ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕಳಚಿ ಬಿದ್ದ ಗೋದಾಮಿನ ರ‍್ಯಾಕ್‌ಗಳು: ಅವಶೇಷಗಳಡಿ ಸಿಲುಕಿರುವ ಇಬ್ಬರು ಕಾರ್ಮಿಕರು

Last Updated 13 ಡಿಸೆಂಬರ್ 2018, 11:52 IST
ಅಕ್ಷರ ಗಾತ್ರ

ಬೆಂಗಳೂರು: ವೈಟ್‌ಪೀಲ್ಡ್ ಬಳಿಯ ಸೀಗೆಹಳ್ಳಿ ರಸ್ತೆಯ‌ಲ್ಲಿರುವ ಲಾಜಿಸ್ಟಿಕ್ಸ್‌ಕಂಪನಿಯೊಂದರ ಗೋದಾಮಿನಲ್ಲಿದ್ದ ರ‍್ಯಾಕ್‌ಗಳು ಗುರುವಾರ ಮಧ್ಯಾಹ್ನ ಕಳಚಿಬಿದ್ದಿದ್ದು, ಅವಶೇಷಗಳಡಿ ಇಬ್ಬರು ಕಾರ್ಮಿಕರು ಸಿಲುಕಿಕೊಂಡಿದ್ದಾರೆ.

ನಗರದ ವಿವಿಧ ಮಾಲ್‌ಗಳಿಗೆ ವಸ್ತುಗಳನ್ನು ಪೂರೈಸುವ ಕಂಪನಿ ಇದಾಗಿದ್ದು, ರ‍್ಯಾಕ್‌ಗಳನ್ನುಸಾಲಾಗಿ ಜೋಡಿಸಿಟ್ಟು ಅವುಗಳಲ್ಲಿವಸ್ತುಗಳನ್ನು ಸಂಗ್ರಹಿಸಿಡಲಾಗಿತ್ತು.

ಮಧ್ಯಾಹ್ನ ರ‍್ಯಾಕ್‌ ಬಳಿ ಕಾರ್ಮಿಕರು ಕೆಲಸ ಮಾಡುತ್ತಿದ್ದರು. ಅದೇ ವೇಳೆಯಲ್ಲಿ ರ‍್ಯಾಕ್‌ಗಳು ಕಳಚಿ ಬಿದ್ದಿದ್ದು, ಅವರ ಮೇಲೆ ಭಾರವಾದ ವಸ್ತುಗಳು ಸಹ ಬಿದ್ದಿದ್ದವು.

ಸ್ಥಳಕ್ಕೆ ಬಂದ ವೈಟ್‌ಪೀಲ್ಡ್ ಪೊಲೀಸರು ಹಾಗೂ ಅಗ್ನಿಶಾಮಕ ದಳದ ಸಿಬ್ಬಂದಿ, ಅವಶೇಷಗಳಡಿ ಸಿಲುಕಿದ್ದ ಐವರ ಪೈಕಿ ಮೂವರನ್ನು ಹೊರಗೆ ತೆಗೆದಿದ್ದಾರೆ. ಅವರಿಗೆಸಣ್ಣಪುಟ್ಟಗಾಯಗಳಾಗಿದ್ದು,ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಇಬ್ಬರು ಕಾರ್ಮಿಕರು ಅವಶೇಷಗಳಡಿ ಸಿಲುಕಿದ್ದು, ಅವರನ್ನು ರಕ್ಷಿಸಲು ಕಾರ್ಯಾಚರಣೆ ಮುಂದುವರಿದಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT