ಶಸ್ತ್ರಚಿಕಿತ್ಸೆ ಕಲಿಕೆ: ನಿರ್ಜೀವ ಮಿದುಳಿಗೆ ಕೃತಕ ಜೀವ!

ಬಾಗಲಕೋಟೆ : ಸತ್ತ ವ್ಯಕ್ತಿಯ ಮಿದುಳನ್ನು ಕೃತಕವಾಗಿ ಸಕ್ರಿಯಗೊಳಿಸಿ ಪ್ರಾಯೋಗಿಕ ಕಲಿಕೆಗೆ ಬಳಸುವ ಪ್ರಯೋಗ ಇಲ್ಲಿನ ಬಸವೇಶ್ವರ ವೀರಶೈವ ವಿದ್ಯಾವರ್ಧಕ ಸಂಘದ ಎಸ್.ನಿಜಲಿಂಗಪ್ಪ ವೈದ್ಯಕೀಯ ಕಾಲೇಜಿನಅಂಗರಚನಾ ಶಾಸ್ತ್ರ ವಿಭಾಗದಲ್ಲಿ ಯಶಸ್ವಿಯಾಗಿ ನಡೆದಿದೆ.

. ಸಾಮಾನ್ಯವಾಗಿ ಶಸ್ತ್ರಚಿಕಿತ್ಸೆ ಕಲಿಕೆಗೆ ಮೃತದೇಹಗಳನ್ನು ಬಳಸಲಾಗುತ್ತದೆ. ಆದರೆ ಈ ಪ್ರಯೋಗದಲ್ಲಿ ಸತ್ತ ಮಿದುಳನ್ನು ಕೃತಕವಾಗಿ ಸಕ್ರಿಯಗೊಳಿಸಲಾಗಿದೆ.

. ಮಿದುಳು ಮತ್ತು ನರಗಳ ಶಸ್ತ್ರಚಿಕಿತ್ಸೆಯ ಅಧ್ಯಯನದ ಭಾಗವಾಗಿ ದೇಶದಲ್ಲಿಯೇ ಮೊದಲ ಬಾರಿಗೆ ಈ ವಿಧಾನ ಬಳಕೆಯಾಗಿದೆ.ಈ ಹಿಂದೆ 2017ರಲ್ಲಿ ಮೊದಲ ಬಾರಿಗೆ ಅಮೆರಿಕದ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದ ನರರೋಗ ಶಸ್ತ್ರಚಿಕಿತ್ಸಕರು ಈ ಪ್ರಯೋಗ ಮಾಡಿ ಯಶಸ್ಸು ಸಾಧಿಸಿದ್ದರು ಎಂದು ಕಾಲೇಜಿನ ಅಂಗರಚನಾ ಶಾಸ್ತ್ರ ವಿಭಾಗದ ಮುಖ್ಯಸ್ಥ ಡಾ.ಸಂಜೀವ್ ಕೊಳಗಿ ಹೇಳುತ್ತಾರೆ.

. ಮನುಷ್ಯನ ಮಿದುಳಿನ ಒಳ ಮತ್ತು ಹೊರಭಾಗದಲ್ಲಿ (ಮಿದುಳು ಹಾಗೂ ಬುರುಡೆಯ ನಡುವೆ) ಸಿ.ಎಸ್.ಎಫ್ (cerebro spinal fluid) ಎನ್ನುವ ದ್ರವ ಸದಾ ಚಲಿಸುತ್ತಿರುತ್ತದೆ. ಈ ದ್ರವ ಮಿದುಳನ್ನು ಸಂರಕ್ಷಿಸುತ್ತದೆ. ಮೃತದೇಹದ ಮಿದುಳಿನಲ್ಲಿ ಸಿ.ಎನ್.ಎಫ್ ಸಂಚಾರ ಸ್ಥಗಿತಗೊಂಡಿರುತ್ತದೆ.

. ಡಾ.ಸಂಜೀವ ಕೊಳಗಿ ಹಾಗೂ ಬೆಂಗಳೂರಿನ ಅಪೋಲೊ ಆಸ್ಪತ್ರೆಯ ನರ ಶಸ್ತ್ರಚಿಕಿತ್ಸಾ ತಜ್ಞರೂ ಆದ ಕಾಲೇಜಿನ ಸಂದರ್ಶಕ ಪ್ರಾಧ್ಯಾಪಕ ಡಾ.ಅಜಯ್ ಹೆರೂರ ಅವರ ತಂಡ, ಮೃತದೇಹದ ಮಿದುಳಿನಲ್ಲಿ ಕೃತಕವಾಗಿ ದ್ರವ ಸಂಚರಿಸುವಂತೆ ಮಾಡಿ, ನಂತರ ಅದನ್ನು ಶಸ್ತ್ರಚಿಕಿತ್ಸೆ ಕುರಿತ ಕಲಿಕೆಗೆ ಬಳಸಿಕೊಂಡಿದೆ.

. ‘ಸಿ.ಎಸ್.ಎಫ್ ಸಂಚಾರ ಇಲ್ಲದ ಮಿದುಳನ್ನು ಶಸ್ತ್ರಚಿಕಿತ್ಸೆಯ ತರಬೇತಿಗೆ ಬಳಸಿದರೆ ಸಹಜ ಮತ್ತು ಸಜೀವ ಅನುಭವ ವಿದ್ಯಾರ್ಥಿಗಳಿಗೆ ಸಿಗುವುದಿಲ್ಲ. ಹೀಗಾಗಿ ಕೃತಕವಾಗಿ, ಈ ದ್ರವವನ್ನು ಮಿದುಳಿನಲ್ಲಿ ಸಕ್ರಿಯಗೊಳಿಸುವ ಪ್ರಯೋಗಕ್ಕೆ ಮುಂದಾದೆವು’ ಎಂದು ಡಾ.ಸಂಜೀವ್ ಕೊಳಗಿ ’ಪ್ರಜಾವಾಣಿ‘ಗೆ ತಿಳಿಸಿದರು.

. ‘ಸಿ.ಎಸ್.ಎಫ್ ಮಾದರಿಯ ದ್ರಾವಣವನ್ನು (ಸಲೈನ್) ನೀಡಿ ಅದು ಸಂಚರಿಸುವಂತೆ ಮಾಡಲಾಯಿತು. ಈ ಪ್ರಯೋಗವನ್ನು ಫೆ 13ರಂದು ಅಮೆರಿಕದ ಎನ್ಎಎಸ್ಎಸ್ ಸಂಸ್ಥೆ (North American Skullbase Society) ಆಯೋಜಿಸಿದ್ದ ವರ್ಚ್ಯುವಲ್ ಕಾರ್ಯಾಗಾರದಲ್ಲಿ ಪ್ರಸ್ತುತಪಡಿಸಲಾಯಿತು.ದೇಶ–ವಿದೇಶದ 30 ಮಂದಿ ಕಲಿಕಾರ್ಥಿಗಳು ಪಾಲ್ಗೊಂಡು ಅದನ್ನು ನೇರವಾಗಿ ವೀಕ್ಷಿಸಿದರು’ ಎಂದು ಡಾ.ಸಂಜೀವ್ ತಿಳಿಸಿದರು.

. ಅತ್ಯುತ್ತಮ ಶಸ್ತ್ರಚಿಕಿತ್ಸಕರಾಗಿ ರೂಪಿಸಲು ನೆರವು

. ‘ಸ್ನಾತಕೋತ್ತರ ವೈದ್ಯಕೀಯ ವಿದ್ಯಾರ್ಥಿಗಳನ್ನು ಅತ್ಯುತ್ತಮ ನರಶಸ್ತ್ರಚಿಕಿತ್ಸಕರನ್ನಾಗಿ ರೂಪಿಸಲು ಈ ವಿಧಾನ ನೆರವಾಗಲಿದೆ. ಮಿದುಳಿನ ಶಸ್ತ್ರಚಿಕಿತ್ಸೆಯ ಪ್ರಾಯೋಗಿಕ ಕಲಿಕೆಗೆ ಜೀವಂತ ರೋಗಿಗಳನ್ನು ಬಳಕೆ ಮಾಡಿಕೊಳ್ಳಲು ಸಾಧ್ಯವಿಲ್ಲ. ಹೀಗಾಗಿ ಕಲಿಕಾರ್ಥಿಗಳಿಗೆ ನೈಜ ಅನುಭವ ಸಿಗಲಿ ಎಂಬ ಕಾರಣಕ್ಕೆ ಪ್ರಯೋಗಕ್ಕೆ ಮುಂದಾದೆವು‘ ಎಂದುಎನ್.ಎನ್.ಮೆಡಿಕಲ್ ಕಾಲೇಜುಅಂಗರಚನಾ ಶಾಸ್ತ್ರ ವಿಭಾಗದ ಮುಖ್ಯಸ್ಥಡಾ.ಸಂಜೀವ್ ಕೊಳಗಿ ಹೇಳುತ್ತಾರೆ.

. ಮಿದುಳಿನ ಎಂಡೊಸ್ಕೋಪಿಕ್ (ಕೀ ಹೋಲ್) ಸರ್ಜರಿಯಂತಹ ಕ್ಲಿಷ್ಟಕರ ಚಿಕಿತ್ಸೆ ಕಲಿಯಲು ವೈದ್ಯ ವಿದ್ಯಾರ್ಥಿಗಳಿಗೆ ಈ ರೀತಿಯ ತರಬೇತಿ ಅನುಕೂಲವಾಗಲಿದೆ. ಈ ಪ್ರಯೋಗವನ್ನುಎನ್ಎಎಸ್ಎಸ್ ಸಂಸ್ಥೆಯ ಜರ್ನಲ್ನಲ್ಲಿ ಪ್ರಕಟಿಸಲು ಸಿದ್ಧತೆ ನಡೆಸಿದ್ದೇವೆಎಂದು ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಸ್ತ್ರಚಿಕಿತ್ಸೆ ಕಲಿಕೆ: ನಿರ್ಜೀವ ಮಿದುಳಿಗೆ ಕೃತಕ ಜೀವ!

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು