‘ತ್ಯಾಜ್ಯವನ್ನು ವಿಂಗಡಿಸಿ ಪುನಃ ಬೇರೆ ವಾಹನಕ್ಕೆ ತುಂಬಿ ಸಾಗಿಸುತ್ತಾರೆ. ಇದರಲ್ಲಿ ಮನೆಗಳ ತ್ಯಾಜ್ಯ, ಪ್ಲಾಸ್ಟಿಕ್, ಆಹಾರ ತ್ಯಾಜ್ಯ, ಬಳಸಿದ ಟಿಸ್ಯೂ, ಮಾಸ್ಕ್, ಡೈಪರ್ ಮೊದಲಾದವು ಇರುತ್ತವೆ. ಅವುಗಳನ್ನು ರಸ್ತೆಯಲ್ಲಿ ಚೆಲ್ಲಿ ವಿಂಗಡಿಸುವಾಗ ಬೀದಿ ನಾಯಿಗಳು ಎಳೆದಾಡಿ ಅಲ್ಲಲ್ಲಿ ಹರಡುತ್ತವೆ. ಆಹಾರ ಹುಡುಕಿ ಎಳೆದುಕೊಂಡು ಹೋಗುತ್ತವೆ. ಪ್ಲಾಸ್ಟಿಕ್ ಮೊದಲಾದ ತ್ಯಾಜ್ಯ ಹಾರಿ ಮನೆಗಳ ಕಾಂಪೌಂಡ್‌ ಒಳಗೆ ಬಂದು ಬೀಳುವ ನಿದರ್ಶನಗಳೂ ಇವೆ. ಇದರಿಂದಾಗಿ ಸಮುದಾಯದಲ್ಲಿ ಸಾಂಕ್ರಾಮಿಕ ರೋಗ ಹರಡಬಹುದಾದ ಸಾಧ್ಯತೆ ದಟ್ಟವಾಗಿದೆ’ ಎಂದು ಆತಂಕ ವ್ಯಕ್ತ‍ಪಡಿಸಿದ್ದಾರೆ.
