ರಾಷ್ಟ್ರೀಯ ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿ ಬ್ಯಾಂಕ್ (ನಬಾರ್ಡ್) ಪ್ರಬಂಧಕ ಪಿ. ಮೋಹನರೆಡ್ಡಿ ಮಾತನಾಡಿ, ‘ಸಾಮರ್ಥ್ಯಕ್ಕನುಗುಣವಾದ ಕ್ರೆಡಿಟ್ ಯೋಜನೆ (ಪಿಎಲ್‍ಪಿ) ಸ್ಥಳೀಯ ಅಸ್ತಿತ್ವದಲ್ಲಿರುವ ಮೂಲಭೂತ ಉದ್ದೇಶಗಳ ಆಧಾರದ ಮೇಲೆ ನಿರ್ಮಿಸಲಾಗಿದೆ. ಮೂಲ ಸೌಕರ್ಯಗಳ ಆಧಾರದ ಮೇಲೆ ಭೌತಿಕ ಸಾಮರ್ಥ್ಯಕ್ಕನುಗುಣವಾಗಿ, ದೀರ್ಘ ಕಾಲಾವಧಿಯ ಲಭ್ಯತೆಗೆ ಪೂರಕವಾಗುವಂತೆ ಹಾಗೂ ಮಾರುಕಟ್ಟೆಯ ಸೌಕರ್ಯಗಳನ್ನು ಗಮನದಲ್ಲಿಟ್ಟುಕೊಂಡು ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳ ಸಂಕ್ಷಿಪ್ತ ವಿಧಾನಗಳನ್ನಾಧರಿಸಿ ನಿರ್ಮಿಸಲಾಗಿದೆ’ ಎಂದು ತಿಳಿಸಿದರು.
