ದತ್ತಾತ್ರಿಗೆ ಬುಕ್‌ ಬ್ರಹ್ಮ ಕಾದಂಬರಿ ಪುರಸ್ಕಾರ

ಕಾದಂಬರಿ ಪುರಸ್ಕಾರವು ₹ 1 ಲಕ್ಷ ನಗದು ಒಳಗೊಂಡಿದೆ. ‘ಒಂದೊಂದು ತಲೆಗೂ ಒಂದೊಂದು ಬೆಲೆ’ ಕೃತಿಯನ್ನು ಅಂಕಿತ ಪುಸ್ತಕ ಪ್ರಕಟಿಸಿದೆ. ಆಯ್ಕೆಯಾದ ಕೃತಿಯ ಲೇಖಕರಿಗೆ ₹ 75 ಸಾವಿರ ಹಾಗೂ ಪ್ರಕಾಶಕರಿಗೆ ₹ 25 ಸಾವಿರ ನಗದು ನೀಡಲಾಯಿತು. ಕಥಾ ಸ್ಪರ್ಧೆಯ ಪ್ರಥಮ ಬಹುಮಾನವು ₹ 50 ಸಾವಿರ ನಗದು ಒಳಗೊಂಡಿದೆ. 

ಕಥಾ ಸ್ಪರ್ಧೆಯ ಅಂತಿಮ ಸುತ್ತಿಗೆ 25 ಕಥೆಗಳು ಆಯ್ಕೆಯಾಗಿದ್ದವು. ಅಕ್ಷಯ ಪಂಡಿತ್ ಅವರ ‘ಖಾಲಿ ಕ್ಯಾನ್ವಸ್’ ಕಥೆ ದ್ವಿತೀಯ (₹ 25 ಸಾವಿರ ನಗದು) ಹಾಗೂ ವಿಕಾಸ್ ನೇಗಿಲೋಣಿ ಅವರ ‘ರುಕುಮಣಿ ರುಕುಮಣಿ ಶಾದಿ ಕೆ ಬಾದ್ ಕ್ಯಾ ಕ್ಯಾ ಹುವಾ’ ಕಥೆ ತೃತೀಯ ಸ್ಥಾನ (₹ 15 ಸಾವಿರ ನಗದು) ಪಡೆಯಿತು. ಶರತ್ ಭಟ್ ಸೇರಾಜೆ ಅವರ ‘3>2>1’, ಪೂರ್ಣಿಮಾ ಭಟ್ಟ ಅವರ ‘ಹಾಪ್‌ ಸರ್ಕಲ್ + ಹಾಪ್‌ ಸರ್ಕಲ್’, ಜಯರಾಮಚಾರಿ ಅವರ ‘ಯುಗಾದಿ ವಿಶೇಷಾಂಕ’, ದೀಪ್ತಿ ಭದ್ರಾವತಿ ಅವರ ‘ಸತ್ಯವೇಲು ಮತ್ತವನ ಸೊಳ್ಳೆ ಪುರಾಣ’ ಹಾಗೂ ವಿಜಯಶ್ರೀ ಎಂ. ಹಾಲಾಡಿ ಅವರ ‘ಉಮ್ಕಲ್ತಿ ಗುಡಿಯ ಸಾಕ್ಷಿಯಲ್ಲಿ’ ಕಥೆಗಳು ಸಮಾಧಾನಕರ ಬಹುಮಾನ (ತಲಾ ₹ 5 ಸಾವಿರ ನಗದು) ಪಡೆದವು. 

ಕಾದಂಬರಿ ಪುರಸ್ಕಾರದ ಅಂತಿಮ ಸುತ್ತಿನಲ್ಲಿ ಐದು ಕಾದಂಬರಿಗಳಿದ್ದವು. ಪೂರ್ಣಿಮಾ ಮಾಳಗಿಮನಿ ಅವರ ‘ಅಗಮ್ಯ’, ಎಚ್.ಎಸ್. ಅನುಪಮಾ ಅವರ ‘ಬೆಳಗಿನೊಳಗು ಮಹಾದೇವಿಯಕ್ಕ’, ಕಾ.ತ. ಚಿಕ್ಕಣ್ಣ ಅವರ ‘ಪುರಾಣ ಕನ್ಯೆ’ ಹಾಗೂ ಉಷಾ ನರಸಿಂಹನ್ ಅವರ ‘ಕೆಂಡದ ರೊಟ್ಟಿ’ ಕಾದಂಬರಿ ಮೆಚ್ಚುಗೆ ಬಹುಮಾನ (ತಲಾ ₹ 5 ಸಾವಿರ ನಗದು) ಪಡೆದವು.