ಸಮೂಹ ನೃತ್ಯ: ಕೊಳವಿ ಶಾಲೆ ಪ್ರಥಮ

ಜಿಲ್ಲೆಯ ವಿವಿಧ 10 ಶಾಲಾ ತಂಡಗಳು ಸ್ಪರ್ಧೆಯಲ್ಲಿ ಭಾಗವಹಿಸಿದ್ದವು, ದ್ವಿತೀಯ ಬಹುಮಾನವನ್ನು ಹೊಸೂರದ ಮೊರಾರ್ಜಿ ದೇಸಾಯಿ ವಸತಿ ಶಾಲೆ ಹಾಗೂ ಕೊಳವಿಯ ಸರ್ಕಾರಿ ಪ್ರಾಥಮಿಕ ಶಾಲಾ ತಂಡ, ತೃತೀಯ ಬಹುಮಾನವನ್ನು ಯರಗಟ್ಟಿಯ ಕರ್ನಾಟಕ ಪಬ್ಲಿಕ ಶಾಲೆ ಮತ್ತು ಹೊಸೂರದ ಸರ್ಕಾರಿ ಪ್ರೌಢಶಾಲೆ ತಂಡಗಳು (ಜಂಟಿಯಾಗಿ) ಪಡೆದುಕೊಂಡವು. ವಿಜೇತ ತಂಡಗಳಿಗೆ ಪ್ರಥಮ ಬಹುಮಾನವಾಗಿ ₹ 3ಸಾವಿರ, ದ್ವಿತೀಯ ₹ 2 ಸಾವಿರ ಹಾಗೂ ₹ 1ಸಾವಿರ ಬಹುಮಾನ ನೀಡಲಾಯಿತು.

ಯರಗಟ್ಟಿಯ ಹಿರಿಯರಾದ ಬಿ.ಆರ್. ಪಾಟೀಲ ಅಧ್ಯಕ್ಷತೆ ವಹಿಸಿದ್ದರು. ಸ್ಥಳೀಯ ಮುಖಂಡರಾದ ಹುಸೇನ ಮುಲ್ಲಾ, ವಿರೂಪಾಕ್ಷಿ ಚೌಗಲಾ, ಚಂದ್ರಶೇಖರ ಪಾಟೀಲ, ಮಲ್ಲಿಕಾರ್ಜುನ ನಂದಗಾವಿ, ಕಿರಣ ಚೌಗಲಾ ಇದ್ದರು.