‘ಜುಲೈ 12ರಂದು ಇಬ್ಬರೂ ಮಹಿಳೆಯರು, ಕೈದಿಗಳನ್ನು ನೋಡಲು ಜೈಲಿಗೆ ಬಂದಿದ್ದರು. ಸಾಮಾನ್ಯ ಸಂದರ್ಶನ ವಿಭಾಗ–1ರಲ್ಲಿದ್ದ ಭದ್ರತಾ ಸಿಬ್ಬಂದಿ, ಪರಿಶೀಲನೆ ನಡೆಸಿದ್ದರು. ಯುವತಿಯರ ಬಳಿ ಅನುಮಾನಾಸ್ಪದ ವಸ್ತುಗಳು ಇರುವುದು ಪತ್ತೆಯಾಗಿತ್ತು. ಮಹಿಳಾ ಸಿಬ್ಬಂದಿ, ಆರೋಪಿ ಛಾಯಾ ಹಾಗೂ ಸಂಗೀತಾ ಅವರನ್ನು ತಪಾಸಣೆಗೆ ಒಳಪಡಿಸಿದ್ದರು. ಛಾಯಾ ಗುಪ್ತಾಂಗದಲ್ಲಿ 50 ಎಂ.ಎಲ್ನ ಕೊಬ್ಬರಿ ಎಣ್ಣೆ ಬಾಟಲಿ ಸಿಕ್ಕಿತ್ತು. ಅದರಲ್ಲೇ ಹಶೀಷ್ ಪತ್ತೆಯಾಯಿತು. ಬಳಿಕ, ಇಬ್ಬರನ್ನೂ ಕೊಠಡಿಗೆ ಕರೆದೊಯ್ದು ಪುನಃ ಪರಿಶೀಲನೆ ನಡೆಸಿದ್ದರು. ಇಬ್ಬರ ಗುಪ್ತಾಂಗದಲ್ಲಿ ಪ್ಲಾಸ್ಟಿಕ್ ಕವರ್ ಪತ್ತೆಯಾಯಿತು. ಅದರಲ್ಲೂ ಡ್ರಗ್ಸ್ ಇರುವುದು ಗೊತ್ತಾಯಿತು. ನಂತರವೇ ಇಬ್ಬರು ಮಹಿಳೆಯರನ್ನು ವಶಕ್ಕೆ ಪಡೆದು, ಠಾಣೆಗೆ ಒಪ್ಪಿಸಿದ್ದಾರೆ’ ಎಂದೂ ಮೂಲಗಳು ತಿಳಿಸಿವೆ.