U–19 World Cup: ಅಫ್ಗನ್ ನೀಡಿದ್ದ ಬೃಹತ್ ಗುರಿ ಚೇಸ್ ಮಾಡಿ ಫೈನಲ್ ತಲುಪಿದ ಭಾರತ

ಹರಾರೆ : ಆ್ಯರನ್ ಜಾರ್ಜ್ ಶತಕ, ಆಯುಷ್ ಮ್ಹಾತ್ರೆ ಮತ್ತು ವೈಭವ್ ಸೂರ್ಯವಂಶಿ ಅವರ ಅರ್ಧಶತಕಗಳ ಮುಂದೆ ಅಫ್ಗಾನಿಸ್ತಾನವು ಒಡ್ಡಿದ್ದ ಬೆಟ್ಟದಂತಹ ಮೊತ್ತದ ಗುರಿ ಮಂಜಿನಂತೆ ಕರಗಿತು. 19 ವರ್ಷದೊಳಗಿನವರ ಭಾರತ ತಂಡವು ಯುವ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಫೈನಲ್ ಪ್ರವೇಶಿಸಿತು.

ಐದು ಬಾರಿಯ ಚಾಂಪಿಯನ್ ಭಾರತವು ಪ್ರವೇಶಿಸಿರುವ 10ನೇ ಫೈನಲ್ ಇದಾಗಿದೆ. ಬುಧವಾರ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ 311 ರನ್ಗಳ ಗುರಿ ಬೆನ್ನಟ್ಟಿದ ತಂಡವು 7 ವಿಕೆಟ್ಗಳಿಂದ ಜಯಿಸಿತು. ಕೇವಲ 41.1 ಓವರ್ಗಳಲ್ಲಿ ಗುರಿಯನ್ನು ಮುಟ್ಟುವಲ್ಲಿ ಭಾರತ ಯುವಪಡೆ ಯಶಸ್ವಿಯಾಯಿತು. ಆರಂಭ ಆಟಗಾರ ಜಾರ್ಜ್ (115; 104ಎ, 4x15, 6x2) ಶತಕ ದಾಖಲಿಸಿದರು.

ಟಾಸ್ ಗೆದ್ದ ಅಫ್ಗಾನಿಸ್ತಾನವು ಫೈಸಲ್ ಶಿನೊಝಾದಾ (110; 93ಎಸೆತ, 4x15) ಮತ್ತು ಉಝೈರುಲ್ಲಾ ನೀಯಾಝಲ್ (ಔಟಾಗದೇ 101, 86ಎ, 4x12, 6x2) ಅವರ ಶತಕಗಳ ಬಲದಿಂದ ದೊಡ್ಡ ಮೊತ್ತ ಪೇರಿಸಿತು. 117 ರನ್ಗಳಿಗೆ ಎರಡು ವಿಕೆಟ್ ಕಳೆದುಕೊಂಡಿದ್ದ ತಂಡಕ್ಕೆ ಫೈಸಲ್ ಮತ್ತು ನೀಯಾಝಲ್ ಅವರು ಮೂರನೇ ವಿಕೆಟ್ ಜೊತೆಯಾಟದಲ್ಲಿ 148 ರನ್ ಸೇರಿಸುವ ಮೂಲಕ ಶಕ್ತಿ ತುಂಬಿದರು. ಮೇಲ್ನೋಟಕ್ಕೆ ಗುರಿಯು ಕಠಿಣ ಸವಾಲು ಎನಿಸಿತ್ತು.

ಆದರೆ ಭಾರತದ ಆರಂಭಿಕ ಬ್ಯಾಟರ್ ವೈಭವ್ ಸೂರ್ಯವಂಶಿ ತಮ್ಮ ಎಂದಿನ ಬೀಸಾಟದ ಮೂಲಕ ಜಯಕ್ಕೆ ‘ಮುನ್ನುಡಿ’ ಬರೆದರು. ಕೇವಲ 33 ಎಸೆತಗಳಲ್ಲಿ ಅವರು 68 ರನ್ ಗಳಿಸಿದರು. 14 ವರ್ಷದ ವೈಭವ್ ನಾಲ್ಕು ಸಿಕ್ಸರ್ ಮತ್ತು 9 ಬೌಂಡರಿ ಸಿಡಿಸಿದರು. 206.06 ರ ಸ್ಟ್ರೈಕ್ ರೇಟ್ನಲ್ಲಿ ರನ್ ಸೂರೆ ಮಾಡಿದರು. ಮೊದಲ ವಿಕೆಟ್ ಜೊತೆಯಾಟದಲ್ಲಿ ಆ್ಯರನ್ ಜಾರ್ಜ್ ಜೊತೆಗೆ 90 ರನ್ ಸೇರಿಸಿದರು. ಹತ್ತನೇ ಓವರ್ನಲ್ಲಿ ವೈಭವ್ ವಿಕೆಟ್ ಗಳಿಸುವಲ್ಲಿ ನೂರಿಸ್ತಾನಿ ಒಮರ್ಝೈ ಯಶಸ್ವಿಯಾದರು.

ಕಳೆದ ಕೆಲವು ಪಂದ್ಯಗಳಲ್ಲಿ ಬ್ಯಾಟಿಂಗ್ ವೈಫಲ್ಯ ಎದುರಿಸಿದ್ದ ಜಾರ್ಜ್ ಇಲ್ಲಿ ಲಯಕ್ಕೆ ಮರಳಿದರು. ಆತ್ಮವಿಶ್ವಾಸ ದಿಂದ ಆಡಿದರು. ಅವರಿಗೆ ನಾಯಕ ಆಯುಷ್ ಜೊತೆ ನೀಡಿದರು. ಆಯುಷ್ ಕೂಡ ಟೂರ್ನಿ ಈ ಹಿಂದಿನ ಪಂದ್ಯಗಳಲ್ಲಿ ಬೌಲಿಂಗ್ನಲ್ಲಿ ಯಶಸ್ವಿಯಾಗಿದ್ದರು. ಆದರೆ ಬ್ಯಾಟಿಂಗ್ ಲಯ ತಪ್ಪಿದ್ದರು. ಇಲ್ಲಿ ಜಾರ್ಜ್ ಮತ್ತು ಆಯುಷ್ ಇಬ್ಬರ ಚೆಂದದ ಬ್ಯಾಟಿಂಗ್ ಮನಸೆಳೆಯಿತು.

ಆಯುಷ್ (62; 59ಎ, 4X5, 6X4) ಮತ್ತು ಜಾರ್ಜ್ ಅವರು ಎರಡನೇ ವಿಕೆಟ್ ಜೊತೆಯಾಟದಲ್ಲಿ 114 (101ಎ) ರನ್ ಸೇರಿಸಿದರು. ಐಪಿಎಲ್ ಆಟಗಾರ ಆಯುಷ್ ಅವರ ಲಾಫ್ಟ್ಗಳು, ಪುಲ್ ಮತ್ತು ಡ್ರೈವ್ಗಳ ಆಟ ಮನಮೋಹಕ ವಾಗಿತ್ತು. 27ನೇ ಓವರ್ನಲ್ಲಿ ಆಯುಷ್ ವಿಕೆಟ್ ಪಡೆದ ಒಮರ್ಝೈ ಅವರು ಜೊತೆಯಾಟವನ್ನೂ ಮುರಿದರು.

ವಹಿದುಲ್ಲಾ ಝದ್ರಾನ್ ಅವರ ಬೌಲಿಂಗ್ನಲ್ಲಿ ಆಮಿರಿಗೆ ಕ್ಯಾಚ್ ಕೊಟ್ಟ ಜಾರ್ಜ್ ಇನಿಂಗ್ಸ್ಗೆ ತೆರೆಬಿತ್ತು. ವಿಹಾನ್ (38 ರನ್) ಮತ್ತು ವೇದಾಂತ್ (5 ರನ್) ಅವರು ತಂಡವನ್ನು ಜಯದ ದಡ ಮುಟ್ಟಿಸಿದರು. ಭಾರತ ಯುವ ತಂಡವು 2016ರಿಂದೀಚೆಗೆ ಸತತ ಆರನೇ ಬಾರಿ ಪ್ರಶಸ್ತಿ ಸುತ್ತು ಪ್ರವೇಶಿಸಿತು.

ಭಾರತ ತಂಡವು ಶುಕ್ರವಾರ ನಡೆಯ ಲಿರುವ ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡವನ್ನು ಎದುರಿಸಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

U–19 World Cup: ಅಫ್ಗನ್ ನೀಡಿದ್ದ ಬೃಹತ್ ಗುರಿ ಚೇಸ್ ಮಾಡಿ ಫೈನಲ್ ತಲುಪಿದ ಭಾರತ

ಚಿನಕುರುಳಿ: ಸೋಮವಾರ, 09 ಫೆಬ್ರುವರಿ 2026

ಭಾವೈಕ್ಯದ ಮದುವೆ: ಹಿಂದೂ ಹುಡುಗನಿಗೆ ಆಸರೆಯಾದ ಮುಸ್ಲಿಂ ದಂಪತಿ

ಗುಂಡಣ್ಣ: ಸೋಮವಾರ, 09 ಫೆಬ್ರುವರಿ 2026

ಚುರುಮುರಿ: ಲೋಕಲ್‌ ಹೈಕಮಾಂಡ್‌

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಐಪಿಎಲ್‌ ಪಂದ್ಯ: 12ರಂದು ಸಿಎಂ ಜೊತೆ ಮಹತ್ವದ ಸಭೆ

ಏಷ್ಯಾ ಶೂಟಿಂಗ್‌ ಚಾಂಪಿಯನ್‌ಷಿಪ್‌: ಸ್ವರ್ಣ ತಪ್ಪಿಸಿಕೊಂಡ ಮನು ಭಾಕರ್

T20 WC: ಭಾರತ ಪಂದ್ಯ ಬಹಿಷ್ಕಾರ ನಿರ್ಧಾರ ಕೈಬಿಟ್ಟ ಪಾಕಿಸ್ತಾನ; ಪ್ರಹಸನಕ್ಕೆ ತೆರೆ

T20 World Cup: ಕೆನಡಾ ಮಣಿಸಿದ ದಕ್ಷಿಣ ಆಫ್ರಿಕಾ ಶುಭಾರಂಭ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಒಳನೋಟ | ಕುಸಿದ ಬೆಲೆ: ರಬ್ಬರ್‌ ಉಳಿಯುವುದೇ?

ಒಳನೋಟ: ಪ್ರತಿಜೀವಕಗಳೇ ಜೀವಕ್ಕೆ ಕುತ್ತು?

ಚಿನಕುರುಳಿ: ಸೋಮವಾರ, 09 ಫೆಬ್ರುವರಿ 2026

ಭಾವೈಕ್ಯದ ಮದುವೆ: ಹಿಂದೂ ಹುಡುಗನಿಗೆ ಆಸರೆಯಾದ ಮುಸ್ಲಿಂ ದಂಪತಿ

ಗುಂಡಣ್ಣ: ಸೋಮವಾರ, 09 ಫೆಬ್ರುವರಿ 2026

ಚುರುಮುರಿ: ಲೋಕಲ್‌ ಹೈಕಮಾಂಡ್‌