ಬೆಂಗಳೂರು: ಪೊಲೀಸ್ ಸೋಗಿನಲ್ಲಿ ಭಜ್ಜಿ, ಬೋಂಡಾ ತಿನ್ನುತ್ತಿದ್ದ ಮಹಿಳೆ ಸೆರೆ

‘ಬ್ಯಾಟರಾಯನಪುರ ನಿವಾಸಿ ನೇತ್ರಾವತಿ (50), ಹಲವು ದಿನಗಳಿಂದ ಕೃತ್ಯ ಎಸಗುತ್ತಿದ್ದರು. ಬೋಂಡಾ ವ್ಯಾಪಾರಿ ಶೇಖ್ ಸಲಾಂ ನೀಡಿದ್ದ ದೂರು ನೀಡಿದ್ದರು’ ಎಂದು ಪೊಲೀಸರು ಹೇಳಿದರು.

‘ಬ್ಯಾಟರಾಯಪುರದ ಅಯ್ಯ‍ಪ್ಪಸ್ವಾಮಿ ದೇವಸ್ಥಾನ ಬಳಿ ಶೇಖ್ ಸಲಾಂ ಅವರು ಭಜ್ಜಿ–ಬೋಂಡಾ ಅಂಗಡಿ ಇಟ್ಟಿದ್ದಾರೆ. ನಿತ್ಯ ಅಲ್ಲಿ ಭಜ್ಜಿ–ಬೊಂಡಾ ತಿಂದು ₹50 ಮೌಲ್ಯದ ಭಜ್ಜಿ–ಬೋಂಡಾ ಪಾರ್ಸೆಲ್ ಸಹ ಕಟ್ಟಿಸಿಕೊಳ್ಳುತ್ತಿದ್ದರು. ಹಣ ಕೇಳಿದಾಗ, ‘ನಾನು ಕೊಡಿಗೇಹಳ್ಳಿ ಪೊಲೀಸ್. ನೀನು ಇಲ್ಲಿ ಅಂಗಡಿ ನಡೆಸಬೇಕಾದರೆ, ನಾನು ಬಂದಾಗಲೆಲ್ಲ ಭಜ್ಜಿ–ಬೋಂಡಾ ನೀಡಬೇಕು’ ಎಂದು ಬೆದರಿಸಿದ್ದರು’ ಎಂದರು.