ಗಂಗೆಪೂಜೆಯ ಸಂಪ್ರದಾಯ...: ಯುಗಾದಿ ದಿನ ಊರಿನ ಉಳಿದ ಸಮುದಾಯದವರಂತೆ ನಾವೂ ಕೊಳವೆಬಾವಿಗಳಿಗೆ ಪೂಜೆ ಸಲ್ಲಿಸಿ ಗಂಗಮ್ಮನ ಗೌರವಿಸುತ್ತೇವೆ ಎಂದು ವಾಲೀಕಾರ ಹೇಳುತ್ತಾರೆ. ಪಾಡ್ಯದ ದಿನ ಕೊಳವೆ ಬಾವಿಗೆ ಚಪ್ಪರ ಹಾಕಿ ನೆರಳು ಮಾಡುತ್ತೇವೆ. ಅಂದು ಇಡೀ ದಿನ ಊರಿನ ಐವರು ಹೆಣ್ಣುಮಕ್ಕಳು ಉಪವಾಸ ಇದ್ದು, ಸಂಜೆ ಕೊಳವೆಬಾವಿ ಬಳಿ ಬಂದು ಗಂಗೆಪೂಜೆ ನೆರವೇರಿಸುತ್ತಾರೆ. ಈ ವೇಳೆ ಅವರಿಗೆ ಉಡಿ ತುಂಬಿ, ಹೋಳಿಗೆ, ಸಜ್ಜಕ, ಕರ್ಚಿಕಾಯಿ, ಸಂಡಿಗೆ, ಬದನಿಕಾಯಿ ಪಲ್ಲೆ, ತರಹೇವಾರಿ ಚಟ್ನಿ, ಅನ್ನ, ಸಾಂಬಾರು–ಹೀಗೆ ಬಗೆ ಬಗೆಯ ಭಕ್ಷ್ಯಗಳನ್ನು ಒಳಗೊಂಡ ಊಟ ಮಾಡಿಸಲಾಗುವುದು. ಗಂಗಾಪೂಜೆ ನೆರವೇರಿಸುವ ಹೆಣ್ಣುಮಕ್ಕಳಲ್ಲಿ ಎಲ್ಲ ಸಮಾಜದವರು ಇರುವುದು ವಿಶೇಷ.