಾಹ

ಭಾರತದಲ್ಲಿ ಸಲಿಂಗ ವಿವಾಹಕ್ಕೆ ಸುಪ್ರೀಂಕೋರ್ಟ್ ಕಳೆದ 3 ವರ್ಷಗಳ ಹಿಂದೆ ಒಪ್ಪಿಗೆ ನೀಡಿದೆ. ಆದರೆ ಸರ್ಕಾರ ಸಲಿಂಗ ವಿವಾಹವನ್ನು ಇನ್ನು ಕಾನೂನು ಬದ್ಧಗೊಳಿಸಿಲ್ಲ. 

ಇದನ್ನೂ ಓದಿ: ಸಲಿಂಗಕಾಮ ಅಡ್ಡದಾರಿಯಲ್ಲ: ಸುಪ್ರೀಂ

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು