ಸೋಮವಾರ, ಸೆಪ್ಟೆಂಬರ್ 27, 2021
27 °C

ಹೊಸಪೇಟೆ: 182ನೇ ವಿಶ್ವ ಛಾಯಾಗ್ರಾಹಣ ದಿನಾಚರಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಹೊಸಪೇಟೆ(ವಿಜಯನಗರ): ‘ಮದುವೆ ಮತ್ತಿತರ ಸಮಾರಂಭದ ಛಾಯಾಚಿತ್ರಗಳನ್ನು ಆಯ್ಕೆ ಮಾಡಲು ಗ್ರಾಹಕರಿಗೆ ಟೆಕ್ನೋ ಸಾಫ್ಟ್‌ವೇರ್ ಸಹಕಾರಿಯಾಗಲಿದೆ, ವೃತ್ತಿಪರ ಛಾಯಾಗ್ರಾಹಕರು ಇದರ ಬಳಕೆ ಮಾಡಬೇಕು’ ಎಂದು ತುಂಗಭದ್ರಾ ಫೋಟೋ ಮತ್ತು ವಿಡಿಯೋಗ್ರಾಫರ್ಸ್ ಅಸೋಸಿಯೇಶನ್ ಅಧ್ಯಕ್ಷ ಸಿ.ಎಂ.ಸೋಮಶೇಖರ್ ಸಲಹೆ ನೀಡಿದರು.

ನಗರದ ನಿಶಾನಿ ಕ್ಯಾಂಪ್‌ನಲ್ಲಿ ಸೋಮವಾರ ಆಯೋಜಿಸಿದ್ದ 182ನೇ ವಿಶ್ವ ಛಾಯಾಗ್ರಹಣ ದಿನಾಚರಣೆಯಲ್ಲಿ ಮಾತನಾಡಿದರು.

‘ಯಾವುದೇ ಶುಭ ಸಮಾರಂಭಗಳ ಫೋಟೋ ತೆಗೆದ ನಂತರ ಅವುಗಳ ಆಯ್ಕೆಯದ್ದೇ ಸಮಸ್ಯೆ ಉಂಟಾಗುತ್ತದೆ. ಟೆಕ್ನೋ ಸಾಫ್ಟ್‌ವೇರ್ ಮೂಲಕ ಎಲ್ಲಾ ಫೋಟೋಗಳನ್ನು ವೆಬ್ ಲಿಂಕ್ ಮೂಲಕ ಗ್ರಾಹಕರಿಗೆ ಕಳಿಸಬಹುದು. ಟೆಕ್ನೋ ಸಾಫ್ಟ್‌ವೇರ್ ಮೂಲಕ ಗ್ರಾಹಕರಿಗೆ ಫೋಟೋ ಆಯ್ಕೆಗೆ ಅವಕಾಶವಿದೆ. ಅವರು ಆಯ್ಕೆ ಮಾಡಿದ ಫೋಟೋಗಳನ್ನು ಯಾವುದೇ ಗೊಂದಲವಿಲ್ಲದೆ ಆಲ್ಬಂ ಮಾಡಬಹುದು’ ಎಂದರು.

ವೃತ್ತಿಪರ ಛಾಯಾಗ್ರಾಹಕರಿಗೆ ‘ಐದೃಷ್ಟಿ’ ಸಂಸ್ಥೆಯಿಂದ ನೇತ್ರ ತಪಾಸಣೆ ಮಾಡಲಾಯಿತು. ಛಾಯಾಗ್ರಾಹಕರಿಗೆ 'ಮದುವೆಯ ಮಧುರ ಕ್ಷಣಗಳು' ಎಂಬ ಸ್ಪರ್ಧೆ ಏರ್ಪಡಿಸಲಾಗಿತ್ತು. ಸಂಘದ ಪ್ರಧಾನ ಕಾರ್ಯದರ್ಶಿ ಸಂಜಯ್‌ ಕುಮಾರ್‌, ಖಜಾಂಚಿ ಸಂಜಯ್‌, ತಾಹೀರ್ ಹುಸೇನ್, ರಾಮಬಾಬು, ಲವ, ಮಂಜು, ಬಾಲಾಜಿ, ಉಮೇಶ್, ಗಣೇಶ್ ಪಾಟೀಲ ಇದ್ದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು