ಜನರ ಮನರಂಜನೆಗಾಗಿ ಹಾಗೂ ಮಕ್ಕಳು ಅಥವಾ ಆಸಕ್ತರನ್ನು ಮೇಲೆ ಕೂರಿಸಿ ಸುತ್ತಾಡಿಸಿ ಹಣ ಸಂಪಾದಿಸುವುದಕ್ಕಾಗಿ ಕೆಲವರು ಏಳು ಒಂಟೆಗಳನ್ನು ಇಲ್ಲಿಗೆ ತಂದಿದ್ದರು. ಆದರೆ, ಲಾಕ್ಡೌನ್ನಿಂದಾಗಿ ಅವುಗಳನ್ನು ಬಡಾವಣೆಯಲ್ಲಿ ಸುತ್ತಾಡಿಲು ಹಾಗೂ ಗಳಿಸಲು ಆಗಿರಲಿಲ್ಲ. ಆಹಾರ ಹೊಂದಿಸುವುದು ಮತ್ತು ಆರೋಗ್ಯದ ಸಮಸ್ಯೆಯೂ ಕಾಣಿಸಿಕೊಂಡಿತ್ತು. ತಂದಿದ್ದವರು ಆದಾಯವಿಲ್ಲದೆ ತೊಂದರೆ ಅನುಭವಿಸಿದ್ದರು. ಬಾಕ್ಸೈಟ್ ರಸ್ತೆಯ ಹಿಂಡಾಲ್ಕೊ ಬಳಿಯ ಕೆಳಸೇತುವೆಯಲ್ಲಿ ಬೀಡುಬಿಟ್ಟಿದ್ದರು. ಒಂಟೆಗಳ ಪಾಲನೆ ಜೊತೆಗೆ ತಮ್ಮ ಜೀವನ ನಿರ್ವಹಣೆಗೆ ಪರದಾಡುತ್ತಿದ್ದರು. ಈ ನಡುವೆ, ಒಂದು ಒಂಟೆ ಮೃತಪಟ್ಟಿತ್ತು.