ವ್ಯವಸ್ಥಾಪಕನ ಮೇಲೆ ಸಿಟ್ಟು: 8 ಲ್ಯಾಪ್‌ಟಾಪ್ ಕಳ್ಳತನ

‘ಚಾಮರಾಜಪೇಟೆ ನಿವಾಸಿ ಸಯ್ಯದ್, ಕೋರಮಂಗಲ 5ನೇ ಹಂತದಲ್ಲಿರುವ ವೇಕ್‌ಫಿಟ್ ಇನೋವೇಷನ್ಸ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ. ಈತನಿಂದ ₹ 2 ಲಕ್ಷ ಮೌಲ್ಯದ 8 ಲ್ಯಾಪ್‌ಟಾಪ್ ಜಪ್ತಿ ಮಾಡಲಾಗಿದೆ’ ಎಂದು ಪೊಲೀಸರು ಹೇಳಿದರು.

‘ಕಂಪನಿ ವ್ಯವಸ್ಥಾಪಕ, ಹೆಚ್ಚು ಕೆಲಸ ನಿರ್ವಹಿಸುವಂತೆ ಆರೋಪಿಗೆ ಹೇಳುತ್ತಿದ್ದರು. ಇದೇ ವಿಚಾರವಾಗಿ ಇಬ್ಬರ ನಡುವೆ ಮಾತಿನ ಚಕಮಕಿ ನಡೆದು, ವೈಷಮ್ಯ ಮೂಡಿತ್ತು. ವ್ಯವಸ್ಥಾಪಕನಿಗೆ ಬುದ್ಧಿ ಕಲಿಸಬೇಕೆಂದುಕೊಂಡಿದ್ದ ಆರೋಪಿ, ಪರಿಚಯಸ್ಥ ಬಾಲಕರ ಜೊತೆ ಸೇರಿ ಲ್ಯಾಪ್‌ಟಾಪ್‌ ಕಳ್ಳತನ ಮಾಡಿದ್ದ. ಲ್ಯಾಪ್‌ಟಾಪ್‌ ಕಳ್ಳತನ ಆರೋಪ ವ್ಯವಸ್ಥಾಪಕನ ಮೇಲೆ ಬರುವಂತೆ ಸಂಚು ರೂಪಿಸಿದ್ದ.’

‘ಲ್ಯಾಪ್‌ಟಾಪ್ ಕಳ್ಳತನ ಬಗ್ಗೆ ಪ್ರಕರಣ ದಾಖಲಾಗುತ್ತಿದ್ದಂತೆಯೇ ಕಂಪನಿ ಹಾಗೂ ಸುತ್ತಮುತ್ತಲಿನ ಸಿ.ಸಿ.ಟಿ.ವಿ ಕ್ಯಾಮೆರಾ ದೃಶ್ಯಗಳನ್ನು ಪರಿಶೀಲಿಸಲಾಗಿತ್ತು. ಆರೋಪಿ ಸಯ್ಯದ್ ಸುಳಿವು ಸಿಕ್ಕಿತ್ತು’ ಎಂದೂ ತಿಳಿಸಿದರು.