<p><strong>ಬೆಂಗಳೂರು:</strong> ಉಪನಗರ ರೈಲು ಯೋಜನೆಗೆ ರಾಜ್ಯ ಸರ್ಕಾರ ವಿವಿಧ ಬ್ಯಾಂಕ್ಗಳಿಂದ ಸಾಲ ತಂದು ಕೆಲಸ ಆರಂಭಿಸಬೇಕಾಗಿದೆ. ಕೇಂದ್ರ ಸರ್ಕಾರ ತನ್ನ ಬಜೆಟ್ನಲ್ಲಿ ಪರಿಷ್ಕೃತ ಯೋಜನೆ ಯನ್ನು ಪ್ರಕಟಿಸಿದ್ದರೂ, ಬ್ಯಾಂಕ್ಗಳು ಸಾಲ ಕೊಟ್ಟರಷ್ಟೇ ಯೋಜನೆಗೆ ಚಾಲನೆ ಸಿಗಲಿದೆ.</p>.<p>ಈ ಯೋಜನೆಗೆ ಒಟ್ಟು ₹18,621 ಕೋಟಿ ವೆಚ್ಚವಾಗಲಿದ್ದು, ಅದರಲ್ಲಿ ರಾಜ್ಯ, ಕೇಂದ್ರ ಸರ್ಕಾರ ತಲಾ ಶೇ 20ರಷ್ಟು ಹಣ ನೀಡಿದರೆ, ಶೇ 60ರಷ್ಟು ಸಾಲ ಪಡೆದುಕೊಳ್ಳಲಾಗುತ್ತದೆ.</p>.<p>ಸುದ್ದಿಗೋಷ್ಠಿಯಲ್ಲಿ ಭಾನುವಾರ ಈ ಬಗ್ಗೆ ವಿವರಣೆ ನೀಡಿದ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ, ‘ಉಪನಗರ ರೈಲು ಯೋಜನೆಯು ಬೆಂಗಳೂರಿನ ನಾಗರಿಕರ ಬಹುದಿನಗಳ ಕನಸಾಗಿತ್ತು. ಮುಂದಿನ ಮೂರು ವರ್ಷಗಳಲ್ಲಿ ಯೋಜನೆ ಪೂರ್ಣಗೊಳಿಸಿ, ರೈಲು ಸಂಚಾರ ಆರಂಭಿಸಲಾಗುವುದು’ ಎಂದರು.</p>.<p>‘ರೈಲಿನ ಎಲ್ಲಾ ಬೋಗಿಗಳು ಹವಾ ನಿಯಂತ್ರಿತ ಸೌಕರ್ಯ ಹೊಂದಲಿದ್ದು, ಪ್ರತಿ ದಿನ ಬೆಳಿಗ್ಗೆ 5 ಗಂಟೆಯಿಂದ ಮಧ್ಯರಾತ್ರಿವರೆಗೆ ಸಂಚರಿಸಲಿವೆ ಎಂದು ತಿಳಿಸಿದರು.</p>.<p>‘ಈ ಯೋಜನೆ ಕಾರ್ಯಗತಗೊಂಡರೆ ನಗರದಲ್ಲಿ ಸಂಚಾರ ದಟ್ಟಣೆ ಕಡಿಮೆಯಾಗಲಿದ್ದು, ಕ್ಷಿಪ್ರಗತಿಯಲ್ಲಿ ನಿಗದಿತ ಸ್ಥಳಗಳಿಗೆ ತಲುಪಲು ಜನರಿಗೆ ಸಹಕಾರಿಯಾಗಲಿದೆ. ಜತೆಗೆ ಮಾಲಿನ್ಯ ನಿಯಂತ್ರಣಕ್ಕೂ ನೆರವಾಗಲಿದೆ’ ಎಂದು ಹೇಳಿದರು.</p>.<p>‘ಕೇಂದ್ರ ಆರ್ಥಿಕ ವ್ಯವಹಾರಗಳ ಸಂಪುಟ ಸಮಿತಿಯ (ಸಿಸಿಇಎ) ಅನು ಮೋದನೆ ಪಡೆಯಲು ರೈಲ್ವೆ ಖಾತೆ ರಾಜ್ಯ ಸಚಿವ ಸುರೇಶ ಅಂಗಡಿ ಮತ್ತು ಸಂಸದ ಪಿ.ಸಿ. ಮೋಹನ್ ಪ್ರಯತ್ನ ಮುಂದುವರಿಸಲಿದ್ದಾರೆ’ ಎಂದು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.</p>.<p>ಸುರೇಶ ಅಂಗಡಿ ಮಾತನಾಡಿ, ‘ಬೈಯ್ಯಪ್ಪನಹಳ್ಳಿ ರೈಲು ನಿಲ್ದಾಣದ ಆಧುನೀಕರಣ ಕಾಮಗಾರಿ ಮಾರ್ಚ್ ಅಂತ್ಯಕ್ಕೆ ಪೂರ್ಣಗೊಳ್ಳಲಿದೆ. ಇದರಿಂದಾಗಿ ನಗರದಲ್ಲಿ ರೈಲ್ವೆ ಸೌಕರ್ಯಗಳನ್ನು ಮತ್ತಷ್ಟು ವಿಸ್ತರಣೆ ಮಾಡಲು ಸಹಕಾರಿಯಾಗಲಿದೆ’ ಎಂದು ತಿಳಿಸಿದರು.</p>.<p><strong>ಯಾರ ಪಾಲು ಎಷ್ಟು</strong></p>.<p>ಕೇಂದ್ರ ಸರ್ಕಾರ:₹2,953.50 ಕೋಟಿ</p>.<p>ರಾಜ್ಯ ಸರ್ಕಾರ: ₹2,953.50 ಕೋಟಿ</p>.<p>ಸಾಲ: ₹8,860 ಕೋಟಿ</p>.<p>ಜಿಎಸ್ಟಿ, ಇತರೆ ಸುಂಕಗಳಿಗೆ ಮಾಡಬೇಕಾದ ಪ್ರತ್ಯೇಕ ಖರ್ಚು; ₹3,854 ಕೋಟಿ</p>.<p><strong>ಮೂರು ವರ್ಷವೋ ಆರು ವರ್ಷವೋ?</strong></p>.<p>ಮೂರು ವರ್ಷಗಳಲ್ಲಿ ಯೋಜನೆ ಪೂರ್ಣಗೊಳಿಸಿ ರೈಲು ಸಂಚಾರ ಆರಂಭಿಸಲಾಗುವುದು ಎಂದು ಮುಖ್ಯಮಂತ್ರಿ ತಿಳಿಸಿದರು. ಕರ್ನಾಟಕ ರೈಲ್ವೆ ಮೂಲಸೌಕರ್ಯ ಅಭಿವೃದ್ಧಿ ನಿಗಮ(ಕೆ–ರೈಡ್) ಸಿದ್ಧಪಡಿಸಿರುವ ಪತ್ರಿಕಾಗೊಷ್ಠಿಯ ಪ್ರಕಟಣೆಯಲ್ಲಿ 6 ವರ್ಷದಲ್ಲಿ ಯೋಜನೆ ಪೂರ್ಣಗೊಳ್ಳಲಿದೆ ಎಂದು ತಿಳಿಸಲಾಗಿದೆ.</p>.<p>ಆದರೆ, ಆದ್ಯತಾ ಕಾರಿಡಾರ್ (ಕೆಎಸ್ಆರ್ ರೈಲು ನಿಲ್ದಾಣದಿಂದ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ಸಂಪರ್ಕಿಸುವ) ಮೂರು ವರ್ಷದಲ್ಲಿ ಕಾರ್ಯಾರಂಭಗೊಳ್ಳಲಿದೆ ಎಂದು ಕೆ–ರೈಡ್ ವಿವರಿಸಿದೆ.</p>.<p><strong>ಯೋಜನೆಯ ಪ್ರಮುಖ ಲಕ್ಷಣಗಳು</strong></p>.<p>*148.17 ಕಿ.ಮೀ ಉದ್ದ ಮಾರ್ಗ</p>.<p>*55.40 ಕಿ.ಮೀ ಎತ್ತರಿಸಿದ(ಎಲಿವೇಟೆಡ್)ಮಾರ್ಗ</p>.<p>*15 ಮೀಟರ್ ಎತ್ತರದ ಎಲಿವೇಟೆಡ್ ಮಾರ್ಗ</p>.<p>*103 ಎಕರೆ ಖಾಸಗಿ ಭೂಮಿ ಸ್ವಾಧೀನಆಗಬೇಕಿದೆ</p>.<p>*57 ನಿಲ್ದಾಣಗಳು(ಈ ಪೈಕಿ 11 ನಿಲ್ದಾಣಗಳುಮೆಟ್ರೊ ರೈಲು ನಿಲ್ದಾಣ, 23 ನಿಲ್ದಾಣಗಳುಹಾಲಿ ಇರುವ ರೈಲು ನಿಲ್ದಾಣಗಳೊಂದಿಗೆಸಂಯೋಜನೆಗೊಳ್ಳಲಿವೆ)</p>.<p>*3,660 ಮಿ.ಮೀ. ಅಗಲದ 25 ಕೆ.ವಿಹವಾನಿಯಂತ್ರಿತ ಬೋಗಿಗಳು</p>.<p>*2019ರ ಜುಲೈಗೆ ಯೋಜನೆಯ ಅಂದಾಜುವೆಚ್ಚ ₹15,999 ಕೋಟಿ</p>.<p>*ಯೋಜನಾ ವೆಚ್ಚ ಶೇ 5ರಷ್ಟು ಹೆಚ್ಚಳವಾಗುವಸಾಧ್ಯತೆಯನ್ನೂ ಸೇರಿ ಒಟ್ಟು ಮೊತ್ತ ₹18,621ಕೋಟಿ</p>.<p><strong>ಜಿಎಸ್ಟಿಗೆ ₹3,854 ಕೋಟಿ</strong></p>.<p>ಯೋಜನೆ ಪೂರ್ಣಗೊಳ್ಳುವ ವೇಳೆಗೆ ಜಿಎಸ್ಟಿ ಮತ್ತು ಇತರೆ ಸುಂಕಗಳಿಗಾಗಿಯೇ ₹3,854 ಕೋಟಿಯನ್ನು ವ್ಯಯಿಸಬೇಕಾಗಿದೆ.</p>.<p>ಈ ಮೊತ್ತವನ್ನು ರೈಲ್ವೆ ಸಚಿವಾಲಯ ಮತ್ತು ಕರ್ನಾಟಕ ಸರ್ಕಾರ ಸಮವಾಗಿ ಭರಿಸಲಿವೆ.</p>.<p><strong>ಯೋಜನೆಯ ಹಾದಿ</strong></p>.<p>*2017ರ ನವೆಂಬರ್ನಲ್ಲಿ ರೈಟ್ಸ್ ಸಂಸ್ಥೆಯಿಂದ ಮೊದಲ ಕಾರ್ಯಸಾಧ್ಯತಾ ಪೂರ್ವ ವರದಿ</p>.<p>*2017ರ ಡಿಸೆಂಬರ್ನಲ್ಲಿ ಸಮಗ್ರ ಯೋಜನಾ ವರದಿ(ಡಿಪಿಆರ್) ಸಿದ್ಧಪಡಿಸಲು ರೈಲ್ವೆ ಮಂಡಳಿ ಅನುಮತಿ</p>.<p>*2019ರ ಫೆಬ್ರುವರಿಯಲ್ಲಿ ರೈಟ್ಸ್ ಸಂಸ್ಥೆಯಿಂದ ಡಿಪಿಆರ್ ಸಲ್ಲಿಕೆ</p>.<p>*2019ರ ಮಾರ್ಚ್ನಲ್ಲಿ ರೈಲ್ವೆ ವಿಸ್ತರಿತ ಮಂಡಳಿಯಿಂದ (ಇಬಿಆರ್) ಅನುಮೋದನೆ</p>.<p>*ಪರಿಷ್ಕೃತ ಡಿಪಿಆರ್ ಸಿದ್ಧಪಡಿಸಲು ಅದೇ ತಿಂಗಳಿನಲ್ಲಿ ರೈಲ್ವೆ ಸಚಿವಾಲಯದಿಂದ ನಿರ್ದೇಶನ</p>.<p>*2019ರ ಜುಲೈನಲ್ಲಿ ರೈಟ್ಸ್ ಸಂಸ್ಥೆಯಿಂದ ಪರಿಷ್ಕೃತ ಡಿಪಿಆರ್ ಸಲ್ಲಿಕೆ(16 ನಿಲ್ದಾಣ, 12 ಕಿ.ಮೀ ಕಡಿತ ಮತ್ತು ಯೋಜನಾ ಮೊತ್ತ ₹3,500 ಕೋಟಿ ಕಡಿಮೆ ಮಾಡಲಾಯಿತು)</p>.<p>*2019ರ ನವೆಂಬರ್ 4ರಂದು ರೈಲ್ವೆ ಮಂಡಳಿಯಿಂದ ಅನುಮೋದನೆ</p>.<p>*2020 ಫೆಬ್ರುವರಿ 1ರಂದು ಬಜೆಟ್ನಲ್ಲಿ ಘೋಷಣೆ</p>.<p>*ಸದ್ಯ ಅಂತಿಮ ಅನುಮೋದನೆಗಾಗಿ ಕೇಂದ್ರ ಆರ್ಥಿಕ ವ್ಯವಹಾರಗಳ ಸಂಪುಟ ಸಮಿತಿ(ಸಿಸಿಇಎ) ಮುಂದಿರುವ ಕರಡು ಟಿಪ್ಪಣಿ</p>.<p><strong>ಉಪನಗರ ರೈಲು ಮಾರ್ಗ</strong></p>.<p>*ಕೆಂಗೇರಿ– ವೈಟ್ಫೀಲ್ಡ್</p>.<p>*ಕೆಎಸ್ಆರ್ ರೈಲು ನಿಲ್ದಾಣ– ಯಶವಂತಪುರ– ದೇವನಹಳ್ಳಿ (ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೂ ಸಂಪರ್ಕ)</p>.<p>*ಚಿಕ್ಕಬಾಣಾವರ–ಯಶವಂತಪುರ– ಬೈಯಪ್ಪನಹಳ್ಳಿ</p>.<p>*ಹೀಲಳಿಗೆ–ಬೈಯಪ್ಪನಹಳ್ಳಿ–ಯಲಹಂಕ–ರಾಜಾನುಕುಂಟೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಉಪನಗರ ರೈಲು ಯೋಜನೆಗೆ ರಾಜ್ಯ ಸರ್ಕಾರ ವಿವಿಧ ಬ್ಯಾಂಕ್ಗಳಿಂದ ಸಾಲ ತಂದು ಕೆಲಸ ಆರಂಭಿಸಬೇಕಾಗಿದೆ. ಕೇಂದ್ರ ಸರ್ಕಾರ ತನ್ನ ಬಜೆಟ್ನಲ್ಲಿ ಪರಿಷ್ಕೃತ ಯೋಜನೆ ಯನ್ನು ಪ್ರಕಟಿಸಿದ್ದರೂ, ಬ್ಯಾಂಕ್ಗಳು ಸಾಲ ಕೊಟ್ಟರಷ್ಟೇ ಯೋಜನೆಗೆ ಚಾಲನೆ ಸಿಗಲಿದೆ.</p>.<p>ಈ ಯೋಜನೆಗೆ ಒಟ್ಟು ₹18,621 ಕೋಟಿ ವೆಚ್ಚವಾಗಲಿದ್ದು, ಅದರಲ್ಲಿ ರಾಜ್ಯ, ಕೇಂದ್ರ ಸರ್ಕಾರ ತಲಾ ಶೇ 20ರಷ್ಟು ಹಣ ನೀಡಿದರೆ, ಶೇ 60ರಷ್ಟು ಸಾಲ ಪಡೆದುಕೊಳ್ಳಲಾಗುತ್ತದೆ.</p>.<p>ಸುದ್ದಿಗೋಷ್ಠಿಯಲ್ಲಿ ಭಾನುವಾರ ಈ ಬಗ್ಗೆ ವಿವರಣೆ ನೀಡಿದ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ, ‘ಉಪನಗರ ರೈಲು ಯೋಜನೆಯು ಬೆಂಗಳೂರಿನ ನಾಗರಿಕರ ಬಹುದಿನಗಳ ಕನಸಾಗಿತ್ತು. ಮುಂದಿನ ಮೂರು ವರ್ಷಗಳಲ್ಲಿ ಯೋಜನೆ ಪೂರ್ಣಗೊಳಿಸಿ, ರೈಲು ಸಂಚಾರ ಆರಂಭಿಸಲಾಗುವುದು’ ಎಂದರು.</p>.<p>‘ರೈಲಿನ ಎಲ್ಲಾ ಬೋಗಿಗಳು ಹವಾ ನಿಯಂತ್ರಿತ ಸೌಕರ್ಯ ಹೊಂದಲಿದ್ದು, ಪ್ರತಿ ದಿನ ಬೆಳಿಗ್ಗೆ 5 ಗಂಟೆಯಿಂದ ಮಧ್ಯರಾತ್ರಿವರೆಗೆ ಸಂಚರಿಸಲಿವೆ ಎಂದು ತಿಳಿಸಿದರು.</p>.<p>‘ಈ ಯೋಜನೆ ಕಾರ್ಯಗತಗೊಂಡರೆ ನಗರದಲ್ಲಿ ಸಂಚಾರ ದಟ್ಟಣೆ ಕಡಿಮೆಯಾಗಲಿದ್ದು, ಕ್ಷಿಪ್ರಗತಿಯಲ್ಲಿ ನಿಗದಿತ ಸ್ಥಳಗಳಿಗೆ ತಲುಪಲು ಜನರಿಗೆ ಸಹಕಾರಿಯಾಗಲಿದೆ. ಜತೆಗೆ ಮಾಲಿನ್ಯ ನಿಯಂತ್ರಣಕ್ಕೂ ನೆರವಾಗಲಿದೆ’ ಎಂದು ಹೇಳಿದರು.</p>.<p>‘ಕೇಂದ್ರ ಆರ್ಥಿಕ ವ್ಯವಹಾರಗಳ ಸಂಪುಟ ಸಮಿತಿಯ (ಸಿಸಿಇಎ) ಅನು ಮೋದನೆ ಪಡೆಯಲು ರೈಲ್ವೆ ಖಾತೆ ರಾಜ್ಯ ಸಚಿವ ಸುರೇಶ ಅಂಗಡಿ ಮತ್ತು ಸಂಸದ ಪಿ.ಸಿ. ಮೋಹನ್ ಪ್ರಯತ್ನ ಮುಂದುವರಿಸಲಿದ್ದಾರೆ’ ಎಂದು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.</p>.<p>ಸುರೇಶ ಅಂಗಡಿ ಮಾತನಾಡಿ, ‘ಬೈಯ್ಯಪ್ಪನಹಳ್ಳಿ ರೈಲು ನಿಲ್ದಾಣದ ಆಧುನೀಕರಣ ಕಾಮಗಾರಿ ಮಾರ್ಚ್ ಅಂತ್ಯಕ್ಕೆ ಪೂರ್ಣಗೊಳ್ಳಲಿದೆ. ಇದರಿಂದಾಗಿ ನಗರದಲ್ಲಿ ರೈಲ್ವೆ ಸೌಕರ್ಯಗಳನ್ನು ಮತ್ತಷ್ಟು ವಿಸ್ತರಣೆ ಮಾಡಲು ಸಹಕಾರಿಯಾಗಲಿದೆ’ ಎಂದು ತಿಳಿಸಿದರು.</p>.<p><strong>ಯಾರ ಪಾಲು ಎಷ್ಟು</strong></p>.<p>ಕೇಂದ್ರ ಸರ್ಕಾರ:₹2,953.50 ಕೋಟಿ</p>.<p>ರಾಜ್ಯ ಸರ್ಕಾರ: ₹2,953.50 ಕೋಟಿ</p>.<p>ಸಾಲ: ₹8,860 ಕೋಟಿ</p>.<p>ಜಿಎಸ್ಟಿ, ಇತರೆ ಸುಂಕಗಳಿಗೆ ಮಾಡಬೇಕಾದ ಪ್ರತ್ಯೇಕ ಖರ್ಚು; ₹3,854 ಕೋಟಿ</p>.<p><strong>ಮೂರು ವರ್ಷವೋ ಆರು ವರ್ಷವೋ?</strong></p>.<p>ಮೂರು ವರ್ಷಗಳಲ್ಲಿ ಯೋಜನೆ ಪೂರ್ಣಗೊಳಿಸಿ ರೈಲು ಸಂಚಾರ ಆರಂಭಿಸಲಾಗುವುದು ಎಂದು ಮುಖ್ಯಮಂತ್ರಿ ತಿಳಿಸಿದರು. ಕರ್ನಾಟಕ ರೈಲ್ವೆ ಮೂಲಸೌಕರ್ಯ ಅಭಿವೃದ್ಧಿ ನಿಗಮ(ಕೆ–ರೈಡ್) ಸಿದ್ಧಪಡಿಸಿರುವ ಪತ್ರಿಕಾಗೊಷ್ಠಿಯ ಪ್ರಕಟಣೆಯಲ್ಲಿ 6 ವರ್ಷದಲ್ಲಿ ಯೋಜನೆ ಪೂರ್ಣಗೊಳ್ಳಲಿದೆ ಎಂದು ತಿಳಿಸಲಾಗಿದೆ.</p>.<p>ಆದರೆ, ಆದ್ಯತಾ ಕಾರಿಡಾರ್ (ಕೆಎಸ್ಆರ್ ರೈಲು ನಿಲ್ದಾಣದಿಂದ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ಸಂಪರ್ಕಿಸುವ) ಮೂರು ವರ್ಷದಲ್ಲಿ ಕಾರ್ಯಾರಂಭಗೊಳ್ಳಲಿದೆ ಎಂದು ಕೆ–ರೈಡ್ ವಿವರಿಸಿದೆ.</p>.<p><strong>ಯೋಜನೆಯ ಪ್ರಮುಖ ಲಕ್ಷಣಗಳು</strong></p>.<p>*148.17 ಕಿ.ಮೀ ಉದ್ದ ಮಾರ್ಗ</p>.<p>*55.40 ಕಿ.ಮೀ ಎತ್ತರಿಸಿದ(ಎಲಿವೇಟೆಡ್)ಮಾರ್ಗ</p>.<p>*15 ಮೀಟರ್ ಎತ್ತರದ ಎಲಿವೇಟೆಡ್ ಮಾರ್ಗ</p>.<p>*103 ಎಕರೆ ಖಾಸಗಿ ಭೂಮಿ ಸ್ವಾಧೀನಆಗಬೇಕಿದೆ</p>.<p>*57 ನಿಲ್ದಾಣಗಳು(ಈ ಪೈಕಿ 11 ನಿಲ್ದಾಣಗಳುಮೆಟ್ರೊ ರೈಲು ನಿಲ್ದಾಣ, 23 ನಿಲ್ದಾಣಗಳುಹಾಲಿ ಇರುವ ರೈಲು ನಿಲ್ದಾಣಗಳೊಂದಿಗೆಸಂಯೋಜನೆಗೊಳ್ಳಲಿವೆ)</p>.<p>*3,660 ಮಿ.ಮೀ. ಅಗಲದ 25 ಕೆ.ವಿಹವಾನಿಯಂತ್ರಿತ ಬೋಗಿಗಳು</p>.<p>*2019ರ ಜುಲೈಗೆ ಯೋಜನೆಯ ಅಂದಾಜುವೆಚ್ಚ ₹15,999 ಕೋಟಿ</p>.<p>*ಯೋಜನಾ ವೆಚ್ಚ ಶೇ 5ರಷ್ಟು ಹೆಚ್ಚಳವಾಗುವಸಾಧ್ಯತೆಯನ್ನೂ ಸೇರಿ ಒಟ್ಟು ಮೊತ್ತ ₹18,621ಕೋಟಿ</p>.<p><strong>ಜಿಎಸ್ಟಿಗೆ ₹3,854 ಕೋಟಿ</strong></p>.<p>ಯೋಜನೆ ಪೂರ್ಣಗೊಳ್ಳುವ ವೇಳೆಗೆ ಜಿಎಸ್ಟಿ ಮತ್ತು ಇತರೆ ಸುಂಕಗಳಿಗಾಗಿಯೇ ₹3,854 ಕೋಟಿಯನ್ನು ವ್ಯಯಿಸಬೇಕಾಗಿದೆ.</p>.<p>ಈ ಮೊತ್ತವನ್ನು ರೈಲ್ವೆ ಸಚಿವಾಲಯ ಮತ್ತು ಕರ್ನಾಟಕ ಸರ್ಕಾರ ಸಮವಾಗಿ ಭರಿಸಲಿವೆ.</p>.<p><strong>ಯೋಜನೆಯ ಹಾದಿ</strong></p>.<p>*2017ರ ನವೆಂಬರ್ನಲ್ಲಿ ರೈಟ್ಸ್ ಸಂಸ್ಥೆಯಿಂದ ಮೊದಲ ಕಾರ್ಯಸಾಧ್ಯತಾ ಪೂರ್ವ ವರದಿ</p>.<p>*2017ರ ಡಿಸೆಂಬರ್ನಲ್ಲಿ ಸಮಗ್ರ ಯೋಜನಾ ವರದಿ(ಡಿಪಿಆರ್) ಸಿದ್ಧಪಡಿಸಲು ರೈಲ್ವೆ ಮಂಡಳಿ ಅನುಮತಿ</p>.<p>*2019ರ ಫೆಬ್ರುವರಿಯಲ್ಲಿ ರೈಟ್ಸ್ ಸಂಸ್ಥೆಯಿಂದ ಡಿಪಿಆರ್ ಸಲ್ಲಿಕೆ</p>.<p>*2019ರ ಮಾರ್ಚ್ನಲ್ಲಿ ರೈಲ್ವೆ ವಿಸ್ತರಿತ ಮಂಡಳಿಯಿಂದ (ಇಬಿಆರ್) ಅನುಮೋದನೆ</p>.<p>*ಪರಿಷ್ಕೃತ ಡಿಪಿಆರ್ ಸಿದ್ಧಪಡಿಸಲು ಅದೇ ತಿಂಗಳಿನಲ್ಲಿ ರೈಲ್ವೆ ಸಚಿವಾಲಯದಿಂದ ನಿರ್ದೇಶನ</p>.<p>*2019ರ ಜುಲೈನಲ್ಲಿ ರೈಟ್ಸ್ ಸಂಸ್ಥೆಯಿಂದ ಪರಿಷ್ಕೃತ ಡಿಪಿಆರ್ ಸಲ್ಲಿಕೆ(16 ನಿಲ್ದಾಣ, 12 ಕಿ.ಮೀ ಕಡಿತ ಮತ್ತು ಯೋಜನಾ ಮೊತ್ತ ₹3,500 ಕೋಟಿ ಕಡಿಮೆ ಮಾಡಲಾಯಿತು)</p>.<p>*2019ರ ನವೆಂಬರ್ 4ರಂದು ರೈಲ್ವೆ ಮಂಡಳಿಯಿಂದ ಅನುಮೋದನೆ</p>.<p>*2020 ಫೆಬ್ರುವರಿ 1ರಂದು ಬಜೆಟ್ನಲ್ಲಿ ಘೋಷಣೆ</p>.<p>*ಸದ್ಯ ಅಂತಿಮ ಅನುಮೋದನೆಗಾಗಿ ಕೇಂದ್ರ ಆರ್ಥಿಕ ವ್ಯವಹಾರಗಳ ಸಂಪುಟ ಸಮಿತಿ(ಸಿಸಿಇಎ) ಮುಂದಿರುವ ಕರಡು ಟಿಪ್ಪಣಿ</p>.<p><strong>ಉಪನಗರ ರೈಲು ಮಾರ್ಗ</strong></p>.<p>*ಕೆಂಗೇರಿ– ವೈಟ್ಫೀಲ್ಡ್</p>.<p>*ಕೆಎಸ್ಆರ್ ರೈಲು ನಿಲ್ದಾಣ– ಯಶವಂತಪುರ– ದೇವನಹಳ್ಳಿ (ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೂ ಸಂಪರ್ಕ)</p>.<p>*ಚಿಕ್ಕಬಾಣಾವರ–ಯಶವಂತಪುರ– ಬೈಯಪ್ಪನಹಳ್ಳಿ</p>.<p>*ಹೀಲಳಿಗೆ–ಬೈಯಪ್ಪನಹಳ್ಳಿ–ಯಲಹಂಕ–ರಾಜಾನುಕುಂಟೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>