ಬಳ್ಳಾರಿ | ಅಂಕುಶಕ್ಕೆ ಸಿಗದ ಮಟ್ಕಾ, ಜೂಜು: ಬಡವರನ್ನು ಹೀರುತ್ತಿರುವ ದಂಧೆಕೋರರು

ಜಿಲ್ಲೆಯಲ್ಲಿ ಈ ವರ್ಷದ ಇಲ್ಲಿಯ ವರೆಗೆ 157 ಮಟ್ಕಾ ಪ್ರಕರಣಗಳನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ. ಇದರಲ್ಲಿ 195 ಮಂದಿಯನ್ನು ಬಂಧಿಸಲಾಗಿದೆ. ಈ ಎಲ್ಲ ಪ್ರಕರಣಗಳಿಂದ ₹374186 ಮೌಲ್ಯದ ಹಣ ಮತ್ತು ವಸ್ತುಗಳನ್ನು ವಶಕ್ಕೆ ಪಡೆಯಲಾಗಿದೆ.  ಇನ್ನು 61 ಜೂಜಾಟದ ಪ್ರಕರಣಗಳನ್ನು ಪತ್ತೆ ಮಾಡಲಾಗಿ 372 ಮಂದಿ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ. ಇದರಲ್ಲಿ ₹383445 ಮೌಲ್ಯದ ಹಣ ಮತ್ತು ವಸ್ತುಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸ್‌ ಇಲಾಖೆಯ ಅಧಿಕೃತ ದಾಖಲೆಗಳು ಹೇಳುತ್ತಿವೆ.  ಆದರೆ ಕಣ್ಣಿಗೆ ಕಾಣದಂತೆ ಎಷ್ಟು ದಂಧೆ ನಡೆದಿರಬಹುದು ಎಷ್ಟು ಹಣ ಕೈಬದಲಾಗಿರಬಹುದು ಎಂಬುದನ್ನು ಊಹಿಸಲೂ ಸಾಧ್ಯವಿಲ್ಲ ಎನ್ನುತ್ತಾರೆ ಅಧಿಕಾರಿಗಳು.