ಹೊಸಕೋಟೆ: ಟೊಮೆಟೊ, ತರಕಾರಿ ಟ್ರ್ಯಾಕ್ಟರ್‌ ಕದ್ದೊಯ್ಯುತ್ತಿದ್ದ ಕಳ್ಳರ ಬಂಧನ

ಕೋಲಾರದ ಶಿವಾನಂದ ಹಾಗೂ ಆನಂದ ಬಂಧಿತರು. ಬಂಧಿತರಿಂದ ಸುಮಾರು 12 ಟ್ರ್ಯಾಕ್ಟರ್‌ ವಶಪಡಿಸಿಕೊಳ್ಳಲಾಗಿದೆ.

ಬೆಳೆ ಕಟಾವಿಗೆ ಬಂದ ತೋಟಗಳ ಮೇಲೆ ಕಣ್ಣಿಡುತ್ತಿದ್ದ ಈ ಇಬ್ಬರೂ ಲೋಡ್‌ ಮಾಡಿಟ್ಟಿರುತ್ತಿದ್ದ ಟ್ರ್ಯಾಕ್ಟರ್‌ ಸಮೇತ ಪರಾರಿಯಾಗುತ್ತಿದ್ದರು. ಒಂದು ವರ್ಷದಿಂದ ಕೋಲಾರ, ಚಿಂತಾಮಣಿ, ಹೊಸಕೋಟೆ ಭಾಗದಲ್ಲಿ ನಡೆಯುತ್ತಿದ್ದ ಈ ಪ್ರಕರಣ ರೈತರ ನಿದ್ದೆಗೆಡಿಸಿದ್ದವು. ಪೊಲೀಸರಿಗೂ ತಲೆನೋವಾಗಿದ್ದವು.