ಬೆಳಗಾವಿ: ಇಲ್ಲಿನ ಕೆಎಲ್ಎಸ್ ಗೋಗಟೆ ತಾಂತ್ರಿಕ ಕಾಲೇಜು (ಜಿಐಟಿ) ‘ಟೈಮ್ಸ್ ಎಂಜಿನಿಯರಿಂಗ್ ಶ್ರೇಯಾಂಕ 2021’ದಲ್ಲಿ ಭಾರತದ ಅತ್ಯುನ್ನತ 175 ಎಂಜಿನಿಯರಿಂಗ್ ಸಂಸ್ಥೆಗಳಲ್ಲಿ ಸ್ಥಾನ ಪಡೆದಿದೆ.
ಈ ಶ್ರೇಯಾಂಕವು ಬೋಧನೆ, ಸಂಶೋಧನೆ, ಉಲ್ಲೇಖಗಳು, ಉದ್ಯಮದ ಆದಾಯ ಮತ್ತು ಅಂತರರಾಷ್ಟ್ರೀಯ ದೃಷ್ಟಿಕೋನ ಎಂಬ ಐದು ಪ್ರಮುಖ ಮಾನದಂಡಗಳನ್ನು ಕೇಂದ್ರೀಕರಿಸುತ್ತದೆ. ಹೋದ ವರ್ಷವೂ ಜಿಐಟಿ ಈ ಶ್ರೇಯಾಂಕದಲ್ಲಿ ಸ್ಥಾನ ಪಡೆದಿತ್ತು. ಈ ಸಾಧನೆಗಾಗಿ ಕಾಲೇಜನ್ನು ಆಡಳಿತ ಮಂಡಳಿ ಸದಸ್ಯರು ಅಭಿನಂದಿಸಿದ್ದಾರೆ.
