ಜೂನ್ 24ರಂದು ಒಬ್ಬ ವೈದ್ಯ, ದತ್ತಾಂಶ ನಿರ್ವಾಹಕ ಹಾಗೂ ತಂತ್ರಜ್ಞ ಕೊರೊನಾ ಸೋಂಕಿತರಾದ ಬೆನ್ನಲ್ಲಿಯೇ ಸಂಸ್ಥೆಯ ಒಪಿಡಿ ಹಾಗೂ ಕ್ಯಾಥ್‌ ಲ್ಯಾಬ್‌ ಮುಚ್ಚಲಾಗಿದೆ. ಅಲ್ಲಿ ಈವರೆಗೆ ಮೂವರು ವೈದ್ಯರು ಸೇರಿದಂತೆ 16 ಮಂದಿ ಕೊರೊನಾ ಸೋಂಕಿತರಾಗಿದ್ದಾರೆ. ಹಾಗಾಗಿ ಅಲ್ಲಿನ ವೈದ್ಯರು, ಶುಶ್ರೂಷಕಿಯರು ಹಾಗೂ ಸಿಬ್ಬಂದಿಗೆ ಕೋವಿಡ್ ಪರೀಕ್ಷೆ ನಡೆಸಲಾಗಿದೆ. ಅವರ ವರದಿ ಇನ್ನೂ ಬಂದಿಲ್ಲ. ಹೀಗಾಗಿ ಒಪಿಡಿ ಬಂದ್ ವಿಸ್ತರಿಸಲಾಗಿದೆ. ಸಂಸ್ಥೆಗೆ ರಾಜ್ಯದ ವಿವಿಧೆಡೆಯಿಂದ ಪ್ರತಿನಿತ್ಯ ಸರಾಸರಿ ಒಂದು ಸಾವಿರ ಹೊರರೋಗಿಗಳು ಚಿಕಿತ್ಸೆಗೆ ಬರುತ್ತಿದ್ದರು.
