‘ಕಾವೇರಿ’ ಜೊತೆ ಬಿಡಿಎ ‘ಇ–ಖಾತಾ’ ಸೇವೆ ಜೋಡಣೆ

ಬೆಂಗಳೂರು: ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರವು (ಬಿಡಿಎ) ಸೇವೆಯಲ್ಲಿ ಪಾರದರ್ಶಕತೆ ತರುವ ನಿಟ್ಟಿನಲ್ಲಿ ಮತ್ತೊಂದು ಮಹತ್ವದ ಹೆಜ್ಜೆ ಇಟ್ಟಿದೆ. ಪ್ರಾಧಿಕಾರದಇ–ಖಾತಾ ಸೇವೆಗಳನ್ನು ರಾಜ್ಯ ಮುದ್ರಾಂಕ ಮತ್ತು ನೋಂದಣಿ ಇಲಾಖೆಯ 'ಕಾವೇರಿ' ತಂತ್ರಾಂಶದ ಜೊತೆ ಜೋಡಿಸಲಾಗಿದೆ.

. ಬಿಡಿಎ ಅಭಿವೃದ್ಧಿಪಡಿಸಿದ ಬಡಾವಣೆ ಹಾಗೂ ಬಿಡಿಎಯಿಂದ ಅನುಮೋದನೆ ಪಡೆದ ಖಾಸಗಿ ಬಡಾವಣೆಗಳ ನಿವೇಶನಗಳು ಮತ್ತು ಆಸ್ತಿಗಳ ನೋಂದಣಿ ಇದರಿಂದಾಗಿ ಇನ್ನಷ್ಟು ಸುಲಭವಾಗಲಿದೆ. ಖಾತಾ ನೋಂದಣಿಗೆ ಸಂಬಂಧಿಸಿದ ಮೂರು ವಹಿವಾಟುಗಳನ್ನು ಕೆಂಗೇರಿಯ ಉಪನೋಂದಣಾಧಿಕಾರಿ ಕಚೇರಿಯಲ್ಲಿ ಬುಧವಾರ ಪ್ರಾಯೋಗಿಕವಾಗಿ ಹೊಸ ವ್ಯವಸ್ಥೆಯಡಿ ಅನುಷ್ಠಾನಗೊಳಿಸಲಾಯಿತು.

. ‘ಕಾವೇರಿ ತಂತ್ರಾಂಶ ಹಾಗೂ ಬಿಡಿಎ ಇ–ಖಾತಾ ಸೇವೆಗಳ ಜೋಡಣೆ ಯಶಸ್ವಿಯಾಗಿದೆ. ಬಿಡಿಎ ಆಡಳಿತದಲ್ಲಿ ಪಾರದರ್ಶಕತೆ ತರುವಲ್ಲಿ ಇದೊಂದು ಮೈಲುಗಲ್ಲು’ ಎಂದು ಆಯುಕ್ತ ಜಿ.ಸಿ.ಪ್ರಕಾಶ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಬಿಡಿಎ ಒಂದೂವರೆ ವರ್ಷಗಳ ಹಿಂದೆ ಇ–ಖಾತಾ ಸೇವೆಯನ್ನು ಆರಂಭಿಸಿತ್ತು. ಇದನ್ನು ‘ಕಾವೇರಿ’ ಜೊತೆ ಜೋಡಿಸಲು ಪ್ರಾಧಿಕಾರವು ತನ್ನ ವ್ಯಾಪ್ತಿಯ 99 ಸಾವಿರ ಆಸ್ತಿ ದಾಖಲೆಗಳನ್ನು ಡಿಜಿಟಲೀಕರಣಗೊಳಿಸಿತ್ತು.

. ‘ಇ–ಖಾತಾ ಸೇವೆಯನ್ನು ಕಾವೇರಿ ಜೊತೆ ಜೋಡಿಸುವ ಕಾರ್ಯ ಮೂರು ತಿಂಗಳುಗಳಿಂದ ನಡೆದಿತ್ತು. ನಮ್ಮ ಇ–ಖಾತಾ ಹಾಗೂ ಕಾವೇರಿ ತಂತ್ರಾಂಶಗಳ ಪರಿಭಾಷೆ ಬೇರೆ. ಅವುಗಳನ್ನು ಒಂದಕ್ಕೊಂದು ಹೊಂದಿಕೆಯಾಗುವಂತೆ ಮಾಡಲು ಹೊಸ ತಂತ್ರಾಂಶ ಸಿದ್ಧಡಿಸಿದ್ದೇವೆ. ಆರಂಭದಲ್ಲಿ ಎದುರಾದ ಲೋಪಗಳನ್ನು ಸರಿಪಡಿಸಿದ್ದೇವೆ. ಯಾವುದೇ ಲೋಪವಿಲ್ಲದೇ ಖಾತಾ ನೋಂದಣಿ ಸಾಧ್ಯವಾಗಿದೆ. ಆಯುಕ್ತರು ಹಾಗೂ ಕಾರ್ಯದರ್ಶಿ ಸಹಕಾರದಿಂದಾಗಿ ನಮ್ಮ ಪರಿಶ್ರಮ ಸಾರ್ಥಕವಾಗಿದೆ’ ಎಂದು ಬಿಡಿಎ ಸಿಸ್ಟಮ್ಸ್ ವ್ಯವಸ್ಥಾಪಕ ಕೆ.ಚೇತನ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಇನ್ನು ಆಸ್ತಿ ನೋಂದಣಿಗೆ ಆನ್ಲೈನ್ ಮೂಲಕವೇ ಎಲ್ಲ ದಾಖಲೆಗಳನ್ನು ಪಡೆಯಬಹುದು. ಬಿಡಿಎ ವ್ಯಾಪ್ತಿಯ ಎಲ್ಲ ಉಪನೋಂದಣಾಧಿಕಾರಿ ಕಚೇರಿಗಳಲ್ಲೂ ಒಂದೆರಡು ವಾರಗಳಲ್ಲೇ ಹೊಸ ವ್ಯವಸ್ಥೆ ಬಳಕೆ ಸಾಧ್ಯವಾಗಲಿದೆ’ ಎಂದರು.

. ಪ್ರಯೋಜನಗಳೇನು? * ಒಂದೇ ನಿವೇಶನ/ಆಸ್ತಿಯನ್ನು ಒಂದಕ್ಕಿಂತ ಹೆಚ್ಚು ಮಂದಿಗೆ ನೋಂದಣಿ ಮಾಡಿಸಿಕೊಡುವಂತಹ ವಂಚನೆಗಳಿಗೆ ಕಡಿವಾಣ ಬೀಳಲಿದೆ. * ಖಾಸಗಿ ಸಂಸ್ಥೆಗಳು ನಿರ್ಮಿಸುವ ಬಡಾವಣೆಗಳಲ್ಲಿ ಉದ್ಯಾನ, ಮೈದಾನ, ರಸ್ತೆ ಮುಂತಾದ ಮೂಲಸೌಕರ್ಯಗಳಿಗೆ ಜಾಗವನ್ನು ಕಾಯ್ದಿರಿಸಲಾಗುತ್ತದೆ. ಆದರೆ, ಮಾಲೀಕರು ಬಡಾವಣೆ ಯೋಜನೆಗಳಿಗೆ ಬಿಡಿಎ ಅನುಮೋದನೆ ಪಡೆದ ಬಳಿಕ ಮೂಲಸೌಕರ್ಯಕ್ಕೆ ಕಾಯ್ದಿರಿಸಬೇಕಾದ ಜಾಗದಲ್ಲೂ ನಿವೇಶನಗಳನ್ನು ನಿರ್ಮಿಸಿ ಅಕ್ರಮವಾಗಿ ಮಾರಾಟ ಮಾಡುತ್ತಿದ್ದರು. ಇಂತಹ ಆಸ್ತಿ ಖರೀದಿಸಿದವರು ಅದಕ್ಕೆ ಖಾತಾ ಮಾಡಿಸಲಾಗದೇ ಸಮಸ್ಯೆಯಲ್ಲಿ ಸಿಲುಕುತ್ತಿದ್ದರು. ಇಂತಹ ಅಕ್ರಮಗಳಿಗೂ ಅವಕಾಶ ಇರುವುದಿಲ್ಲ. * ಖಾತಾ ನೋಂದಣಿ ಮಾಡಿಸಲು ಬಿಡಿಎ ಕಚೇರಿಯಿಂದ ಪಡೆದ ನಿರಾಕ್ಷೇಪಣಾ ಪತ್ರ ಹಾಗೂ ಖಾತಾ ಪ್ರಮಾಣಪತ್ರದ ಪ್ರತಿ ನೀಡಬೇಕಾಗಿತ್ತು. ಜನರು ಇಂತಹ ದಾಖಲೆಗಳಿಗಾಗಿ ಅಲೆಯಬೇಕಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಕಾವೇರಿ’ ಜೊತೆ ಬಿಡಿಎ ‘ಇ–ಖಾತಾ’ ಸೇವೆ ಜೋಡಣೆ

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!