ದಿನದ ಸೂಕ್ತಿ: ಜೀವನದಲ್ಲಿ ಸುಖ

ಅರ್ಥಾಗಮೋ ನಿತ್ಯಮರೋಗಿತಾ ಚ ಪ್ರಿಯಾ ಚ ಭಾರ್ಯಾ ಪ್ರಿಯವಾದಿನೀ ಚ । ವಶ್ಯಶ್ಚ ಪುತ್ರೋsರ್ಥಕರೀ ಚ ವಿದ್ಯಾ ಷಟ್ ಜೀವಲೋಕಸ್ಯ ಸುಖಾನಿ ರಾಜನ್ ।।

. ಇದರ ತಾತ್ಪರ್ಯ ಹೀಗೆ: ‘ದೈನಂದಿನ ಜೀವನದ ಖರ್ಚುವೆಚ್ಚಗಳಿಗೆ ಬೇಕಾದಷ್ಟು ಸಂಪಾದನೆ: ಯಾವ ರೋಗಬಾಧೆಯೂ ಇಲ್ಲದ ಆರೋಗ್ಯ; ತಾನು ಪ್ರೀತಿಸಿದವಳೇ ಹೆಂಡತಿಯಾಗಿ ದೊರೆಯುವುದು; ಅವಳು ಪ್ರಿಯವಾದದ್ದನ್ನೇ ಮಾತಾಡುವವಳು ಆಗಿರುವುದು; ತನ್ನ ಮಾತನ್ನು ಕೇಳಿ ವಿನಯದಿಂದ ನಡೆಯುವ ಗುಣವಂತನಾದ ಮಗ; ತಾನು ಕಲಿತ ವಿದ್ಯೆಯೇ ಹಣ ಗಳಿಸಲು ಉಪಯೋಗಕ್ಕೆ ಒದಗುವುದು – ಈ ಸೌಕರ್ಯಗಳು ಭಾಗ್ಯದಿಂದ ದೊರೆತರೆ ಜೀವನವು ಸುಖಮಯವಾಗಿರುತ್ತದೆ.’

. ನಮ್ಮ ಜೀವನವು ಸುಖಮಯವಾಗಿರುವುದಕ್ಕೆ ಏನೆಲ್ಲ ಬೇಕು – ಎಂಬುದನ್ನು ಈ ಸುಭಾಷಿತ ಚೆನ್ನಾಗಿ ಪಟ್ಟಿ ಮಾಡಿದೆ.

. ಮೊದಲಿಗೆ ನಮ್ಮ ಆವಶ್ಯಕತೆಗಳನ್ನು ಪೂರೈಸಿಕೊಳ್ಳುವಷ್ಟು ಹಣ ಇರಬೇಕು; ಜೀವನದ ಸಂತೋಷವನ್ನು ಸವಿಯಲು ಚೆನ್ನಾದ ಆರೋಗ್ಯವೂ ಬೇಕು. ಹಣ–ಆರೋಗ್ಯ ಇದ್ದಮೇಲೆ ಜೀವನಯಾನಕ್ಕೆ ಒಂದು ಒಳ್ಳೆಯ ಜೊತೆ ಬೇಕು. ಇದನ್ನೇ ಸುಭಾಷಿತ ಹೇಳಿರುವುದು: ಪ್ರೀತಿಸಿದವರೇ ನಮ್ಮ ಜೊತೆಯಾಗಿ ದೊರೆತಾಗ ಜೀವನದಲ್ಲಿ ಸಂತೋಷ ಮೂಡುವುದು. ಇದು ಕೇವಲ ಗಂಡಿಗೆ ಹೆಂಡತಿಯ ಬಗ್ಗೆ ಮಾತ್ರವೇ ಹೇಳಿರುವುದಲ್ಲ; ಇದು ಹೆಣ್ಣೊಬ್ಬಳಿಗೆ ಸಿಗಬೇಕಾದ ಗಂಡಿನ ಬಗ್ಗೆಯೂ ಆಗಿದೆ. ಆದರೆ ನಾವು ಪ್ರೀತಿಸಿದವರು ನಮಗೆ ದೊರೆಯುವುದಷ್ಟೆ ಮುಖ್ಯವಲ್ಲ, ಅವರು ಸ್ನೇಹ–ಸೌಹಾರ್ದಗಳಿಂದ ಜೀವನದುದ್ದಕ್ಕೂ ಅದೇ ಪ್ರೀತಿಯಿಂದ ನಮ್ಮೊಂದಿಗೆ ನಡೆದುಕೊಳ್ಳುವುದು ಕೂಡ ಮುಖ್ಯ.

. ಸಂಸಾರ ಸುಖಮಯವಾಗಿರಬೇಕಾದರೆ ಮನೆಯ ಎಲ್ಲ ಸದಸ್ಯರೂ ಅನ್ಯೋನ್ಯವಾಗಿರಬೇಕು. ಅದನ್ನೇ ಸುಭಾಷಿತ ವಿನಯವಂತನಾದ ಮಗ – ಎನ್ನುವುದರ ಮೂಲಕ ಸೂಚಿಸಿರುವುದು.

. ತಾನು ಕಲಿತ ವಿದ್ಯೆಯೇ ತನ್ನ ಸಂಪಾದನೆಯ ದಾರಿಯೂ ಆಗಬೇಕು – ಎಂದು ಸುಭಾಷಿತ ಇಲ್ಲಿ ಹೇಳುತ್ತಿರುವುದು ಸ್ವಾರಸ್ಯಕರವಾಗಿದೆ. ತನ್ನ ಜೀವನವನ್ನು ತಾನು ಕಲಿತ ವಿದ್ಯೆಯ ಮೂಲಕವೇ, ತನ್ನ ಸಂಪಾದನೆಯಿಂದಲೇ ರೂಪಿಸಿಕೊಳ್ಳಬೇಕು – ಎಂಬುದನ್ನು ಧ್ವನಿಪೂರ್ಣವಾಗಿ ಹೇಳುತ್ತಿದೆ.

. ಹೌದು, ನಮ್ಮೆಲ್ಲರಿಗೂ ನಮ್ಮ ಜೀವನ ಸುಖಮಯವಾಗಿರಬೇಕು ಎಂಬ ಆಸೆ ಇರುತ್ತದೆ. ಅದಕ್ಕೆ ನಮ್ಮದೇ ಆದ ಕಲ್ಪನೆಗಳೂ ಇರುತ್ತವೆ. ಆದರೆ ಅವುಗಳ ಸಾಕ್ಷಾತ್ಕಾರವನ್ನು ನಮ್ಮ ದುಡಿಮೆಯಿಂದಲೇ ಮಾಡಿಕೊಳ್ಳಬೇಕು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಜೀವನದಲ್ಲಿ ಸುಖ

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ