ಕಳುವಾಗಿದ್ದ ಎಟಿಎಂ ತೋಟದಲ್ಲಿ ಪತ್ತೆ

ಪುಟ್ಟಗಂಗಯ್ಯ ಅವರು ಎಂದಿನಂತೆ ಬೆಳಿಗ್ಗೆ ತೋಟಕ್ಕೆ ಹೋದಾಗ, ತೋಟದಲ್ಲಿ ಎಟಿಎಂ ಬಿದ್ದಿರುವುದನ್ನು ಕಂಡು ದಾಬಸ್‌ಪೇಟೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಜ.18ರಂದು ತುಮಕೂರು ಗ್ರಾಮಾಂತರ ಪೊಲೀಸ್ ಠಾಣೆ ವ್ಯಾಪ್ತಿಯ ಹೆಗ್ಗೆರೆಯ ಇಂಡಿಯನ್ ಓವರ್‌ಸೀಸ್ ಬ್ಯಾಂಕ್‌ನ ಎಟಿಎಂ ಹಾಗೂ ಅದರಲ್ಲಿನ ₹85 ಸಾವಿರ ಕಳುವಾಗಿರುವ ಸಂಬಂಧ ದೂರು ದಾಖಲಾಗಿರುವ ಮಾಹಿತಿ ತಿಳಿಯುತ್ತದೆ.

‘ಕಳ್ಳರು ಎಟಿಎಂ ಅನ್ನು ಮೊದಲು ನೀಲಗಿರಿ ತೋಪಿನಲ್ಲಿ ಇಳಿಸಿದ್ದಾರೆ. ಅಲ್ಲಿ ಸರಿ ಹೋಗುವುದಿಲ್ಲ ಎಂದು 300 ಮೀಟರ‍್ ದೂರ ಇರುವ ಅಡಕೆ ತೋಟಕ್ಕೆ ತೆಗೆದುಕೊಂಡು ಹೋಗಿದ್ದಾರೆ. ಅಲ್ಲಿ ಪಂಪ್‌ಸೆಟ್‌ ಮನೆಯ ಬೀಗ ಒಡೆದು ವಿದ್ಯುತ್ ಬಳಸಿಕೊಂಡು, ಕಟ್ಟಿಂಗ್ ಮೆಷಿನ್‌ನಿಂದ ಯಂತ್ರವನ್ನು ತೆಗೆದು ಅದರಲ್ಲಿದ್ದ ₹85 ಸಾವಿರ ತೆಗೆದುಕೊಂಡು ಹೋಗಿದ್ದಾರೆ’ ಎಂದು ಪೊಲೀಸರು ತಿಳಿಸಿದ್ದಾರೆ.