ಬೆಂಗಳೂರು: ಬಸ್ ಪ್ರಯಾಣದ ವೇಳೆ ಕೊರೊನಾ ಸೋಂಕು ಹರಡುವಿಕೆ ನಿಯಂತ್ರಿಸುವ ಕಾರಣದಿಂದ ನಗದು ವ್ಯವಹಾರವನ್ನು ಆದಷ್ಟು ಕಡಿಮೆ ಮಾಡಲು ಉದ್ದೇಶಿಸಿರುವ ಬಿಎಂಟಿಸಿ, ಇದಕ್ಕಾಗಿ ದಿನದ, ವಾರದ ಪಾಸ್ ಕೊಳ್ಳಲು ಮತ್ತು ಕ್ಯೂಆರ್ ಕೋಡ್ ಬಳಸಿ, ಟಿಕೆಟ್ ದರ ಪಾವತಿಸುವಂತೆ ಗ್ರಾಹಕರಿಗೆ ಮನವಿ ಮಾಡಿದೆ. ಆದರೆ, ದಿನದ ಬಸ್ ಪಾಸ್ ದರವನ್ನು ₹70 ಹಾಗೂ ವಾರದ ಪಾಸ್ಗೆ ₹300 ನಿಗದಿ ಮಾಡಿರುವುದಕ್ಕೆ ಬೆಂಗಳೂರು ಬಸ್ ಪ್ರಯಾಣಿಕರ ವೇದಿಕೆ (ಬಿಬಿಪಿವಿ) ಅಸಮಾಧಾನ ವ್ಯಕ್ತಪಡಿಸಿದೆ.
