ಬೈಕ್ ತಗುಲಿದ್ದಕ್ಕೆ ಚಾಕುವಿನಿಂದ ಚುಚ್ಚಿ ಬಿಡೋದಾ?: ಚಂದ್ರು ತಾಯಿ

'ನಾವೆಲ್ಲಾ ಊಟ ಮಾಡಿ ಮಲಗಿದ್ದೆವು. ರಾತ್ರಿ 2 ಗಂಟೆ ಸುಮಾರಿಗೆ ಚಂದ್ರುಗೆ ಸೈಮನ್ ಕರೆಮಾಡಿದ್ದ. ಹೀಗಾಗಿ ನಮಗೆ ಹೇಳದೆಯೇ ಆತ ಮನೆಯಿಂದ ಹೊರಗೆ ಹೋಗಿದ್ದ' ಎಂದು ತಿಳಿಸಿದ್ದಾರೆ.

'ನನ್ನ ಮಗ ತುಂಬಾ ಒಳ್ಳೆಯವನು. ಯಾರ ಸಹವಾಸವನ್ನೂ ಮಾಡಿದವನಲ್ಲ. ಯಾರ ತಂಟೆಗೂ ಹೋದವನಲ್ಲ. ಐಟಿಐ ಮುಗಿಸಿ ಕೆಲಸ ಹುಡುಕುತ್ತಿದ್ದ. ಅವನಿಗೇ ಹೀಗಾಯಿತಲ್ಲ. ಆ ಪಾಪಿಗಳಿಗೆ ಕರುಣೆಯೇ ಇಲ್ಲವೆ' ಎಂದು ರೋಧಿಸಿದರು.

'ರೈಲ್ವೆ ಇಲಾಖೆಯಲ್ಲಿ ಅಪ್ರೆಂಟಿಸ್ ಆಗಿ ಕೆಲಸ ಮಾಡುತ್ತಿದ್ದ. ಅತನಿಗೆ ರಾತ್ರಿ ಪಾಳಿಯಲ್ಲಿ ಕೆಲಸಕ್ಕೆ ನಿಯೋಜಿಸಿದ್ದರು. ಏನಾದರೂ ತೊಂದರೆಯಾಗಬಹುದೆಂದು. ನಾವೇ ಕೆಲಸ ಬಿಡಿಸಿದ್ದೆವು. ಹತ್ತು ದಿನಗಳಿಂದ ಮನೆಯಲ್ಲಿ ಇದ್ದ' ಎಂದು ಕಣ್ಣೀರಿಟ್ಟರು.

'ಕರ್ನಾಟಕದಲ್ಲಿ ಕನ್ನಡ ತಾನೆ ಮಾತಾಡಬೇಕು. ಉರ್ದು ಬರಲಿಲ್ಲ ಅಂತ ಅವನನ್ನು ಸಾಯಿಸಿಬಿಡೋದಾ' ಎಂದು ಸಂಬಂಧಿಕರೊಬ್ಬರು ಆಕ್ರೋಶ ವ್ಯಕ್ತಪಡಿಸಿದರು.

'ನಮ್ಮ ಹುಡುಗ ಯಾರ ಜೊತೆಗಾದ್ರು ಗಲಾಟೆ ಮಾಡಿದ್ದಾನೆಯೇ. ಆತ ಕಬಾಬ್ ತಿನ್ನುವುದಕ್ಕೆ ತೆರಳಿದ್ದ' ಎಂದು ತಿಳಿಸಿದ್ದಾರೆ.