<p><strong>ಗೋಕಾಕ</strong>: ‘ಬೆಳಗಾವಿ ಲೋಕಸಭಾ ಕ್ಷೇತ್ರದಲ್ಲಿ ಜಗದೀಶ ಶೆಟ್ಟರ್ ಸೋತಿದ್ದರೆ ನಾನು ಹಿಮಾಲಯಕ್ಕೆ ಹೋಗಿ ಸನ್ಯಾಸಿ ಆಗಬೇಕಿತ್ತು. ‘ಮಹಾನಾಯಕ’ ಹಾಗೂ ‘ವಿಷಕನ್ಯೆ’ ಸೋಲು ನನ್ನನ್ನು ಸನ್ಯಾಸತ್ವದಿಂದ ಪಾರು ಮಾಡಿದೆ’ ಎಂದು ಶಾಸಕ ರಮೇಶ ಜಾರಕಿಹೊಳಿ ಹೇಳಿದರು.</p>.<p>ನಗರದಲ್ಲಿ ಗುರುವಾರ ನಡೆದ ಸಂಸದ ಜಗದೀಶ ಶೆಟ್ಟರ್ ಅಭಿನಂದನಾ ಸಮಾರಂಭದಲ್ಲಿ ಮಾತನಾಡಿದ ಅವರು, ‘ವಿಧಾನಸಭೆ ಚುನಾವಣೆಯಲ್ಲಿ ಸೋಲುಂಡೆವು. ಹಾಗಾಗಿ, ನಾನು ಎಲ್ಲಿಯೂ ಏನೂ ಮಾತನಾಡಿಲ್ಲ. ಪದೇಪದೇ ಸೋಲುವುದು ಸರಿಯಲ್ಲ. ಹೀಗಾಗಿ, ಈ ಚುನಾವಣೆಯನ್ನು ನಾನು ಪ್ರತಿಷ್ಠೆಯಾಗಿ ತೆಗೆದುಕೊಂಡೆ. ಒಂದು ವೇಳೆ ಈ ಬಾರಿಯೂ ಸೋತರೆ ಸನ್ಯಾಸಿ ಆಗಲು ಹಿಮಾಲಯದಲ್ಲಿ ಒಂದು ಜಾಗ ಕೂಡ ನೋಡಿ ಬಂದಿದ್ದೆ’ ಎಂದು ಹೇಳಿ ನಕ್ಕರು.</p>.<p>‘ಬೆಳಗಾವಿ ಗ್ರಾಮೀಣ ಕ್ಷೇತ್ರದ ಮತದಾರರು ದಬ್ಬಾಳಿಕೆ ರಾಜಕೀಯ ನಡೆ ವಿರುದ್ಧ ತಮ್ಮ ಮತ ಚಲಾಯಿಸಿ, ಆ ಕ್ಷೇತ್ರದ ಕಾಂಗ್ರೆಸ್ ನಾಯಕಿ ಮತ್ತು ಕಾಂಗ್ರೆಸ್ ಅಭ್ಯರ್ಥಿಗೆ ಬುದ್ಧಿ ಕಲಿಸಿದ್ದಾರೆ. ಗೋಕಾಕ ವಿಧಾನಸಭಾ ಕ್ಷೇತ್ರದಲ್ಲೇ ಬಿಜೆಪಿ ಅಭ್ಯರ್ಥಿಗೆ 24 ಸಾವಿರ ಮತಗಳ ಮುನ್ನಡೆ ಸಿಕ್ಕಿದೆ. ಈ ಫಲಿತಾಂಶ ನೆಮ್ಮದಿ ತಂದಿದೆ’ ಎಂದರು.</p>.<p>‘ಶೆಟ್ಟರ್ 1.5 ಲಕ್ಷ ಮತಗಳಿಗಿಂತ ಹೆಚ್ಚು ಅಂತರದಲ್ಲಿ ಗೆಲ್ಲುತ್ತಾರೆ. ಗೆಲುವಿನ ಅಂತರ ಕಡಿಮೆಯಾದರೂ ನಾನು ಶಾಸಕ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟು, ರಾಜಕೀಯ ನಿವೃತ್ತಿ ಹೊಂದುತ್ತೇನೆ ಎಂದು ನಾಯಕರಿಗೆ ಹೇಳಿದ್ದೆ’ ಎಂದರು.</p>.<p>‘ಮುಖ್ಯಮಂತ್ರಿ ಸಿದ್ದರಾಮಯ್ಯ ಯಾವತ್ತೂ ಸೊಕ್ಕು ತೋರಿಸಿಕೊಂಡಿಲ್ಲ. ನನಗೆ ಅಥವಾ ನಮ್ಮ ಪಕ್ಷಕ್ಕೆ ಯಾವಾಗಲೂ ಅಸಹ್ಯ ಮಾತನಾಡಿಲ್ಲ. ಬೆಳಗಾವಿ ಗ್ರಾಮೀಣ ವಿಧಾನಸಭಾ ಕ್ಷೇತ್ರದಲ್ಲಿ ‘ಅವರಿಬ್ಬರು’ ದರ್ಪ ತೋರಿಸಿದರು, ಮನೆಮನೆಗೆ ಹಣ ಸುರಿದರು. ಆದರೆ, ನಾವು ಖಾಲಿ ಕೈ ಮುಗಿದು ಗೆದ್ದೆವು’ ಎಂದರು.</p>.<p>‘ನಾನು ಕೂಡ ಸಚಿವನಾಗಿದ್ದಾಗ ಸೊಕ್ಕು ತೋರಿಸಿದ್ದರಿಂದಲೇ ಜನ ನನಗೂ ತಿರುಗೇಟು ಕೊಟ್ಟರು. ಈಗ ‘ಅವರು’ ಸೊಕ್ಕು ತೋರುತ್ತಿದ್ದಾರೆ. ನಾನಂತೂ ಇನ್ನು ಮುಂದೆ ಯಾವತ್ತೂ ಸೊಕ್ಕು ತೋರಿಸುವುದಿಲ್ಲ. ಬುದ್ಧಿವಂತಿಕೆಯಿಂದ ಹೆಜ್ಜೆ ಇಡುತ್ತೇನೆ’ ಎಂದು ಹೇಳಿದರು.</p>.<p>ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಮತ್ತು ಸಚಿವೆ ಲಕ್ಷ್ಮಿ ಹೆಬ್ಬಾಳಕರ ಅವರ ಹೆಸರನ್ನು ಬಳಸದೇ ಪದೇಪದೇ ‘ಮಹಾನಾಯಕ’ ಹಾಗೂ ‘ವಿಷಕನ್ಯೆ’ ಎಂಬ ಪದಗಳನ್ನೇ ಅವರು ಪ್ರಯೋಗಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗೋಕಾಕ</strong>: ‘ಬೆಳಗಾವಿ ಲೋಕಸಭಾ ಕ್ಷೇತ್ರದಲ್ಲಿ ಜಗದೀಶ ಶೆಟ್ಟರ್ ಸೋತಿದ್ದರೆ ನಾನು ಹಿಮಾಲಯಕ್ಕೆ ಹೋಗಿ ಸನ್ಯಾಸಿ ಆಗಬೇಕಿತ್ತು. ‘ಮಹಾನಾಯಕ’ ಹಾಗೂ ‘ವಿಷಕನ್ಯೆ’ ಸೋಲು ನನ್ನನ್ನು ಸನ್ಯಾಸತ್ವದಿಂದ ಪಾರು ಮಾಡಿದೆ’ ಎಂದು ಶಾಸಕ ರಮೇಶ ಜಾರಕಿಹೊಳಿ ಹೇಳಿದರು.</p>.<p>ನಗರದಲ್ಲಿ ಗುರುವಾರ ನಡೆದ ಸಂಸದ ಜಗದೀಶ ಶೆಟ್ಟರ್ ಅಭಿನಂದನಾ ಸಮಾರಂಭದಲ್ಲಿ ಮಾತನಾಡಿದ ಅವರು, ‘ವಿಧಾನಸಭೆ ಚುನಾವಣೆಯಲ್ಲಿ ಸೋಲುಂಡೆವು. ಹಾಗಾಗಿ, ನಾನು ಎಲ್ಲಿಯೂ ಏನೂ ಮಾತನಾಡಿಲ್ಲ. ಪದೇಪದೇ ಸೋಲುವುದು ಸರಿಯಲ್ಲ. ಹೀಗಾಗಿ, ಈ ಚುನಾವಣೆಯನ್ನು ನಾನು ಪ್ರತಿಷ್ಠೆಯಾಗಿ ತೆಗೆದುಕೊಂಡೆ. ಒಂದು ವೇಳೆ ಈ ಬಾರಿಯೂ ಸೋತರೆ ಸನ್ಯಾಸಿ ಆಗಲು ಹಿಮಾಲಯದಲ್ಲಿ ಒಂದು ಜಾಗ ಕೂಡ ನೋಡಿ ಬಂದಿದ್ದೆ’ ಎಂದು ಹೇಳಿ ನಕ್ಕರು.</p>.<p>‘ಬೆಳಗಾವಿ ಗ್ರಾಮೀಣ ಕ್ಷೇತ್ರದ ಮತದಾರರು ದಬ್ಬಾಳಿಕೆ ರಾಜಕೀಯ ನಡೆ ವಿರುದ್ಧ ತಮ್ಮ ಮತ ಚಲಾಯಿಸಿ, ಆ ಕ್ಷೇತ್ರದ ಕಾಂಗ್ರೆಸ್ ನಾಯಕಿ ಮತ್ತು ಕಾಂಗ್ರೆಸ್ ಅಭ್ಯರ್ಥಿಗೆ ಬುದ್ಧಿ ಕಲಿಸಿದ್ದಾರೆ. ಗೋಕಾಕ ವಿಧಾನಸಭಾ ಕ್ಷೇತ್ರದಲ್ಲೇ ಬಿಜೆಪಿ ಅಭ್ಯರ್ಥಿಗೆ 24 ಸಾವಿರ ಮತಗಳ ಮುನ್ನಡೆ ಸಿಕ್ಕಿದೆ. ಈ ಫಲಿತಾಂಶ ನೆಮ್ಮದಿ ತಂದಿದೆ’ ಎಂದರು.</p>.<p>‘ಶೆಟ್ಟರ್ 1.5 ಲಕ್ಷ ಮತಗಳಿಗಿಂತ ಹೆಚ್ಚು ಅಂತರದಲ್ಲಿ ಗೆಲ್ಲುತ್ತಾರೆ. ಗೆಲುವಿನ ಅಂತರ ಕಡಿಮೆಯಾದರೂ ನಾನು ಶಾಸಕ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟು, ರಾಜಕೀಯ ನಿವೃತ್ತಿ ಹೊಂದುತ್ತೇನೆ ಎಂದು ನಾಯಕರಿಗೆ ಹೇಳಿದ್ದೆ’ ಎಂದರು.</p>.<p>‘ಮುಖ್ಯಮಂತ್ರಿ ಸಿದ್ದರಾಮಯ್ಯ ಯಾವತ್ತೂ ಸೊಕ್ಕು ತೋರಿಸಿಕೊಂಡಿಲ್ಲ. ನನಗೆ ಅಥವಾ ನಮ್ಮ ಪಕ್ಷಕ್ಕೆ ಯಾವಾಗಲೂ ಅಸಹ್ಯ ಮಾತನಾಡಿಲ್ಲ. ಬೆಳಗಾವಿ ಗ್ರಾಮೀಣ ವಿಧಾನಸಭಾ ಕ್ಷೇತ್ರದಲ್ಲಿ ‘ಅವರಿಬ್ಬರು’ ದರ್ಪ ತೋರಿಸಿದರು, ಮನೆಮನೆಗೆ ಹಣ ಸುರಿದರು. ಆದರೆ, ನಾವು ಖಾಲಿ ಕೈ ಮುಗಿದು ಗೆದ್ದೆವು’ ಎಂದರು.</p>.<p>‘ನಾನು ಕೂಡ ಸಚಿವನಾಗಿದ್ದಾಗ ಸೊಕ್ಕು ತೋರಿಸಿದ್ದರಿಂದಲೇ ಜನ ನನಗೂ ತಿರುಗೇಟು ಕೊಟ್ಟರು. ಈಗ ‘ಅವರು’ ಸೊಕ್ಕು ತೋರುತ್ತಿದ್ದಾರೆ. ನಾನಂತೂ ಇನ್ನು ಮುಂದೆ ಯಾವತ್ತೂ ಸೊಕ್ಕು ತೋರಿಸುವುದಿಲ್ಲ. ಬುದ್ಧಿವಂತಿಕೆಯಿಂದ ಹೆಜ್ಜೆ ಇಡುತ್ತೇನೆ’ ಎಂದು ಹೇಳಿದರು.</p>.<p>ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಮತ್ತು ಸಚಿವೆ ಲಕ್ಷ್ಮಿ ಹೆಬ್ಬಾಳಕರ ಅವರ ಹೆಸರನ್ನು ಬಳಸದೇ ಪದೇಪದೇ ‘ಮಹಾನಾಯಕ’ ಹಾಗೂ ‘ವಿಷಕನ್ಯೆ’ ಎಂಬ ಪದಗಳನ್ನೇ ಅವರು ಪ್ರಯೋಗಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>