‘ಕುಲಪತಿಯ ಅಧಿಕಾರದ ಅವಧಿ ಆರು ತಿಂಗಳಿಗಿಂತ ಮುಂಚೆ ಇರುವುದರಿಂದ ನೇಮಕಾತಿ ನಡೆಸಬಾರದು ಎಂದು ಕುಲಸಚಿವೆ ಪಟ್ಟು ಹಿಡಿದಿದ್ದರು, ಆದರೆ ಈಗ ನಡೆಯುತ್ತಿರುವುದು 2018ರಲ್ಲಿ ಆರಂಭವಾದ ನೇಮಕಾತಿ ಪ್ರಕ್ರಿಯೆ ಎಂದು ಹೇಳಿದರೂ ಒಪ್ಪಿರಲಿಲ್ಲ. ಅವರನ್ನು ಹೊರಗಿಟ್ಟು ನೇಮಕಾತಿ ನಡೆಸುವಂತೆ ಉನ್ನತ ಶಿಕ್ಷಣ ಇಲಾಖೆಯ ಅಧಿಕಾರಿಗಳು ಸೂಚಿಸಿದರು. ಹೀಗಾಗಿ, ಕುಲಸಚಿವೆ ರಜೆಯಲ್ಲಿದ್ದಾಗ, ರಾಜ್ಯ ವಿಶ್ವವಿದ್ಯಾಲಯಗಳ ಕಾಯ್ದೆಯ ಪರಿಚ್ಛೇದ 15(5) ಬಳಸಿ ಅಧಿಕಾರವನ್ನು ಮೌಲ್ಯಮಾಪನ ಕುಲಸಚಿವ ಪ್ರೊ.ಕೆ.ರಮೇಶ್ ಅವರಿಗೆ ವಹಿಸಲಾಗಿತ್ತು. ನಂತರ ಅಧಿಕಾರವನ್ನು ನೀಡಿದರೂ ಅವರು ವಹಿಸಿಕೊಳ್ಳಲಿಲ್ಲ. ಆಡಳಿತದಲ್ಲಿ ಅವರಿಗೆ ಅನುಭವ ಸಾಲದು’ ಎಂದು ಕುಲಪತಿ ಹೇಳಿದರು.