ಬಾಗಲಕೋಟೆ: ಗ್ರಹಣ ವೀಕ್ಷಣೆಗೆ ಸೋಲಾರ್ ಗ್ಲಾಸ್ ವ್ಯವಸ್ಥೆ

ಬೆಳಿಗ್ಗೆ 8.05ರಿಂದ 11.04ರವರೆಗೆ ಸೂರ್ಯಗ್ರಹಣ ಇದ್ದು, ಬರೀಗಣ್ಣಿನಿಂದ ನೋಡುವುದು ಅಪಾಯಕಾರಿ ಎಂಬ ಕಾರಣಕ್ಕೆ ಗ್ರಹಣ ವೀಕ್ಷಣೆಗೆ ಕೋರ್ ವಿಜ್ಞಾನ ಕೇಂದ್ರದಲ್ಲಿ 100 ಸೋಲಾರ್ ಫಿಲ್ಟರ್ ಗ್ಲಾಸ್‌ಗಳನ್ನು ಇಡಲಾಗಿದೆ.

ಅಗಸ್ತ್ಯ ಸಂಸ್ಥೆ ಗ್ರಹಣ ವೀಕ್ಷಣೆಯ ಸಮನ್ವಯ ಮಾಡಲಿದ್ದು, ನವನಗರದ ಸರ್ಕಾರಿ ಶಾಲೆ ನಂ 02,03,05 ಹಾಗೂ 07ರ ಮಕ್ಕಳು, ಸರ್ಕಾರಿ ಪ್ರೌಢಶಾಲೆ, ಆದರ್ಶ ಪ್ರೌಢಶಾಲೆ, ಮೊರಾರ್ಜಿ ವಸತಿಶಾಲೆಯ ಮಕ್ಕಳನ್ನು ಕರೆತರಲಾಗುತ್ತಿದೆ. ಜೊತೆಗೆ ಜಾನಮಟ್ಟಿ ಹಾಗೂ ನೀಲಾನಗರ ಲಂಬಾಣಿ ತಾಂಡಾದ 150 ಮಕ್ಕಳನ್ನು ಗ್ರಹಣ ವೀಕ್ಷಣೆಗೆ ಕರೆತರಲಾಗುತ್ತಿದೆ ಎಂದು ಅಗಸ್ತ್ಯ ಸಂಸ್ಥೆಯ ಸಂತೋಷ ಕುಮಾರ ‘ಪ್ರಜಾವಾಣಿ’ಗೆ ತಿಳಿಸಿದರು.