‘ಐಕಾನ್‌ ಹೋಮ್ಸ್‌ ಕಂಪನಿ ಆನೇಕಲ್‌ ಸಮೀಪ ನಿರ್ಮಿಸಿರುವ ವಸತಿ ಸಮುಚ್ಚಯದಲ್ಲಿ ಗಂಗಾನಗರದ ನಿವಾಸಿಯೊಬ್ಬರು ಫ್ಲ್ಯಾಟ್‌ ಖರೀದಿಸಿದ್ದರು. ಅದನ್ನು ನೋಂದಣಿ ಮಾಡಲು ಉಪ ನೋಂದಣಾಧಿಕಾರಿ ಕಚೇರಿಯ ಅಧಿಕಾರಿ ಮತ್ತು ಸಿಬ್ಬಂದಿಗೆ ₹ 25,000 ಲಂಚ ನೀಡುವಂತೆ ಐಕಾನ್‌ ಹೋಮ್ಸ್‌ನ ಗ್ರಾಹಕ ಸಂಪರ್ಕ ವ್ಯವಸ್ಥಾಪಕಿ ಶಿರೀಶಾ ಬೇಡಿಕೆ ಇಟ್ಟಿದ್ದರು. ಹಣವನ್ನು ಕಂಪನಿಯ ಕೋ–ಆರ್ಡಿನೇಟರ್‌ ಭರತ ಎಂಬುವವರಿಗೆ ತಲುಪಿಸುವಂತೆ ಸೂಚಿಸಲಾಗಿತ್ತು. ಈ ಕುರಿತು ಖರೀದಿದಾರರು ದೂರು ನೀಡಿದ್ದರು’ ಎಂದು ಎಸಿಬಿ ಅಧಿಕಾರಿಗಳು ತಿಳಿಸಿದ್ದಾರೆ.
