ಸ್ವಸ್ಥ ಮನಸ್ಸು, ಸದೃಢ ಶರೀರಕ್ಕೆ ಕ್ರೀಡೆ ಅಗತ್ಯ: ಡಾ. ಅಜ್ಜಯ್ಯ

‘ಸ್ವಸ್ಥ ಮನಸ್ಸು ಮತ್ತು ಸದೃಢ ಶರೀರಕ್ಕೆ ಕ್ರೀಡಾ ಚಟುವಟಿಕೆ ಬಹು ಮುಖ್ಯ. ಯುವಜನಾಂಗ ಕ್ರೀಡೆಯಲ್ಲಿ ತೊಡಗಿಸಿಕೊಳ್ಳಬೇಕು’ ಎಂದು ವಿಜಯನಗರ ಶ್ರೀ ಕೃಷ್ಣದೇವರಾಯ ವಿಶ್ವವಿದ್ಯಾಲಯದ ಸಿಂಡಿಕೇಟ್ ಸದಸ್ಯ ಡಾ. ಅಜ್ಜಯ್ಯ ಹೇಳಿದರು.

‘ಇಡೀ ಜಗತ್ತೇ ಬೆರಗುಗಣ್ಣಿನಿಂದ ನೋಡುವಂತೆ ಹಾಕಿ ಮಾಂತ್ರಿಕ ಮೇಜರ್ ಧ್ಯಾನ್‌ ಚಂದ್‌ ಹಾಕಿ ಕ್ರೀಡೆಯಲ್ಲಿ ಅತ್ಯುನ್ನತ ಸಾಧನೆಗೈದು ಭಾರತಕ್ಕೆ ಕೀರ್ತಿ ತಂದಿದ್ದಾರೆ. ಅವರ ದೇಶಪ್ರೇಮ ಮತ್ತು ಕ್ರೀಡಾ ತಪಸ್ಸು ಅನುಕರಣೀಯ, ಇಂದಿನ ಯುವಜನಾಂಗ ಆ ನಿಟ್ಟಿನಲ್ಲಿ ಆಲೋಚಿಸಿ ಮುನ್ನಡೆಯಬೇಕಿದೆ’ ಎಂದು ತಿಳಿಸಿದರು.

ಮರಿಯಮ್ಮನಹಳ್ಳಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಪ್ರಾಚಾರ್ಯ ಬಾಬು ರಾಜೇಂದ್ರ ಪ್ರಸಾದ್, ಪ್ರಾಚಾರ್ಯ ಬಿ.ಜಿ. ಕನಕೇಶಮೂರ್ತಿ, ದೈಹಿಕ ಶಿಕ್ಷಣ ನಿರ್ದೇಶಕ ಬಡಿಗೇರ್ ಸೋಮಪ್ಪ, ಹಂಪಿ ವಿರೂಪಾಕ್ಷೇಶ್ವರ ಕಾಲೇಜಿನ ಪ್ರವೀಣ್ ಸಿಂಗ್, ಪ್ರಾಧ್ಯಾಪಕರಾದ ಎಂ.ಕೆ.ಗದ್ದಿಗೇಶ್, ಷಣ್ಮುಖಪ್ಪ, ದೈಹಿಕ ಶಿಕ್ಷಣ ನಿರ್ದೇಶಕರಾದ ಶಿವಕುಮಾರ್, ಎಚ್‌. ಮಂಜುನಾಥ ಆರೆಂಟನೂರ ಇದ್ದರು.