ಹುಕ್ಕೇರಿ | ಅಮ್ಮಣಗಿ: ಸಾವಿರಾರು ಭಕ್ತರ ಸಮ್ಮುಖದಲ್ಲಿ ಬನ್ನಿ ಹಬ್ಬ

ದಸರಾ ಹಬ್ಬದ 9ನೇ ದಿನದಂದು ಗ್ರಾಮದಿಂದ ದೇವರ ಉತ್ಸವ ಮೂರ್ತಿ ಸಮೇತ ಪಲ್ಲಕ್ಕಿಯು ದೇವಸ್ಥಾನಕ್ಕೆ ಆಗಮಿಸಿತು. ಭಕ್ತರು ಕುದುರೆ, ನಂದಿ ಕೋಲು, ಪಲ್ಲಕ್ಕಿ, ಕರಡಿ ಮಜಲು ಸಮೇತ ಮಲ್ಲಿಕಾರ್ಜುನ ದೇವರಿಗೆ ಎರಡು ಸುತ್ತು ಪ್ರದಕ್ಷಣೆ ಹಾಕಿದರು. ಬಳಿಕ ಪಲ್ಲಕ್ಕಿಯು ದೇವಸ್ಥಾನದ ಹೊರಗೆ ಬನ್ನಿ ಮಂಟಪಕ್ಕೆ ಆಗಮಿಸಿ ಐದು ಸುತ್ತು ಪ್ರದಕ್ಷಿಣೆ ಹಾಕಿತು. ಗ್ರಾಮದ ಶ್ಯಾಮರಾವ್ ಇನಾಂದಾರ್ ನೇತೃತ್ವದಲ್ಲಿ ಬನ್ನಿ ಮುಡಿಯಲಾಯಿತು. ಎಲ್ಲ ಭಕ್ತರು ಭಕ್ತಿಯಿಂದ ಬನ್ನಿ ಪಡೆದು ದೇವರಿಗೆ ಸಮರ್ಪಿಸಿ ಗ್ರಾಮಕ್ಕೆ ತೆರಳಿ ತಮ್ಮ ತಮ್ಮೊಳಗೆ ಬನ್ನಿ ವಿನಿಮಯ ಮಾಡಿಕೊಂಡರು.