ಹೆಂಡತಿ ಮತ್ತು ಮಕ್ಕಳ ಜೊತೆಗೆ ನಮ್ಮ ಜೀವನವನ್ನು ಸುಖಮಯಗೊಳಿಸುವಲ್ಲಿ ನಮ್ಮ ಸ್ನೇಹಿತರ ಪಾತ್ರವೂ ದೊಡ್ಡದು. ಸುಭಾಷಿತ ಅಂಥ ಸ್ನೇಹಿತನನ್ನೂ ಗುರುತಿಸಿದೆ. ಸ್ನೇಹಿತ ಎಂದರೆ ನಮ್ಮನ್ನು ಒಳ್ಳೆಯದರಲ್ಲಿ ತೊಡಗಿಸಬೇಕು, ಕೆಟ್ಟ ಕೆಲಸಗಳಿಂದ ದೂರಮಾಡಬೇಕು. ಹೀಗೆ ನಮ್ಮ ಏಳಿಗೆಗೆ ಕಾರಣವಾಗಬಲ್ಲ ನಿಜವಾದ ಸ್ನೇಹಿತ ಎಂದರೆ ಅದು ಧರ್ಮವೇ ಹೌದು ಎನ್ನುತ್ತಿದೆ ಅದು. ಕೇಡಿನಿಂದ ನಮ್ಮನ್ನು ರಕ್ಷಿಸಿ, ಒಳಿತನ್ನು ಉಂಟುಮಾಡುವುದೇ ಧರ್ಮದ ಉದ್ದೇಶ.