ಬೇಡಿಕೆಯು ತೀವ್ರವಾಗಿ ಕುಸಿತ ಕಂಡಿರುವುದರಿಂದ ಕೈಗಾರಿಕೆಗಳಲ್ಲಿ ಕೆಲಸದ ಪ್ರಮಾಣ ಕಡಿಮೆಯಾಗಿದೆ. ಆಟೊಮೊಬೈಲ್ ಅವಲಂಬಿಸಿರುವ ಹೈಡ್ರಾಲಿಕ್ಸ್, ಫೌಂಡ್ರಿ (ಎರಕ) ಘಟಕಗಳಲ್ಲೂ ಸ್ಥಿತಿ ಭಿನ್ನವಾಗಿಲ್ಲ. ಪ್ರಸ್ತುತ ಶೇ 40 ರಷ್ಟು ಕಾರ್ಮಿಕರಿಗಷ್ಟೇ ತಿಂಗಳು ಪೂರ್ತಿ ಕೆಲಸ ಸಿಗುತ್ತಿದೆ. ಉಳಿದವರಿಗೆ ಅರ್ಧ ತಿಂಗಳಷ್ಟೇ ಕೆಲಸ ಕೊಡಲಾಗುತ್ತಿದೆ. ಬಹುತೇಕ ಘಟಕಗಳಲ್ಲಿ ಮೂರ್ನಾಲ್ಕು ಪಾಳಿಗಳ ಬದಲಿಗೆ ಗರಿಷ್ಠ ಎರಡು ಪಾಳಿಗಳಷ್ಟೇ ಉತ್ಪಾದನೆಯಲ್ಲಿ ತೊಡಗಿಸಿಕೊಂಡಿವೆ.