<p><strong>ಬೆಂಗಳೂರು</strong>:ಸಿಲಿಕಾನ್ ಸಿಟಿಯಾಗಿ ಬದಲಾಗುತ್ತಿರುವ ಬೆಂಗಳೂರಿನಲ್ಲಿ ಜನರಿಗೆ ಹವಾನಿಯಂತ್ರಿತ ಸಾರಿಗೆ ಸೇವೆ ಒದಗಿಸಲು ಖರೀದಿಸಿದ ವೋಲ್ವೊ ಬಸ್ಗಳು ಬಿಎಂಟಿಸಿಗೆ ಬಿಳಿಯಾನೆಯಾಗಿ ಪರಿಣಮಿಸಿವೆ. ಅವುಗಳು ಕೋವಿಡ್ ಬಳಿಕ ಮೂಲೆ ಸೇರಿ ಡಿಪೋಗಳಲ್ಲೇ ನಿಂತಿವೆ.</p>.<p>ಈ ಬಸ್ಗಳು ಪ್ರತಿ ಕಿಲೋ ಮೀಟರ್ ಸಂಚಾರಕ್ಕೆ ₹80ರಿಂದ ₹85 ಖರ್ಚಾಗುತ್ತಿದ್ದರೆ, ಕೋವಿಡ್ ಸಂದರ್ಭದಲ್ಲಿ ಪ್ರತಿ ಕಿಲೋ ಮೀಟರ್ಗೆ ವರಮಾನದ ಪ್ರಮಾಣ ₹50ಕ್ಕೆ ಇಳಿಕೆಯಾಗಿದೆ. ಒಟ್ಟು 860 ವೋಲ್ವೊ ಬಸ್ಗಳು ನಿಗಮದಲ್ಲಿವೆ. ಜೂನ್ 21ರಿಂದ ಬಸ್ಗಳು ಸಂಚಾರವನ್ನು ಪುನರ್ ಆರಂಭಿಸಿದ್ದರೂ, ಕೇವಲ 60 ಬಸ್ಗಳನ್ನು ಬಿಎಂಟಿಸಿಯು ರಸ್ತೆಗೆ ಇಳಿಸಿದೆ.</p>.<p>ಹೆಚ್ಚಿನ ಖಾಸಗಿ ಕಂಪನಿಗಳು ಮನೆಯಿಂದ ಕೆಲಸ ಮಾಡುವ ಪದ್ಧತಿ ಅಳವಡಿಸಿಕೊಂಡಿದ್ದು, ಬಸ್ ಸಂಚಾರ ಮಾಡಿದರೂ ಪ್ರಯಾಣಿಕರು ಇಲ್ಲವಾಗಿದ್ದಾರೆ.ಏರಿಕೆಯಾಗುತ್ತಿರುವ ಡೀಸೆಲ್ ಬೆಲೆ ನಡುವೆ ಬಸ್ಗಳ ಸಂಚಾರ ಆರಂಭಿಸಲು ಸಮರ್ಥ ಆಯ್ಕೆ ಕಾಣಿಸುತ್ತಿಲ್ಲ. ಆದರೂ, ಪ್ರತಿ ಬಸ್ಗೆ ವರ್ಷಕ್ಕೆ ₹1 ಲಕ್ಷ ನಿರ್ವಹಣಾ ವೆಚ್ಚ ಬರಲಿದೆ. ಕೆಲ ತಿಂಗಳ ಕಾಲ ನಿಲ್ಲಿಸಿ ಮತ್ತೆ ಕಾರ್ಯಾಚರಣೆ ಆರಂಭಿಸಬೇಕು ಎಂದರೂ ಹೆಚ್ಚುವರಿ ವೆಚ್ಚ ಬರಲಿದೆ ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.</p>.<p>ಬಸ್ಗಳನ್ನು ಹವಾನಿಯಂತ್ರಿತ ರಹಿತವನ್ನಾಗಿಸುವುದು ಮತ್ತು ಬೇರೆ ನಿಗಮಗಳಿಗೆ ನೀಡುವುದಷ್ಟೇ ಈ ಹೊರೆಯಿಂದ ತಪ್ಪಿಸಿಕೊಳ್ಳಲು ಇರುವ ಮಾರ್ಗ. ವಿಮಾನ ನಿಲ್ದಾಣಕ್ಕೆ ಹೊರತುಪಡಿಸಿ ಬೇರೆ ಮಾರ್ಗದಲ್ಲಿ ಈ ಬಸ್ಗಳ ಕಾರ್ಯಾಚರಣೆ ಆರಂಭಿಸದೇ ಇರುವುದೇ ಸೂಕ್ತ ಎಂದು ಪರಿಗಣಿಸಲಾಗಿದೆ ಎಂದು ಹೇಳಿದರು.</p>.<p>2014–15ರಲ್ಲಿ ವೋಲ್ವೊ ಬಸ್ಗಳನ್ನು ಬಿಎಂಟಿಸಿ ರಸ್ತೆಗೆ ಇಳಿಸಿದೆ. ಆರಂಭದಲ್ಲಿ ಐ.ಟಿ ಉದ್ಯೋಗಿಗಳು ಈ ಬಸ್ಗಳಲ್ಲಿ ಪ್ರಯಾಣಿಸುತ್ತಿದ್ದರು. ಓಲಾ, ಉಬರ್ ರೀತಿಯ ಕಂಪನಿಗಳು ಕಡಿಮೆ ದರದಲ್ಲಿ ಟ್ಯಾಕ್ಸಿ ಸೇವೆ ಒದಗಿಸಿದ ಬಳಿಕ ಈ ಬಸ್ ಹತ್ತುವ ಜನರ ಸಂಖ್ಯೆ ಇಳಿಕೆ ಆಯಿತು ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>:ಸಿಲಿಕಾನ್ ಸಿಟಿಯಾಗಿ ಬದಲಾಗುತ್ತಿರುವ ಬೆಂಗಳೂರಿನಲ್ಲಿ ಜನರಿಗೆ ಹವಾನಿಯಂತ್ರಿತ ಸಾರಿಗೆ ಸೇವೆ ಒದಗಿಸಲು ಖರೀದಿಸಿದ ವೋಲ್ವೊ ಬಸ್ಗಳು ಬಿಎಂಟಿಸಿಗೆ ಬಿಳಿಯಾನೆಯಾಗಿ ಪರಿಣಮಿಸಿವೆ. ಅವುಗಳು ಕೋವಿಡ್ ಬಳಿಕ ಮೂಲೆ ಸೇರಿ ಡಿಪೋಗಳಲ್ಲೇ ನಿಂತಿವೆ.</p>.<p>ಈ ಬಸ್ಗಳು ಪ್ರತಿ ಕಿಲೋ ಮೀಟರ್ ಸಂಚಾರಕ್ಕೆ ₹80ರಿಂದ ₹85 ಖರ್ಚಾಗುತ್ತಿದ್ದರೆ, ಕೋವಿಡ್ ಸಂದರ್ಭದಲ್ಲಿ ಪ್ರತಿ ಕಿಲೋ ಮೀಟರ್ಗೆ ವರಮಾನದ ಪ್ರಮಾಣ ₹50ಕ್ಕೆ ಇಳಿಕೆಯಾಗಿದೆ. ಒಟ್ಟು 860 ವೋಲ್ವೊ ಬಸ್ಗಳು ನಿಗಮದಲ್ಲಿವೆ. ಜೂನ್ 21ರಿಂದ ಬಸ್ಗಳು ಸಂಚಾರವನ್ನು ಪುನರ್ ಆರಂಭಿಸಿದ್ದರೂ, ಕೇವಲ 60 ಬಸ್ಗಳನ್ನು ಬಿಎಂಟಿಸಿಯು ರಸ್ತೆಗೆ ಇಳಿಸಿದೆ.</p>.<p>ಹೆಚ್ಚಿನ ಖಾಸಗಿ ಕಂಪನಿಗಳು ಮನೆಯಿಂದ ಕೆಲಸ ಮಾಡುವ ಪದ್ಧತಿ ಅಳವಡಿಸಿಕೊಂಡಿದ್ದು, ಬಸ್ ಸಂಚಾರ ಮಾಡಿದರೂ ಪ್ರಯಾಣಿಕರು ಇಲ್ಲವಾಗಿದ್ದಾರೆ.ಏರಿಕೆಯಾಗುತ್ತಿರುವ ಡೀಸೆಲ್ ಬೆಲೆ ನಡುವೆ ಬಸ್ಗಳ ಸಂಚಾರ ಆರಂಭಿಸಲು ಸಮರ್ಥ ಆಯ್ಕೆ ಕಾಣಿಸುತ್ತಿಲ್ಲ. ಆದರೂ, ಪ್ರತಿ ಬಸ್ಗೆ ವರ್ಷಕ್ಕೆ ₹1 ಲಕ್ಷ ನಿರ್ವಹಣಾ ವೆಚ್ಚ ಬರಲಿದೆ. ಕೆಲ ತಿಂಗಳ ಕಾಲ ನಿಲ್ಲಿಸಿ ಮತ್ತೆ ಕಾರ್ಯಾಚರಣೆ ಆರಂಭಿಸಬೇಕು ಎಂದರೂ ಹೆಚ್ಚುವರಿ ವೆಚ್ಚ ಬರಲಿದೆ ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.</p>.<p>ಬಸ್ಗಳನ್ನು ಹವಾನಿಯಂತ್ರಿತ ರಹಿತವನ್ನಾಗಿಸುವುದು ಮತ್ತು ಬೇರೆ ನಿಗಮಗಳಿಗೆ ನೀಡುವುದಷ್ಟೇ ಈ ಹೊರೆಯಿಂದ ತಪ್ಪಿಸಿಕೊಳ್ಳಲು ಇರುವ ಮಾರ್ಗ. ವಿಮಾನ ನಿಲ್ದಾಣಕ್ಕೆ ಹೊರತುಪಡಿಸಿ ಬೇರೆ ಮಾರ್ಗದಲ್ಲಿ ಈ ಬಸ್ಗಳ ಕಾರ್ಯಾಚರಣೆ ಆರಂಭಿಸದೇ ಇರುವುದೇ ಸೂಕ್ತ ಎಂದು ಪರಿಗಣಿಸಲಾಗಿದೆ ಎಂದು ಹೇಳಿದರು.</p>.<p>2014–15ರಲ್ಲಿ ವೋಲ್ವೊ ಬಸ್ಗಳನ್ನು ಬಿಎಂಟಿಸಿ ರಸ್ತೆಗೆ ಇಳಿಸಿದೆ. ಆರಂಭದಲ್ಲಿ ಐ.ಟಿ ಉದ್ಯೋಗಿಗಳು ಈ ಬಸ್ಗಳಲ್ಲಿ ಪ್ರಯಾಣಿಸುತ್ತಿದ್ದರು. ಓಲಾ, ಉಬರ್ ರೀತಿಯ ಕಂಪನಿಗಳು ಕಡಿಮೆ ದರದಲ್ಲಿ ಟ್ಯಾಕ್ಸಿ ಸೇವೆ ಒದಗಿಸಿದ ಬಳಿಕ ಈ ಬಸ್ ಹತ್ತುವ ಜನರ ಸಂಖ್ಯೆ ಇಳಿಕೆ ಆಯಿತು ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
