ಸೋಮವಾರ, ಫೆಬ್ರವರಿ 17, 2020
30 °C

ಕೆಎಂಸಿ ಚುನಾವಣೆ: ನಗರದಲ್ಲಿ ಶೇ 20 ರಷ್ಟು ಮತದಾನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಕರ್ನಾಟಕ ವೈದ್ಯಕೀಯ ಪರಿಷತ್ತಿನ (ಕೆಎಂಸಿ) ಆಡಳಿತ ಮಂಡಳಿಯ ಪದಾಧಿಕಾರಿಗಳ ಆಯ್ಕೆಗೆ ರಾಜ್ಯದ ವಿವಿಧೆಡೆ ಚುನಾವಣೆ ನಡೆದಿದ್ದು, ನಗರದಲ್ಲಿ ಶೇ 20 ರಷ್ಟು ಮತದಾನ ನಡೆದಿದೆ. 

ಚುನಾವಣೆಯ ಫಲಿತಾಂಶ ಜ.25ರಂದು ಘೋಷಣೆಯಾಗಲಿದೆ. ಸಹಕಾರ ಸಂಘಗಳ ಜಂಟಿ ನಿಬಂಧಕರ ನೇತೃತ್ವದಲ್ಲಿ ಬೆಂಗಳೂರು, ಮೈಸೂರು, ಬೆಳಗಾವಿ ಹಾಗೂ ಕಲಬುರ್ಗಿ ಒಳಗೊಂಡ ನಾಲ್ಕು ಕಂದಾಯ ವಿಭಾಗಗಳಲ್ಲಿ ಚುನಾವಣೆ ನಡೆಯಿತು. 

ಬೆಂಗಳೂರು ವೈದ್ಯಕೀಯ ಕಾಲೇಜು ಮತ್ತು ಸಂಶೋಧನಾ ಸಂಸ್ಥೆ (ಬಿಎಂಸಿಆರ್‌ಐ) ಸೇರಿದಂತೆ ಆಯಾ ವಿಭಾಗಗಳ ಎಲ್ಲ ಜಿಲ್ಲಾ ಕೇಂದ್ರಗಳಲ್ಲಿ ಮತಗಟ್ಟೆ ಸ್ಥಾಪಿಸಲಾಗಿತ್ತು. ವಿಳಾಸದ ಗೊಂದಲ, ನೋಂದಣಿ ನವೀಕರಣ ಸೇರಿದಂತೆ ನಾನಾ ರೀತಿಯ ಸಮಸ್ಯೆಗಳಿಂದ ಕೆಲ ಮತದಾರರು ಮತದಾನ ಮಾಡದೆಯೇ ಹಿಂದಿರುಗಿದರು. 

ಬೆಂಗಳೂರಿನಲ್ಲಿ 19 ವೈದ್ಯರು ಹಾಗೂ 13 ವೈದ್ಯಕೀಯ ಶಿಕ್ಷಕರು ಸೇರಿದಂತೆ ರಾಜ್ಯಾದಾದ್ಯಂತ 67 ಮಂದಿ ಸ್ಫರ್ಧಿಸಿದ್ದರು. ಇವರಲ್ಲಿ 8 ವೈದ್ಯರು ಹಾಗೂ ನಾಲ್ವರು ವೈದ್ಯಕೀಯ ಶಿಕ್ಷಕರನ್ನು (ವೈದ್ಯಕೀಯ ಕಾಲೇಜುಗಳಲ್ಲಿ ಸೇವೆ ಸಲ್ಲಿಸುತ್ತಿರುವವರು) ಆಡಳಿತ
ಮಂಡಳಿ ಪದಾಧಿಕಾರಿಗಳನ್ನಾಗಿ ಚುನಾಯಿಸಲಾಗುವುದು.

ಸರ್ಕಾರ ಐವರು ಸದಸ್ಯರನ್ನು ಪರಿಷತ್ತಿಗೆ ನಾಮ ನಿರ್ದೇಶನ ಮಾಡಲಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು