11 ನಾಮಪತ್ರಗಳು ತಿರಸ್ಕೃತ

ಪ್ರಾದೇಶಿಕ ಆಯುಕ್ತರೂ ಆಗಿರುವ ಚುನಾವಣಾಧಿಕಾರಿ ಆಮ್ಲಾನ್ ಆದಿತ್ಯ ಬಿಸ್ವಾಸ್ ಪರಿಶೀಲಿಸಿದರು. ಎರಡೂ ಕ್ಷೇತ್ರಗಳಿಂದ ಒಟ್ಟು 11 ಮಂದಿಯ ನಾಮಪತ್ರಗಳು ಕ್ರಮಬದ್ಧವಾಗಿಲ್ಲ ಎಂದು ಘೋಷಿಸಿದ್ದಾರೆ.

ಪದವೀಧರರ ಮತಕ್ಷೇತ್ರಕ್ಕೆ ಪಕ್ಷೇತರ ಅಭ್ಯರ್ಥಿಗಳಾಗಿ ಉಮೇದುವಾರಿಕೆ ಸಲ್ಲಿಸಿದ್ದ ಬಸವರಾಜ ಕಬ್ಬಿನ, ಉದಯಕುಮಾರ್‌ ಸಿಂಪಿ, ಪೈಗಂಬರ ಗೂಡುಸಾಬ ಕೊಟ್ಟಲಗಿ, ರಾಜಕುಮಾರ ಬಾಡವಾಡಗಿ, ಸಂತೋಷ ಬಗಲಿ, ಸುರೇಶ ಮನಗೂಳಿ ಹಾಗೂ ಸೋಮಶೇಖರ ಗೋಸರ ಅವರ ನಾಮಪತ್ರಗಳನ್ನು ತಿರಸ್ಕರಿಸಲಾಗಿದೆ. ಪ್ರಮುಖ ಪಕ್ಷಗಳ ಅಭ್ಯರ್ಥಿಗಳು ಸೇರಿದಂತೆ 16 ಮಂದಿಯ ನಾಮಪತ್ರಗಳು ಕ್ರಮಬದ್ಧವಾಗಿವೆ ಎಂದು ತಿಳಿಸಲಾಗಿದೆ.

ಶಿಕ್ಷಕರ ಮತಕ್ಷೇತ್ರ: ಪಕ್ಷೇತರಾಗಿ ಉಮೇದುವಾರಿಕೆ ಸಲ್ಲಿಸಿದ್ದ ಅಯಾಜ್‌ ಖಾದ್ರಿ ಮುಷ್ರೀಫ್, ಅನಿಲ್ ಸೋಮು ರಾಠೋಡ್, ತುಳಸಪ್ಪ ದಾಸರ ಹಾಗೂ ಕೃಷ್ಣವಾಣಿ ಅವರ ನಾಮಪತ್ರಗಳು ಕ್ರಮಬದ್ಧವಾಗಿರಲಿಲ್ಲ ಎಂದು ತಿಳಿಸಿದ್ದಾರೆ. ಪ್ರಮುಖ ಪಕ್ಷಗಳ ಅಭ್ಯರ್ಥಿಗಳು ಸೇರಿದಂತೆ 12 ಮಂದಿಯ ನಾಮಪತ್ರಗಳು ಕ್ರಮಬದ್ಧವಾಗಿವೆ ಎಂದು ಚುನಾವಣಾಧಿಕಾರಿ ತಿಳಿಸಿದ್ದಾರೆ.

ನಾಮಪತ್ರ ವಾಪಸ್‌ಗೆ ಮೇ 30 ಕೊನೆಯ ದಿನವಾಗಿದೆ. ಮತದಾನ ಜೂನ್‌ 13ರಂದು ನಡೆಯಲಿದೆ.