ಬೆಂಗಳೂರು: ‘ನಗರದಲ್ಲಿ ಮಹಿಳೆಯರ ಸುರಕ್ಷತೆಗಾಗಿ ರಾಜ್ಯ ಮಹಿಳಾ ಆಯೋಗದ ಜೊತೆಯಲ್ಲಿ ಸಹಕರಿಸಬೇಕು’ ಎಂದು ಕೋರಿ ಆಯೋಗದ ಅಧ್ಯಕ್ಷೆ ಪ್ರಮೀಳಾ ನಾಯ್ಡು ಅವರು ನಗರ ಪೊಲೀಸ್ ಕಮಿಷನರ್ ಕಮಲ್ ಪಂತ್ ಅವರಿಗೆ ಶುಕ್ರವಾರ ಮನವಿ ಸಲ್ಲಿಸಿದರು.
ಕಮಿಷನರ್ ಅವರನ್ನು ಭೇಟಿಯಾದ ನಾಯ್ಡು, ಕೆಲ ಗಂಟೆ ಚರ್ಚಿಸಿದರು.
‘ಸಂಕಷ್ಟದಲ್ಲಿರುವ 303 ಮಹಿಳೆಯರಿಗೆ ಆಯೋಗವು ಈಗಾಗಲೇ ಸೂಕ್ತ ವ್ಯವಸ್ಥೆ ಮಾಡಿಕೊಟ್ಟಿದೆ. ಆದರೆ, ಅವರಿಗೆ ಸೂಕ್ತ ರಕ್ಷಣೆ ಬೇಕಿದೆ. ಈ ಕೆಲಸವನ್ನು ಪೊಲೀಸರು ಮಾಡಬೇಕು. ಮಹಿಳೆ ಸುರಕ್ಷತೆ ಬಗ್ಗೆ ಚರ್ಚಿಸಲು ಡಿಸಿಪಿಗಳ ಸಭೆ ಕರೆಯಬೇಕು’ ಎಂದು ಹೇಳಿದರು.
ಪ್ರತಿಕ್ರಿಯಿಸಿದ ಕಮಲ್ ಪಂತ್, ‘ಮಹಿಳೆಯರ ಸುರಕ್ಷತೆಗೆ ಆ್ಯಪ್ ಮಾಡಲಾಗಿದೆ. ಡಿಸಿಪಿಗಳ ಸಭೆ ಕರೆಯಲಾಗುವುದು’ ಎಂದರು