ಹೆಂಡತಿಯ ಅಪಹರಣ, ಗಂಡನಿಂದ ದೂರು

‘ನನ್ನ ಹೆಂಡತಿ ಪ್ರಿಯಾಂಕಾ (25) ಬುಧವಾರ (ಡಿ.18) ಸಂಜೆ 5.30ರ ಸುಮಾರಿಗೆ ಟೈಲರ್‌ ಮಳಿಗೆಯಿಂದ ಮನೆ ಕಡೆಗೆ ಹೊರಟಿದ್ದಳು. ಈ ವೇಳೆ ಮೂರ್ನಾಲ್ಕು ಜನ ಅಪರಿಚಿತರು ಆಕೆಯನ್ನು ಅಪಹರಿಸಿಕೊಂಡು ಹೋಗಿದ್ದಾರೆ. ಜಂಬುನಾಥಹಳ್ಳಿ ಕಡೆಗೆ ಕರೆದೊಯ್ಯುವಾಗ ಆಕೆ ನನಗೆ ಕರೆ ಮಾಡಿದ್ದಾಳೆ. ಕೆಲಕಾಲ ಮಾತನಾಡಿದ ಬಳಿಕ ಕರೆ ಕಡಿತಗೊಂಡಿದೆ’ ಎಂದು ಚಂದನ್‌ ದೂರಿನಲ್ಲಿ ತಿಳಿಸಿದ್ದಾರೆ.

ಚಂದನ್‌ ಅವರು ಮೂಲತಃ ಬಿಹಾರದವರು. ಕೊಪ್ಪಳದ ಕಲ್ಯಾಣಿ ಕಂಪನಿಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದಾರೆ. ಅವರಿಗೆ ಒಂದು ಗಂಡು ಮಗುವಿದೆ. ‘ಚಂದನ್‌ ಕೊಟ್ಟಿರುವ ದೂರಿನ ಮೇರೆಗೆ ತನಿಖೆ ನಡೆಸಲಾಗುತ್ತಿದೆ. ಅದಕ್ಕಾಗಿ ಎರಡು ತಂಡಗಳನ್ನು ರಚಿಸಲಾಗಿದೆ’ ಎಂದು ಡಿ.ವೈ.ಎಸ್ಪಿ. ವಿ. ರಘುಕುಮಾರ ‘ಪ್ರಜಾವಾಣಿ’ಗೆ ತಿಳಿಸಿದರು.