ಗುರುವಾರ , ಏಪ್ರಿಲ್ 22, 2021
28 °C
ಮನೆ ಮೇಲೆ ಗಾಂಜಾ ಎಸೆದು ಪೊಲೀಸರಿಗೆ ತಿಳಿಸಿದ್ದ

ಕೂಡ್ಲಿಗಿ: ಗಾಂಜಾ ಪ್ರಕರಣ: ಆರೋಪಿ ಬಂಧನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಕೂಡ್ಲಿಗಿ: ತಾಲ್ಲೂಕಿನ ಬಡೇಲಡಕು ಗ್ರಾಮದ ಬಸವರಾಜ ಅವರ ಮನೆ ಮೇಲೆ ಸಿಕ್ಕ ಗಾಂಜಾ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಯನ್ನು ಕೂಡ್ಲಿಗಿ ಪೊಲೀಸರು ಬಂಧಿಸಿದ್ದಾರೆ. ಹಗರಿಬೊಮ್ಮನಹಳ್ಳಿ ತಾಲ್ಲೂಕಿನ ಹಲಗಾಪುರ ಗ್ರಾಮದ ಕೆ. ಚನ್ನಬಸಪ್ಪ ಬಂಧಿತ ಆರೋಪಿ.

ಬಡೇಲಡಕು ಗ್ರಾಮದ ಬಸವರಾಜ ಎಂಬುವವರ ಮೆನೆ ಮೇಲೆ ಗಾಂಜಾ ಇದೆ ಎಂಬ ಮಾಹಿತಿ ಮೇರೆಗೆ ಕೂಡ್ಲಿಗಿ ಪೊಲೀಸರು ಜನವರಿ 28ರಂದು ಕಾರ್ಯಾಚರಣೆ ನಡೆಸಿ ಗಾಂಜಾ ವಶಪಡಿಸಿಕೊಂಡು, ಅತನನ್ನು ಠಾಣೆಗೆ ಕರೆ ತಂದು ವಿಚಾರಣೆ ಮಾಡಿದ್ದರು. ಆದರೆ ಇದರಲ್ಲಿ ಬಸವರಾಜ ಅವರ ಪಾತ್ರ ಏನಿಲ್ಲ ಎಂದು ಗ್ರಾಮಸ್ಥರು ಪ್ರತಿಭಟನೆ ನಡೆಸಿ ಮಾಹಿತಿ ನೀಡಿದವರನ್ನು ಬಂಧಿಸಿ ವಿಚಾರಣೆ ಮಾಡುವಂತೆ ಒತ್ತಾಯಿಸಿದ್ದರು.

ಇದರಿಂದ ಪೋನ್ ಕರೆ ಮಾಡಿದ ವ್ಯಕ್ತಿ ಹುಡುಕಾಟದಲ್ಲಿ ತೊಡಗಿದ್ದ ಕೂಡ್ಲಿಗಿ ಪೊಲೀಸರು ಡಿವೈಎಸ್ಪಿ ಜಿ. ಹರೀಶ್ ಹಾಗೂ ಸಿಪಿಐ ವಸಂತ ಅಸೋದೆ ಮಾರ್ಗದರ್ಶನದಲ್ಲಿ ಕೆ.ಚನ್ನಬಸಪ್ಪನನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ದ್ವೇಷದಿಂದ ಗಾಂಜಾ ಇಟ್ಟಿದ್ದ: ಬಡೇಲಡಕು ಗ್ರಾಮದ ಯುವತಿಯನ್ನು ಕೆ. ಚನ್ನಬಸಪ್ಪ ಪ್ರೀತಿ ಮಾಡುತ್ತಿದ್ದ. ಇಬ್ಬರು ಜತೆಯಲ್ಲಿ ಇದ್ದುದನ್ನು ಬಸವರಾಜ ನೋಡಿದ್ದ. ಆ ನಂತರ ವಿಷಯ ಹುಡುಗಿ ಮನೆಯವರಿಗೆ ಗೊತ್ತಾಗಿತ್ತು. ಬಸವರಾಜ ಹುಡುಗಿ ಮನೆಯವರಿಗೆ ವಿಷಯ ತಿಳಿಸಿದ್ದಾನೆ ಅಂದುಕೊಂಡ ಆರೋಪಿ, ಆತನ ಮನೆಯ ಮೇಲೆ ಗಾಂಜಾ ಎಸೆದು ಮಾಹಿತಿ ನೀಡಿದ್ದ ಎಂದು ಪಿಎಸ್‍ಐ ಸುರೇಶ್ ತಿಳಿಸಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.