ತೋಟಗಾರಿಕೆ ಮೇಳದಲ್ಲಿ ಹಣ್ಣು, ಹೂವಿನ ಸಸಿಗಳು ಲಭ್ಯ

ಬಾಗಲಕೋಟೆ : ಆಲಂಕಾರಿಕ ಹೂವು, ವಿವಿಧ ತರಕಾರಿ, ವಿವಿಧ ಹಣ್ಣಿನ ಪ್ರಾತ್ಯಕ್ಷಿಕೆಗಳನ್ನು ಡಿ.21ರಿಂದ ಆರಂಭವಾಗುವ ತೋಟಗಾರಿಕೆ ಮೇಳದಲ್ಲಿ ವೀಕ್ಷಿಸಬಹುದಾಗಿದೆ. ಅಂತಹವುಗಳನ್ನು ಬೆಳೆಯಬೇಕು ಎನ್ನಿಸುತ್ತಿದೆಯೇ? ಹಾಗಿದ್ದರೆ ತಡವೇಕೆ? ಅಲ್ಲಿಯೇ ಇವುಗಳ ಸಸಿಗಳು, ಬೀಜಗಳೂ ದೊರೆಯುತ್ತವೆ.

. ವಿವಿಯೇ ಅಭಿವೃದ್ಧಿ ಪಡಿಸಿರುವ ಮೆಣಸಿನಕಾಯಿಯ ರುದ್ರ, ನುಗ್ಗೆಯ ಭಾಗ್ಯ ತಳಿಗಳಿಗೆ ಹೆಚ್ಚಿನ ಬೇಡಿಕೆ ಇದೆ. ರುದ್ರ ಮೆಣಸಿನಕಾಯಿಯ 500 ಕೆ.ಜಿ, ಭಾಗ್ಯ ನುಗ್ಗೆಯ 400 ಕೆ.ಜಿ ಬೀಜವನ್ನು ಮೇಳಕ್ಕೆ ಬರುವ ರೈತರಿಗಾಗಿ ಸಿದ್ಧಪಡಿಸಿಟ್ಟುಕೊಳ್ಳಲಾಗಿದೆ.

. ವಿವಿಧ ತರಕಾರಿ ಬೀಜ, ಕಿಚನ್ ಗಾರ್ಡನ್ನ 500 ಕಿಟ್, ಮೆಂತೆ ಹಾಗೂ ಕೊತ್ತಂಬರಿ ಬೀಜಗಳು ಲಭ್ಯ ಇವೆ. ಮೇ ತಿಂಗಳಿನಲ್ಲಿ 2 ಲಕ್ಷದಷ್ಟು ಅರಿಸಿಣ ಸಸಿಗಳನ್ನು ರೈತರಿಗೆ ವಿತರಿಸಲಾಗಿತ್ತು.

. ಹಣ್ಣಿನ ಸಸಿಗಳೂ ಲಭ್ಯ: ಅಲ್ಫಾನ್ಸೊ, ಕೇಸರ, ಮಲ್ಲಿಕಾ, ತಶೇರಿ ಸೇರಿದಂತೆ ಹಲವು ಮಾವಿನ ಹಣ್ಣಿನ ಸಸಿಗಳನ್ನು ಬೆಳೆಸಲಾಗಿದೆ. ಲಿಂಬೆಯಲ್ಲಿನ ಕಾಗ್ಜಿ ತಳಿಯ ಸಸಿಗಳೂ ರೈತರಿಗಾಗಿ ಲಭ್ಯವಿವೆ. ಹಲಸಿನ ವಿವಿಧ ತಳಿಗಳು, ಅಂಜೂರ, ಬಿಲ್ವಪತ್ರೆ, ಚಿಕ್ಕು, ಡ್ರ್ಯಾಗನ್ ಫ್ರೂಟ್, ಬೆಳವಲ, ಕವಳೆ, ಪೇರಲದಂತಹ ಸಸಿಗಳಿವೆ.

. ಗುಣಮಟ್ಟದ ಸಸಿಗಳನ್ನು ಬೆಳೆಸಲಾಗಿದೆ. ಕಡಿಮೆ ದರದಲ್ಲಿ ರೈತರಿಗೆ ವಿತರಣೆ ಮಾಡಲಾಗುತ್ತದೆ. ಜತೆಗೆ ಬೆಳೆಗಳ ಬಗ್ಗೆಯೂ ಮಾಹಿತಿ ನೀಡಲಾಗುವುದು ಎಂದು ಹಣ್ಣು ವಿಭಾಗದ ಪ್ರೊ.ಆನಂದ ನಂಜಪ್ಪನವರ ತಿಳಿಸಿದರು.

. ಸುಗಂಧ ದ್ರವ್ಯ, ಔಷಧೀಯ ಸಸ್ಯಗಳೂ ಇವೆ. ಅಲೊವೆರಾ, ತುಳಸಿ, ಇನ್ಸುಲಿನ್, ಬ್ರಾಹ್ಮಿ, ಲಿಂಬೆ ಹುಲ್ಲು ಸೇರಿದಂತೆ ಹಲವು ಬಗೆಯವು ಸಿಗುತ್ತವೆ.

. ಬೋಗನ್ ವಿಲ್ಲಾ, ಡ್ರೆಸಿನಾ, ಬ್ಯಾಂಬೂ, ಪಂಡಾಸಿಸ್, ಸಿಲೋಶಿಯಾ ಸೇರಿದಂತೆ ಆಲಂಕಾರಿಕ ಸಸಿಗಳಿವೆ. ಮಲ್ಲಿಗೆ, ಕನಕಾಂಬರ, ಗುಲಾಬಿ, ಚೆಂಡು ಹೂ, ಸೇವಂತಿಗೆ ಸೇರಿದಂತೆ ಹಲವು ಪುಷ್ಪ ಸಸಿಗಳನ್ನೂ ತಂದು ಮನೆ ಆವರಣದಲ್ಲಿ ಬೆಳೆಸಬಹುದಾಗಿದೆ.

. ‘ಮನೆಯನ್ನು ಅಂದಗೊಳಿಸುವ ಹಲವು ಸಸಿಗಳಿವೆ. ಜೊತೆಗೆ ಪುಷ್ಪದ ಸಸಿಗಳೂ ಇವೆ. ಪಾಟ್ ಸಮೇತ ಸಸಿಗಳನ್ನೂ ಮಾರಾಟ ಮಾಡಲಾಗುವುದು’ ಎಂದು ಪುಷ್ಪ ಮತ್ತು ಉದ್ಯಾನ ವಿಭಾಗದ ಪ್ರೊ.ಬಿ.ಸಿ. ಪಾಟೀಲ ತಿಳಿಸಿದರು.

. ಕಲ್ಲಂಗಡಿ, ಕರಬೂಜ, ಕುಂಬಳಕಾಯಿ, ಸೋರೆಕಾಯಿ, ಹಾಗಲಕಾಯಿ, ತುಪ್ಪರಕಾಯಿ ಸೇರಿದಂತೆ ಹಲವು ಬಳ್ಳಿಗಳು, ಗಜ್ಜರಿ, ಬೆಂಡೆಕಾಯಿ, ಬದನೆಕಾಯಿ, ಹೂಕೋಸು, ಗಡ್ಡೆಕೋಸು, ಬಟಾಣಿ, ಟೊಮ್ಯಾಟೊ, ಪಾಲಕ, ಮೆಂತ್ಯೆ, ರಾಜಗಿರಿ ಸೇರಿದಂತೆ ಹಲವು ತರಕಾರಿಗಳ ಗಿಡಗಳನ್ನು ಪ್ರಾತ್ಯಕ್ಷಿಕೆ ವಿಭಾಗದಲ್ಲಿ ನೋಡಬಹುದಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತೋಟಗಾರಿಕೆ ಮೇಳದಲ್ಲಿ ಹಣ್ಣು, ಹೂವಿನ ಸಸಿಗಳು ಲಭ್ಯ

ಚಿನಕುರುಳಿ: ಶುಕ್ರವಾರ, 19 ಡಿಸೆಂಬರ್ 2025

ಸಿದ್ದರಾಮಯ್ಯ ಜತೆ ಒಪ್ಪಂದವಾಗಿದೆ, ಇಬ್ಬರೂ ಸೇರಿ ಹೈಕಮಾಂಡ್ ಒಪ್ಪಿಸಿದ್ದೇವೆ: ಡಿಕೆ

ಚುರುಮುರಿ: ಜಿ ರಾಮ್ ಜೀ..!

ಅಪ್ಪನ ಮುಂದೆ 11 ವರ್ಷದ ಪ್ರೀತಿ ಹೇಳಿಕೊಂಡ ಮಗಳು; ತಂದೆಯ ಪ್ರತಿಕ್ರಿಯೆ ನೋಡಿ

12 ವರ್ಷದೊಳಗಿನವರ ಟೆನಿಸ್‌ ಟೂರ್ನಿ: ದರ್ಶ್‌, ಕಲಾ ಚಾಂಪಿಯನ್

ವಿಜಯ್ ಮರ್ಚಂಟ್ ಟ್ರೋಫಿ: ಕರ್ನಾಟಕದ ಅಥರ್ವಗೆ 5 ವಿಕೆಟ್‌ ಗೊಂಚಲು

BWF World Tour Finals 2025: ನಾಕೌಟ್‌ಗೆ ಸಾತ್ವಿಕ್‌–ಚಿರಾಗ್

ಕೂಚ್‌ ಬಿಹಾರ್ ಟ್ರೋಫಿ: ಕರ್ನಾಟಕ ಮತ್ತು ಮಹಾರಾಷ್ಟ್ರ ನಡುವಣ ಪಂದ್ಯ ರೋಚಕ ಡ್ರಾ

ಒಳನೋಟ | ಯುಕೆಪಿಗೆ ಇಚ್ಛಾಶಕ್ತಿ ಕೊರತೆ

ಒಳನೋಟ | ನಿಗಮ– ಮಂಡಳಿಗಳು: ಸರ್ಕಾರ ಸಾಕುವ ಬಿಳಿಯಾನೆ

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಒಳನೋಟ: ಶ್ರೀಗಂಧ ಕೃಷಿಗೆ ನೂರು ಕಷ್ಟ

ಚಿನಕುರುಳಿ: ಶುಕ್ರವಾರ, 19 ಡಿಸೆಂಬರ್ 2025

ಸಿದ್ದರಾಮಯ್ಯ ಜತೆ ಒಪ್ಪಂದವಾಗಿದೆ, ಇಬ್ಬರೂ ಸೇರಿ ಹೈಕಮಾಂಡ್ ಒಪ್ಪಿಸಿದ್ದೇವೆ: ಡಿಕೆ

ಚುರುಮುರಿ: ಜಿ ರಾಮ್ ಜೀ..!

ಅಪ್ಪನ ಮುಂದೆ 11 ವರ್ಷದ ಪ್ರೀತಿ ಹೇಳಿಕೊಂಡ ಮಗಳು; ತಂದೆಯ ಪ್ರತಿಕ್ರಿಯೆ ನೋಡಿ