ಬೆಂಗಳೂರು: ಎನ್‍ಐಎ ಅಧಿಕಾರಿಗಳು ಇತ್ತೀಚೆಗಷ್ಟೇ ಬೆಂಗಳೂರಿನಲ್ಲಿ ಬಂಧಿಸಿದ್ದ ವೈದ್ಯಕೀಯ ವಿದ್ಯಾರ್ಥಿ ಅಬ್ದುಲ್ ರೆಹಮಾನ್ ಸಂಪರ್ಕ ಹೊಂದಿದ್ದ ವ್ಯಕ್ತಿ ಸೇರಿ ಐವರ ವಿರುದ್ಧ ದೆಹಲಿಯ ಎನ್‍ಐಎ ವಿಶೇಷ ನ್ಯಾಯಾಲಯಕ್ಕೆ ದೋಷಾರೋಪ ಪಟ್ಟಿ ಸಲ್ಲಿಸಲಾಗಿದೆ.
ಐಎಸ್‍ಕೆಪಿ ಹಾಗೂ ಐಎಸ್‍ಎಸ್ ಉಗ್ರ ಸಂಘಟನೆಗಳೊಂದಿಗೆ ನಂಟು ಹೊಂದಿರುವ ಹಾಗೂ ದೆಹಲಿಯಲ್ಲಿ ಸಿಎಎ ಪ್ರತಿಭಟನೆ ವೇಳೆ ಬಾಂಬ್ ಸ್ಫೋಟಕ್ಕೆ ಸಂಚು ರೂಪಿಸಿದ್ದ ಆರೋಪದಡಿ ಜಹಾನ್‌ಜಾಯಿಬ್ ಸಮಿ, ಹಿನಾ ಬಶೀರ್ ಸಿಂಗ್, ಅಬ್ದುಲ್ ಬಶೀತ್, ಸಾದಿಯಾ ಅನ್ವರ್ ಶೇಖ್‌ ಹಾಗೂ ನಬೀಲ್ ಸಿದ್ಧಿಕ್ ಖತ್ರಿ ವಿರುದ್ಧ ದೋಷಾರೋಪ ಪಟ್ಟಿ ಸಲ್ಲಿಸಲಾಗಿದೆ.
ಜಹಾನ್‌ ಜಾಯಿಬ್ ಸಮಿ ಜೊತೆಗೆ ಬಂಧಿತ ಅಬ್ದುಲ್ ರೆಹಮಾನ್ ಸಂಪರ್ಕ ಹೊಂದಿದ್ದ. ಶೀಘ್ರವೇ ಈತನ ವಿರುದ್ಧವೂ ಚಾರ್ಜ್‍ಶೀಟ್ ಸಲ್ಲಿಸಲಾಗುವುದು ಎಂದು ಮೂಲಗಳು ತಿಳಿಸಿವೆ.
