<p><strong>ಬೆಂಗಳೂರು</strong>: ಬಿಎಂಟಿಸಿಯಲ್ಲಿ ಮೊದಲ ಬಾರಿಗೆ 320 ಎಲೆಕ್ಟ್ರಿಕ್ ಹವಾನಿಯಂತ್ರಿತ ಬಸ್ಗಳು ಸಂಚಾರಕ್ಕೆ ಸಿದ್ಧವಾಗಿವೆ. ಆದರೆ, ಚಾಲಕರು ಸಿಗದೇ 300 ಬಸ್ಗಳು ರಸ್ತೆಗಳಿದಿಲ್ಲ. 20 ಬಸ್ಗಳು ಮಾತ್ರ ಪ್ರಯೋಗಾರ್ಥ ಸಂಚಾರ ಮಾಡುತ್ತಿವೆ.</p>.<p>ಸದ್ಯ ಸಂಚರಿಸುವ ಬಿಎಂಟಿಸಿ ಹವಾ ನಿಯಂತ್ರಿತ ಬಸ್ಗಳು ಡೀಸೆಲ್ ಎಂಜಿನ್ ಹೊಂದಿರುವ ವೊಲ್ವೊ ಬಸ್ಗಳಾಗಿವೆ. ಎಲೆಕ್ಟ್ರಿಕ್ ಬಸ್ಗಳು ಹವಾ ನಿಯಂತ್ರಣವನ್ನು ಹೊಂದಿರಲಿಲ್ಲ.</p>.<p>ಇವಿಗಳನ್ನು ಪ್ರೋತ್ಸಾಹಿಸಲು ಕೇಂದ್ರ ಸರ್ಕಾರದ ಭಾರಿ ಕೈಗಾರಿಕಾ ಸಚಿವಾಲಯವು ‘ಫೇಮ್–2’ ಯೋಜನೆಯ ಮೂಲಕ ರಿಯಾಯಿತಿಯನ್ನು ನೀಡುತ್ತಿದೆ. ಆದರೆ, ಈ ರಿಯಾಯಿತಿಯನ್ನು ಖಾಸಗಿ ಕಂಪನಿಗಳಿಗಷ್ಟೇ ಪಡೆಯುವ ಅವಕಾಶವನ್ನು ನೀಡಿರುವುದರಿಂದ ಖಾಸಗಿ ಕಂಪನಿಗಳೇ ನಿಗಮಗಳಿಗೆ ಇವಿ ಬಸ್ಗಳನ್ನು ಒದಗಿಸಿ ನಿರ್ವಹಿಸುತ್ತಿವೆ. ಹವಾನಿಯಂತ್ರಿತ ಇವಿ ಬಸ್ಗಳನ್ನು ಬಿಎಂಟಿಸಿಗೆ ಒದಗಿಸುವ ಗುತ್ತಿಗೆಯನ್ನು ಅಶೋಕ್ ಲೇಲ್ಯಾಂಡ್ ಅಡಿಯಲ್ಲಿರುವ ಒಎಚ್ಎಂ (ಓಂ) ಸಂಸ್ಥೆ ಪಡೆದಿದೆ.</p>.<p>ಬಿಎಂಟಿಸಿಯು ಪ್ರತಿ ಕಿಲೋಮೀಟರ್ಗೆ ₹ 65.8 ಬಾಡಿಗೆ ನೀಡಲಿದೆ. ಸದ್ಯ ಐಟಿಪಿಎಲ್ ನಿಲ್ದಾಣದಿಂದ 20 ಬಸ್ಗಳು ಕಾರ್ಯಾಚರಣೆ ನಡೆಸುತ್ತಿವೆ. ಐಟಿಪಿಎಲ್, ಕೆಂಪೇಗೌಡ ಬಸ್ ನಿಲ್ದಾಣ, ಕತ್ರಿಗುಪ್ಪೆ ಮತ್ತು ಹೆಬ್ಬಾಳ ಡಿಪೊಗಳಿಂದ ಎಲ್ಲ 320 ಬಸ್ಗಳು ಸಂಚರಿಸಲಿವೆ.</p>.<p>ಇವಿ ಬಸ್ಗಳಲ್ಲಿ ನಿರ್ವಾಹಕರು ಬಿಎಂಟಿಸಿ ಸಂಸ್ಥೆಗೆ ಸೇರಿದವರಾಗಿರುತ್ತಾರೆ. ಚಾಲಕರು ಗುತ್ತಿಗೆ ಪಡೆದ ಕಂಪನಿಯ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಾರೆ. ಹವಾನಿಯಂತ್ರಿತ ಎಲೆಕ್ಟ್ರಿಕ್ ಬಸ್ಗಳಿಗೆ ನಿರ್ವಾಹಕರ ಕೊರತೆ ಇಲ್ಲ. ಆದರೆ, ಚಾಲಕರು ಸಿಗದೇ ಇರುವುದರಿಂದ ಬಸ್ಗಳ ಸಂಚಾರ ಆರಂಭವಾಗಿಲ್ಲ ಎಂದು ಬಿಎಂಟಿಸಿ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.</p>.<p>‘ದಿನಕ್ಕೆ 9 ಗಂಟೆ ಕೆಲಸ ಮತ್ತು ಹೆಚ್ಚಿನ ಅವಧಿ (ಒಟಿ) ಕೆಲಸಕ್ಕೆ ಹೆಚ್ಚುವರಿ ಸಂಭಾವನೆ ನೀಡಲಾಗುವುದು’ ಎಂದು ಜಾಹೀರಾತು ನೀಡಲಾಗಿದೆ. ಆಸಕ್ತರು ಸಂಪರ್ಕಿಸುತ್ತಿದ್ದಾರೆ. ಸದ್ಯದಲ್ಲಿಯೇ ಎಲ್ಲ ಬಸ್ಗಳ ಸಂಚಾರ ಆರಂಭವಾಗಲಿದೆ’ ಎಂದು ಗುತ್ತಿಗೆ ಕಂಪನಿಯ ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>‘ಚಾಲಕರಿಗೆ ₹ 27,600 ವೇತನ, ₹ 125 ಒಟಿ ನೀಡುತ್ತಾರೆ. ಈ ವೇತನಕ್ಕೆ ದುಡಿಯಲು ಯುವತಲೆಮಾರಿನ ಚಾಲಕರು ತಯಾರು ಇರುವುದಿಲ್ಲ’ ಎಂದು ಬಿಎಂಟಿಸಿ ಚಾಲಕರೊಬ್ಬರು ಪ್ರತಿಕ್ರಿಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಬಿಎಂಟಿಸಿಯಲ್ಲಿ ಮೊದಲ ಬಾರಿಗೆ 320 ಎಲೆಕ್ಟ್ರಿಕ್ ಹವಾನಿಯಂತ್ರಿತ ಬಸ್ಗಳು ಸಂಚಾರಕ್ಕೆ ಸಿದ್ಧವಾಗಿವೆ. ಆದರೆ, ಚಾಲಕರು ಸಿಗದೇ 300 ಬಸ್ಗಳು ರಸ್ತೆಗಳಿದಿಲ್ಲ. 20 ಬಸ್ಗಳು ಮಾತ್ರ ಪ್ರಯೋಗಾರ್ಥ ಸಂಚಾರ ಮಾಡುತ್ತಿವೆ.</p>.<p>ಸದ್ಯ ಸಂಚರಿಸುವ ಬಿಎಂಟಿಸಿ ಹವಾ ನಿಯಂತ್ರಿತ ಬಸ್ಗಳು ಡೀಸೆಲ್ ಎಂಜಿನ್ ಹೊಂದಿರುವ ವೊಲ್ವೊ ಬಸ್ಗಳಾಗಿವೆ. ಎಲೆಕ್ಟ್ರಿಕ್ ಬಸ್ಗಳು ಹವಾ ನಿಯಂತ್ರಣವನ್ನು ಹೊಂದಿರಲಿಲ್ಲ.</p>.<p>ಇವಿಗಳನ್ನು ಪ್ರೋತ್ಸಾಹಿಸಲು ಕೇಂದ್ರ ಸರ್ಕಾರದ ಭಾರಿ ಕೈಗಾರಿಕಾ ಸಚಿವಾಲಯವು ‘ಫೇಮ್–2’ ಯೋಜನೆಯ ಮೂಲಕ ರಿಯಾಯಿತಿಯನ್ನು ನೀಡುತ್ತಿದೆ. ಆದರೆ, ಈ ರಿಯಾಯಿತಿಯನ್ನು ಖಾಸಗಿ ಕಂಪನಿಗಳಿಗಷ್ಟೇ ಪಡೆಯುವ ಅವಕಾಶವನ್ನು ನೀಡಿರುವುದರಿಂದ ಖಾಸಗಿ ಕಂಪನಿಗಳೇ ನಿಗಮಗಳಿಗೆ ಇವಿ ಬಸ್ಗಳನ್ನು ಒದಗಿಸಿ ನಿರ್ವಹಿಸುತ್ತಿವೆ. ಹವಾನಿಯಂತ್ರಿತ ಇವಿ ಬಸ್ಗಳನ್ನು ಬಿಎಂಟಿಸಿಗೆ ಒದಗಿಸುವ ಗುತ್ತಿಗೆಯನ್ನು ಅಶೋಕ್ ಲೇಲ್ಯಾಂಡ್ ಅಡಿಯಲ್ಲಿರುವ ಒಎಚ್ಎಂ (ಓಂ) ಸಂಸ್ಥೆ ಪಡೆದಿದೆ.</p>.<p>ಬಿಎಂಟಿಸಿಯು ಪ್ರತಿ ಕಿಲೋಮೀಟರ್ಗೆ ₹ 65.8 ಬಾಡಿಗೆ ನೀಡಲಿದೆ. ಸದ್ಯ ಐಟಿಪಿಎಲ್ ನಿಲ್ದಾಣದಿಂದ 20 ಬಸ್ಗಳು ಕಾರ್ಯಾಚರಣೆ ನಡೆಸುತ್ತಿವೆ. ಐಟಿಪಿಎಲ್, ಕೆಂಪೇಗೌಡ ಬಸ್ ನಿಲ್ದಾಣ, ಕತ್ರಿಗುಪ್ಪೆ ಮತ್ತು ಹೆಬ್ಬಾಳ ಡಿಪೊಗಳಿಂದ ಎಲ್ಲ 320 ಬಸ್ಗಳು ಸಂಚರಿಸಲಿವೆ.</p>.<p>ಇವಿ ಬಸ್ಗಳಲ್ಲಿ ನಿರ್ವಾಹಕರು ಬಿಎಂಟಿಸಿ ಸಂಸ್ಥೆಗೆ ಸೇರಿದವರಾಗಿರುತ್ತಾರೆ. ಚಾಲಕರು ಗುತ್ತಿಗೆ ಪಡೆದ ಕಂಪನಿಯ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಾರೆ. ಹವಾನಿಯಂತ್ರಿತ ಎಲೆಕ್ಟ್ರಿಕ್ ಬಸ್ಗಳಿಗೆ ನಿರ್ವಾಹಕರ ಕೊರತೆ ಇಲ್ಲ. ಆದರೆ, ಚಾಲಕರು ಸಿಗದೇ ಇರುವುದರಿಂದ ಬಸ್ಗಳ ಸಂಚಾರ ಆರಂಭವಾಗಿಲ್ಲ ಎಂದು ಬಿಎಂಟಿಸಿ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.</p>.<p>‘ದಿನಕ್ಕೆ 9 ಗಂಟೆ ಕೆಲಸ ಮತ್ತು ಹೆಚ್ಚಿನ ಅವಧಿ (ಒಟಿ) ಕೆಲಸಕ್ಕೆ ಹೆಚ್ಚುವರಿ ಸಂಭಾವನೆ ನೀಡಲಾಗುವುದು’ ಎಂದು ಜಾಹೀರಾತು ನೀಡಲಾಗಿದೆ. ಆಸಕ್ತರು ಸಂಪರ್ಕಿಸುತ್ತಿದ್ದಾರೆ. ಸದ್ಯದಲ್ಲಿಯೇ ಎಲ್ಲ ಬಸ್ಗಳ ಸಂಚಾರ ಆರಂಭವಾಗಲಿದೆ’ ಎಂದು ಗುತ್ತಿಗೆ ಕಂಪನಿಯ ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>‘ಚಾಲಕರಿಗೆ ₹ 27,600 ವೇತನ, ₹ 125 ಒಟಿ ನೀಡುತ್ತಾರೆ. ಈ ವೇತನಕ್ಕೆ ದುಡಿಯಲು ಯುವತಲೆಮಾರಿನ ಚಾಲಕರು ತಯಾರು ಇರುವುದಿಲ್ಲ’ ಎಂದು ಬಿಎಂಟಿಸಿ ಚಾಲಕರೊಬ್ಬರು ಪ್ರತಿಕ್ರಿಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
