ಬೆಳಗಾವಿ | ಕಳಪೆ ರಸಗೊಬ್ಬರ: 14 ಪ್ರಕರಣ ಪತ್ತೆ

ಬೆಳಗಾವಿ: ಕಳಪೆ ದರ್ಜೆಯ ಮಿಶ್ರಣ ರಸಗೊಬ್ಬರ ಮಾರಾಟದ 14 ಪ್ರಕರಣಗಳು ಬೆಳಗಾವಿ ವಿಭಾಗದಲ್ಲಿ ಪತ್ತೆ ಆಗಿದ್ದು, ಪ್ರಕರಣ ದಾಖಲಿಸಲು ಕೃಷಿ ಇಲಾಖೆ ಜಾಗೃತ ಕೋಶ ಮುಂದಾಗಿದೆ.

. ಕಳಪೆದರ್ಜೆ ಎಂದು ಸಂಶಯವಿದ್ದ 15 ಮಿಶ್ರಣ ರಸಗೊಬ್ಬರಗಳ ಮಾದರಿಯನ್ನು ಪ್ರಯೋಗಾಲಯಕ್ಕೆ ಕಳುಹಿಸಲಾಗಿತ್ತು. ಈ ಪೈಕಿ 14 ಮಾದರಿ ಕಳಪೆ ಎಂಬುದು ದೃಢಪಟ್ಟಿದೆ.

. ಅನಧಿಕೃತ ಮಾರಾಟ: ಪರವಾನಗಿ ಇಲ್ಲದೆ ರಸಗೊಬ್ಬರ ಮಾರುತ್ತಿದ್ದ 9 ಕಡೆ ದಾಳಿ ನಡೆಸಿ, ₹15.75 ಲಕ್ಷ ಮೌಲ್ಯದ 555.12 ಕ್ವಿಂಟಲ್ ರಸಗೊಬ್ಬರವನ್ನು ಜಾಗೃತ ಕೋಶ ಜಪ್ತಿ ಮಾಡಿದೆ.

. ಅನಧಿಕೃತವಾಗಿ ಖರೀದಿಸಿದ್ದ ಮತ್ತು ಬಳಕೆ ಅವಧಿ ಮುಗಿದಿದ್ದ ರಸಗೊಬ್ಬರ ಮಾರುವವರು, ಅನಧಿಕೃತವಾಗಿ ರಸಗೊಬ್ಬರ ದಾಸ್ತಾನು ಪ್ರಕರಣಗಳಲ್ಲಿ ಅಧಿಕಾರಿಗಳು ದಾಳಿ ನಡೆಸುತ್ತಿದ್ದಾರೆ.

. ‘ಬಾಗಲಕೋಟೆ ಜಿಲ್ಲೆಯಲ್ಲಿ 4 ದಾಳಿ ನಡೆಸಿ 196.35 ಕ್ವಿಂಟಲ್, ವಿಜಯಪುರದಲ್ಲಿ 2 ದಾಳಿಗಳಲ್ಲಿ 88.77 ಕ್ವಿಂಟಲ್, ಗದಗ ಜಿಲ್ಲೆಯಲ್ಲಿ 2 ದಾಳಿಗಳಲ್ಲಿ 260 ಕ್ವಿಂಟಲ್, ಬೆಳಗಾವಿಯಲ್ಲಿ ಒಂದು ಕಡೆ ದಾಳಿ ನಡೆಸಿ 10 ಕ್ವಿಂಟಲ್ ರಸಗೊಬ್ಬರ ಜಪ್ತಿ ಮಾಡಲಾಗಿದೆ’ ಎಂದು ಜಾಗೃತ ಕೋಶದ ಬೆಳಗಾವಿ ವಿಭಾಗದ ಸಹಾಯಕ ಕೃಷಿ ನಿರ್ದೇಶಕ ಮಹಾಂತೇಶ ಕಿಣಗಿ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಅಭಾವದ ದುರ್ಬಳಕೆ: . ‘ರಾಜ್ಯದಲ್ಲಿ ಸದ್ಯ ಯೂರಿಯಾ ಅಭಾವ ಸೃಷ್ಟಿಯಾಗಿದೆ. ಈ ಸಂದರ್ಭದ ದುರ್ಬಳಕೆ ಮಾಡಿಕೊಂಡ ಕೆಲ ಕಂಪನಿಯವರು, ಮಾರಾಟಗಾರರು ಕಳಪೆ ದರ್ಜೆಯ ರಸಗೊಬ್ಬರ ಮಾರುತ್ತಿದ್ದಾರೆ’ ಎಂದು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರುಸೇನೆ ರಾಜ್ಯ ಘಟಕದ ಅಧ್ಯಕ್ಷ ಚೂನಪ್ಪ ಪೂಜೇರಿ ಆರೋಪಿಸಿದರು.

. ‘ಪ್ರಕರಣ ದಾಖಲಿಸಿ, ರಸಗೊಬ್ಬರ ಜಪ್ತಿ ಮಾಡಿದರಷ್ಟೇ ಸಾಲದು. ಅವರಿಗೆ ಶಿಕ್ಷೆ ನೀಡಬೇಕು. ಕಳಪೆ ರಸಗೊಬ್ಬರ ಬಳಸಿ ನಷ್ಟ ಅನುಭವಿಸಿದ ರೈತರಿಗೆ ಪರಿಹಾರ ಕೊಡಬೇಕು’ ಎಂದು ಆಗ್ರಹಪಡಿಸಿದರು.

. 125 ಕೆ.ಜಿ ಕೀಟನಾಶಕ ಜಪ್ತಿ: ಬೆಳಗಾವಿ, ಬಾಗಲಕೋಟೆ, ಧಾರವಾಡ, ಹಾವೇರಿ, ವಿಜಯಪುರ ಜಿಲ್ಲೆಗಳಲ್ಲಿ ಏಪ್ರಿಲ್ 1ರಿಂದ ಜುಲೈ 31ರ ಅವಧಿಯಲ್ಲಿ ನಿಯಮ ಉಲ್ಲಂಘಿಸಿ ಮಾರುತ್ತಿದ್ದ ಪ್ರಕರಣಗಳಲ್ಲಿ 125 ಕೆ.ಜಿ ಕೀಟನಾಶಕವನ್ನೂ ಜಾಗೃತ ಕೋಶವು ಜಪ್ತಿ ಮಾಡಿದೆ.

. ರಸಗೊಬ್ಬರ ಕೀಟನಾಶಕವನ್ನು ಅಧಿಕೃತ ಮಾರಾಟಗಾರರಿಂದಲೇ ರೈತರು ಖರೀದಿಸಬೇಕು. ವಂಚನೆ ಕುರಿತು ಶಂಕೆ ಇದ್ದರೆ ತಕ್ಷಣವೇ ಮಾಹಿತಿ ನೀಡಬೇಕು ರಾಜಶೇಖರ ಬಿಜಾಪುರ ಜಂಟಿ ಕೃಷಿ ನಿರ್ದೇಶಕ ಜಾಗೃತ ಕೋಶ ಬೆಳಗಾವಿ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆಳಗಾವಿ | ಕಳಪೆ ರಸಗೊಬ್ಬರ: 14 ಪ್ರಕರಣ ಪತ್ತೆ

ಚಿನಕುರುಳಿ Cartoon: 1 ಆಗಸ್ಟ್ 2025

ಚುರುಮುರಿ: ಏನ್‌ ಮಹಾ ಎಸ್ಸೆಸ್ಸೆಲ್ಸಿ...

ದಿನ ಭವಿಷ್ಯ: ಈ ರಾಶಿಯ ಯೋಗ್ಯರಿಗೆ ಮದುವೆಯ ಸುಯೋಗವಿದೆ

ಸಾರಿಗೆ ನೌಕರರ ವೇತನ ಪರಿಷ್ಕರಣೆ 2027ರ ನಂತರ ಸಾಧ್ಯ: ಸಾರಿಗೆ ಇಲಾಖೆ ಪ್ರತಿಪಾದನೆ

ಚೀನಾದ ಹೈಯಾಂಗ್‌ಗೆ ಎರಡನೇ ಚಿನ್ನ

IND vs ENG 5th Test: ಮಳೆ ಅಡಚಣೆ; ಆಂಗ್ಲರಿಗೆ ಇನಿಂಗ್ಸ್ ಮುನ್ನಡೆ

ಬಾಕ್ಸಿಂಗ್ ಫೆಡರೇಷನ್ ಚುನಾವಣೆ 21ಕ್ಕೆ

ಡುರಾಂಡ್‌ ಕಪ್‌ ಫುಟ್‌ಬಾಲ್‌: ನೌಕಾಪಡೆ ತಂಡಕ್ಕೆ ಮಣಿದ ರಿಯಲ್ ಕಾಶ್ಮೀರ್

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ Cartoon: 1 ಆಗಸ್ಟ್ 2025

ಚುರುಮುರಿ: ಏನ್‌ ಮಹಾ ಎಸ್ಸೆಸ್ಸೆಲ್ಸಿ...

ದಿನ ಭವಿಷ್ಯ: ಈ ರಾಶಿಯ ಯೋಗ್ಯರಿಗೆ ಮದುವೆಯ ಸುಯೋಗವಿದೆ

ಸಾರಿಗೆ ನೌಕರರ ವೇತನ ಪರಿಷ್ಕರಣೆ 2027ರ ನಂತರ ಸಾಧ್ಯ: ಸಾರಿಗೆ ಇಲಾಖೆ ಪ್ರತಿಪಾದನೆ