ವಿದ್ಯಾರ್ಥಿನಿಯರ ಕಲಿಕೆಗೆ ಟಿವಿ ಅಗತ್ಯವಿರುವುದನ್ನು ಮನಗಂಡು ಟಿವಿ ನೀಡಿದ್ದಾರೆ. ಕೋವಿಡ್‍ 19 ಸೋಂಕು ವ್ಯಾಪಕವಾಗಿ ಹರಡುತ್ತಿರುವ ಹಿನ್ನಲೆಯಲ್ಲಿ ಬೋಧನೆಯನ್ನು ಆನ್‍ಲೈನ್‍ ಹಾಗೂ ಚಂದನ ವಾಹಿನಿ ಮೂಲಕ ವಿದ್ಯಾರ್ಥಿಗಳಿಗೆ ತಲುಪಿಸುವುದಕ್ಕಾಗಿ ವಿದ್ಯುನ್ಮಾನ ಉಪಕರಣಗಳ ಅಗತ್ಯವನ್ನು ತಿಳಿದು ಈ ಕಾರ್ಯಕ್ಕೆ ಮುಂದಾದೆ ಎಂದು ಪ್ರೇಮಲತಾ ಹೇಳಿದರು. ಟಿವಿ ಸ್ವೀಕರಿಸಿದ ಮುಖ್ಯಶಿಕ್ಷಕ ಮಲ್ಲಿಕಾರ್ಜುನ ಅವರು ಪ್ರೇಮಲತಾ ಆವರಿಗೆ ಎಸ್‍ಡಿಎಂಸಿ, ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳ ಪರವಾಗಿ ಅಭಿನಂದನೆ ಸಲ್ಲಿಸಿದ್ದಾರೆ.
