ಬೆಳಗಾವಿ: ಕೇಳಿಸದೇ ನಿಮಗೀಗ ‘ಹೃದಯದ ಧ್ವನಿ’

ಹೃದಯದಲ್ಲಿ ನೋವು ಕಾಣಿಸಿಕೊಂಡಿದ್ದರಿಂದ ಜಿಲ್ಲಾಸ್ಪತ್ರೆಗೆ ಬಂದಿದ್ದೇನೆ. ಇಲ್ಲಿನ ರೇಡಿಯಾಲಾಜಿ ವಿಭಾಗದಲ್ಲಿ ಒಂದೇ ಯಂತ್ರವಿದೆ. ಇದರಿಂದ ಇಸಿಜಿ, ಎಕ್ಸರೇ, ಎಕೊ ಮಾಡಿಸಲು ದಿನಗಟ್ಟಲೇ ಕಾಯಬೇಕು. ಹೃದ್ರೋಗಿಗಳಿಗೆ ಇಷ್ಟು ಕಾಯುವುದು ಅಪಾಯಕಾರಿ.

ಆರು ವರ್ಷಗಳಿಂದ ಮಗಳಿಗೆ ಹೃದಯದ ಸಮಸ್ಯೆ ಇದೆ. ಪ್ರತಿ ಮೂರು ತಿಂಗಳಿಗೊಮ್ಮೆ ಇಸಿಜಿ, ಎಕೊ ಮಾಡಿಸಬೇಕು. ಶಸ್ತ್ರಚಿಕಿತ್ಸೆ ಮಾಡಬಹುದು ಎಂದು ವೈದ್ಯರು ಹೇಳಿದ್ದಾರೆ. ಪಡಿತರ ಚೀಟಿ ಬಳಸಿ ಖಾಸಗಿ ಆಸ್ಪತ್ರೆಯಲ್ಲಿ ಉಚಿತವಾಗಿ ಮಾಡಿಸಲು ಸಾಧ್ಯವಿದೆ. ಆದರೆ, ಔಷಧೋಪಚಾರ ಮತ್ತು ಅಡ್ಮಿಟ್‌ ಮಾಡಿದ ಹಣ ತುಂಬಲೇಬೇಕು. ಹಣ ಹೊಂದಿಸುವವರೆಗೆ ಚಿಕಿತ್ಸೆಗೆ ಬರುತ್ತಿದ್ದೇವೆ.

ಆ್ಯಂಜಿಯೊಪ್ಲಾಸ್ಟಿ ಮಾಡಲು ಜಿಲ್ಲಾಸ್ಪತ್ರೆಯಲ್ಲಿ ಸಕಲ ಸಿದ್ಧತೆ ಮಾಡಲಾಗಿದೆ. ಅಗತ್ಯ ಸಲಕರಣೆಗಳನ್ನು ತರಿಸಲಾಗಿದೆ. ಇಬ್ಬರು ವೈದ್ಯರ ಪೈಕಿ ಒಬ್ಬರನ್ನು ಈಗಾಗಲೇ ನಿಯೋಜನೆ ಮಾಡಲಾಗಿದೆ. ಎರಡು ವಾರಗಳಲ್ಲಿ ಸೇವೆ ಆರಂಭವಾಗುವ ಸಾಧ್ಯತೆ ಇದೆ.