<p>ಯಥಾ ವ್ಯಾಲಗಲಸ್ಥೋsಪಿ ಭೇಕೋ ದಂಶಾನಪೇಕ್ಷತೇ ।</p>.<p>ತಥಾ ಕಾಲಾಹಿನಾ ಗ್ರಸ್ತೋ ಲೋಕೋ ಭೋಗಾನಪೇಕ್ಷತೇ ।।</p>.<p>ಇದರ ತಾತ್ಪರ್ಯ ಹೀಗೆ:</p>.<p>‘ತನ್ನನ್ನು ನುಂಗುತ್ತಿರುವ ಹಾವಿನ ಗಂಟಲಿನಲ್ಲಿ ಅರ್ಧ ಸಿಕ್ಕಿಕೊಂಡಿದ್ದರೂ ಕಪ್ಪೆಯು ಕೀಟಗಳನ್ನು ತಿನ್ನಲು ಬಯಸುತ್ತಿರುತ್ತದೆ. ಹೀಗೆಯೇ ಕಾಲ ಎಂಬ ಸರ್ಪವು ಬಂದು ಹಿಡಿದುಕೊಂಡಿದ್ದರೂ ಜನರು ಮಾತ್ರ ಸುಖಭೋಗಗಳನ್ನು ಬಯಸುತ್ತಾರೆ.’</p>.<p>ಆಸೆ–ಭೋಗಗಳ ಲಾಲಸೆಗಳ ತೀವ್ರತೆಯ ಬಗ್ಗೆ ಸುಭಾಷಿತ ಹೇಳುತ್ತಿದೆ.</p>.<p>ಭ್ರಷ್ಟರು ಭ್ರಷ್ಟಾಚಾರದಲ್ಲಿ ಯಾಕೆ ತೊಡಗುತ್ತಾರೆ? ಅತಿಯಾಸೆಯ ಮೋಹ ಅವರನ್ನು ಆವರಿಸಿಕೊಂಡಿರುತ್ತದೆ. ನಾನಿನ್ನೂ ಸಾವಿರ ವರ್ಷಗಳು ಬದುಕುತ್ತೇನೆ; ಹೀಗಾಗಿ ಹಣವನ್ನು ಸಂಪಾದಿಸಬೇಕು, ಅಧಿಕಾರವನ್ನು ಹಿಡಿಯಬೇಕು – ಹೀಗೆಂದು ಅವರು ಯೋಚಿಸುತ್ತಾರೆ.</p>.<p>ಎಪ್ಪತ್ತು ವರ್ಷ, ಎಂಬತ್ತು ವರ್ಷಗಳಾಗಿರುತ್ತವೆ. ಇನ್ನು ಎಷ್ಟು ಕ್ಷಣ ಬದುಕುತ್ತೇವೆ ಎಂಬ ಖಾತ್ರಿ ಇರುವುದಿಲ್ಲ. ಆದರೂ ನಿಲ್ಲದು ಹಣದ ಸಂಪಾದನೆ ಸಂಪಾದನೆ ಸಂಪಾದನೆ; ಅದೂ ಅಡ್ಡದಾರಿಯಲ್ಲಿ ಸಂಪಾದನೆ. ಹೋಗಲಿ, ಪ್ರಾಣ ಹೋದಮೇಲೆ ಜೊತೆಯಲ್ಲಿ ಏನಾದರೂ ತೆಗೆದುಕೊಂಡುಹೋಗುತ್ತಾರೆಯೋ? ಇಲ್ಲವಷ್ಟೆ! ಆದರೂ ಸಂಪತ್ತಿನ ವ್ಯಾಮೋಹ ಹೋಗುವುದಿಲ್ಲ, ಆಧಿಕಾರದ ಮದ ತೊಲಗುವುದಿಲ್ಲ. ಮುಂದಿನ ಕ್ಷಣ ಏನಾಗುತ್ತದೆ ಎಂಬುದು ಯಾರಿಗೂ ಗೊತ್ತಿರುವುದಿಲ್ಲ; ಆದರೂ ಅದು ಬೇಕು, ಇದು ಬೇಕು – ಎಂಬ ಹಾರಾಟ ಮಾತ್ರ ನಿಲ್ಲದು; ಹೋಗಲಿ, ಪಡೆದಿರುವುದರ ಬಗ್ಗೆ ತೃಪ್ತಿಯಾದರೂ ಇದೆಯೋ? ಅದೂ ಇಲ್ಲ! ಬೇಕು, ಬೇಕು, ಇನ್ನೂ ಬೇಕು!!</p>.<p>ಸುಭಾಷಿತ ಇಲ್ಲಿ ಕೊಟ್ಟಿರುವ ಉದಾಹರಣೆ ಕಣ್ಣಿಗೆ ಕಟ್ಟುವಂತಿದೆ.</p>.<p>ಕಪ್ಪೆಯೊಂದನ್ನು ಹಾವು ನುಂಗುತ್ತಿದೆ. ಆ ಕಪ್ಪೆಯ ಆಯುಸ್ಸು ಇನ್ನು ಕೆಲವೇ ಕ್ಷಣಗಳಲ್ಲಿ ಮುಗಿಯುತ್ತದೆ. ಹೀಗೆ ಅದರ ಪ್ರಾಣವೇ ಹೋಗುವಂಥ ಸಮಯದಲ್ಲೂ ಅದು ಏನು ಮಾಡುತ್ತಿದೆ? ಅಲ್ಲಿಯೇ ಹಾರಾಡುತ್ತಿರುವ ಕೀಟವನ್ನು ತಿನ್ನಲು ಬಯಸುತ್ತಿದೆ!</p>.<p>ನಮ್ಮ ಭ್ರಷ್ಟ ಅಧಿಕಾರಿಗಳ ಮತ್ತು ಭ್ರಷ್ಟ ರಾಜಕಾರಣಿಗಳ ವರಸೆಯೂ ಹೀಗೆಯೇ ಇರುವುದು, ಅಲ್ಲವೆ? ಸರಿಯಾಗಿ ಒಂದು ಹೊತ್ತು ಊಟವನ್ನೂ ಮಾಡಲಾಗದಿರುವಷ್ಟು ಅನಾರೋಗ್ಯ ತುಂಬಿಕೊಂಡಿರುತ್ತದೆ. ಯಾವ ಕ್ಷಣ ಬೇಕಾದರೂ ಸಾವು ಎದುರಾಗಬಹುದು. ಅಂಥ ಸ್ಥಿತಿಯಲ್ಲಿಯೂ ಅವರ ಹಣದ ಜಪ ನಿಲ್ಲದು; ಭ್ರಷ್ಟಾಚಾರದ ಲೆಕ್ಕಾಚಾರ ನಿಲ್ಲದು; ಬೇರೊಬ್ಬರಿಗೆ ಮೋಸ ಮಾಡಬಾರದೆಂಬ ಬುದ್ಧಿ ಬರದು; ಸಾವು ಎಲ್ಲವನ್ನೂ ಕೊನೆಗೊಳಿಸುತ್ತದೆ ಎಂಬ ತಿಳಿವಳಿಕೆಯೂ ಬರದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಯಥಾ ವ್ಯಾಲಗಲಸ್ಥೋsಪಿ ಭೇಕೋ ದಂಶಾನಪೇಕ್ಷತೇ ।</p>.<p>ತಥಾ ಕಾಲಾಹಿನಾ ಗ್ರಸ್ತೋ ಲೋಕೋ ಭೋಗಾನಪೇಕ್ಷತೇ ।।</p>.<p>ಇದರ ತಾತ್ಪರ್ಯ ಹೀಗೆ:</p>.<p>‘ತನ್ನನ್ನು ನುಂಗುತ್ತಿರುವ ಹಾವಿನ ಗಂಟಲಿನಲ್ಲಿ ಅರ್ಧ ಸಿಕ್ಕಿಕೊಂಡಿದ್ದರೂ ಕಪ್ಪೆಯು ಕೀಟಗಳನ್ನು ತಿನ್ನಲು ಬಯಸುತ್ತಿರುತ್ತದೆ. ಹೀಗೆಯೇ ಕಾಲ ಎಂಬ ಸರ್ಪವು ಬಂದು ಹಿಡಿದುಕೊಂಡಿದ್ದರೂ ಜನರು ಮಾತ್ರ ಸುಖಭೋಗಗಳನ್ನು ಬಯಸುತ್ತಾರೆ.’</p>.<p>ಆಸೆ–ಭೋಗಗಳ ಲಾಲಸೆಗಳ ತೀವ್ರತೆಯ ಬಗ್ಗೆ ಸುಭಾಷಿತ ಹೇಳುತ್ತಿದೆ.</p>.<p>ಭ್ರಷ್ಟರು ಭ್ರಷ್ಟಾಚಾರದಲ್ಲಿ ಯಾಕೆ ತೊಡಗುತ್ತಾರೆ? ಅತಿಯಾಸೆಯ ಮೋಹ ಅವರನ್ನು ಆವರಿಸಿಕೊಂಡಿರುತ್ತದೆ. ನಾನಿನ್ನೂ ಸಾವಿರ ವರ್ಷಗಳು ಬದುಕುತ್ತೇನೆ; ಹೀಗಾಗಿ ಹಣವನ್ನು ಸಂಪಾದಿಸಬೇಕು, ಅಧಿಕಾರವನ್ನು ಹಿಡಿಯಬೇಕು – ಹೀಗೆಂದು ಅವರು ಯೋಚಿಸುತ್ತಾರೆ.</p>.<p>ಎಪ್ಪತ್ತು ವರ್ಷ, ಎಂಬತ್ತು ವರ್ಷಗಳಾಗಿರುತ್ತವೆ. ಇನ್ನು ಎಷ್ಟು ಕ್ಷಣ ಬದುಕುತ್ತೇವೆ ಎಂಬ ಖಾತ್ರಿ ಇರುವುದಿಲ್ಲ. ಆದರೂ ನಿಲ್ಲದು ಹಣದ ಸಂಪಾದನೆ ಸಂಪಾದನೆ ಸಂಪಾದನೆ; ಅದೂ ಅಡ್ಡದಾರಿಯಲ್ಲಿ ಸಂಪಾದನೆ. ಹೋಗಲಿ, ಪ್ರಾಣ ಹೋದಮೇಲೆ ಜೊತೆಯಲ್ಲಿ ಏನಾದರೂ ತೆಗೆದುಕೊಂಡುಹೋಗುತ್ತಾರೆಯೋ? ಇಲ್ಲವಷ್ಟೆ! ಆದರೂ ಸಂಪತ್ತಿನ ವ್ಯಾಮೋಹ ಹೋಗುವುದಿಲ್ಲ, ಆಧಿಕಾರದ ಮದ ತೊಲಗುವುದಿಲ್ಲ. ಮುಂದಿನ ಕ್ಷಣ ಏನಾಗುತ್ತದೆ ಎಂಬುದು ಯಾರಿಗೂ ಗೊತ್ತಿರುವುದಿಲ್ಲ; ಆದರೂ ಅದು ಬೇಕು, ಇದು ಬೇಕು – ಎಂಬ ಹಾರಾಟ ಮಾತ್ರ ನಿಲ್ಲದು; ಹೋಗಲಿ, ಪಡೆದಿರುವುದರ ಬಗ್ಗೆ ತೃಪ್ತಿಯಾದರೂ ಇದೆಯೋ? ಅದೂ ಇಲ್ಲ! ಬೇಕು, ಬೇಕು, ಇನ್ನೂ ಬೇಕು!!</p>.<p>ಸುಭಾಷಿತ ಇಲ್ಲಿ ಕೊಟ್ಟಿರುವ ಉದಾಹರಣೆ ಕಣ್ಣಿಗೆ ಕಟ್ಟುವಂತಿದೆ.</p>.<p>ಕಪ್ಪೆಯೊಂದನ್ನು ಹಾವು ನುಂಗುತ್ತಿದೆ. ಆ ಕಪ್ಪೆಯ ಆಯುಸ್ಸು ಇನ್ನು ಕೆಲವೇ ಕ್ಷಣಗಳಲ್ಲಿ ಮುಗಿಯುತ್ತದೆ. ಹೀಗೆ ಅದರ ಪ್ರಾಣವೇ ಹೋಗುವಂಥ ಸಮಯದಲ್ಲೂ ಅದು ಏನು ಮಾಡುತ್ತಿದೆ? ಅಲ್ಲಿಯೇ ಹಾರಾಡುತ್ತಿರುವ ಕೀಟವನ್ನು ತಿನ್ನಲು ಬಯಸುತ್ತಿದೆ!</p>.<p>ನಮ್ಮ ಭ್ರಷ್ಟ ಅಧಿಕಾರಿಗಳ ಮತ್ತು ಭ್ರಷ್ಟ ರಾಜಕಾರಣಿಗಳ ವರಸೆಯೂ ಹೀಗೆಯೇ ಇರುವುದು, ಅಲ್ಲವೆ? ಸರಿಯಾಗಿ ಒಂದು ಹೊತ್ತು ಊಟವನ್ನೂ ಮಾಡಲಾಗದಿರುವಷ್ಟು ಅನಾರೋಗ್ಯ ತುಂಬಿಕೊಂಡಿರುತ್ತದೆ. ಯಾವ ಕ್ಷಣ ಬೇಕಾದರೂ ಸಾವು ಎದುರಾಗಬಹುದು. ಅಂಥ ಸ್ಥಿತಿಯಲ್ಲಿಯೂ ಅವರ ಹಣದ ಜಪ ನಿಲ್ಲದು; ಭ್ರಷ್ಟಾಚಾರದ ಲೆಕ್ಕಾಚಾರ ನಿಲ್ಲದು; ಬೇರೊಬ್ಬರಿಗೆ ಮೋಸ ಮಾಡಬಾರದೆಂಬ ಬುದ್ಧಿ ಬರದು; ಸಾವು ಎಲ್ಲವನ್ನೂ ಕೊನೆಗೊಳಿಸುತ್ತದೆ ಎಂಬ ತಿಳಿವಳಿಕೆಯೂ ಬರದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
