ಕಾಫಿ–ಟೀ, ತಿನಿಸು ದರ ಏರಿಕೆ

ಹಾಲಿನ ಎಲ್ಲಾ ಉತ್ಪನ್ನಗಳ ದರಹೆಚ್ಚಳವಾಗಿದೆ. ಹೀಗಾಗಿ, ದರ ಹೆಚ್ಚಳಮಾಡುವುದು ಅನಿವಾರ್ಯ ಎನ್ನುವುದು ಹೋಟೆಲ್ ಮಾಲೀಕರ ಅಭಿಪ್ರಾಯ.

ಈ ಸಂಬಂಧ ಹೋಟೆಲ್ ಮಾಲೀಕರ ಸಭೆ ನಗರದಲ್ಲಿ ನಡೆದಿದ್ದು, ದರ ಏರಿಕೆ ಸಂಬಂಧ ಚರ್ಚೆ ನಡೆದಿದೆ. ಇದಕ್ಕೆ ಸಂಘ ಸಮ್ಮತಿಸಿದ್ದು, ಶೀಘ್ರವೇ ದರ ಹೆಚ್ಚಳವಾಗಲಿದೆ.

‘10 ವರ್ಷದಿಂದ ದರ ಏರಿಕೆ ಮಾಡಿರಲಿಲ್ಲ. ಇಂತಿಷ್ಟೇ ಏರಿಕೆ ಮಾಡಬೇಕು ಅಥವಾ ಮಾಡಬಾರದು ಎಂದು
ಸಂಘ ಯಾರಿಗೂ ನಿರ್ದೇಶನ ನೀಡುವುದಿಲ್ಲ. ಆದರೆ, ಹೆಚ್ಚಳ ಮಾಡಬೇಕು ಎಂಬ ಅಭಿಪ್ರಾಯ ಎಲ್ಲಾ ಮಾಲೀಕರಿಂದ ಬಂದಿದೆ. ಸಾರ್ವಜನಿಕರಿಗೆ ಹೊರೆ ಆಗದಂತೆ ನೋಡಿಕೊಳ್ಳಲು ಸಲಹೆ ನೀಡಲಾಗಿದೆ’ ಎಂದು ಕರ್ನಾಟಕ ಪ್ರದೇಶ ಹೋಟೆಲ್ ಮತ್ತು ಉಪಾಹಾರ ಮಂದಿರಗಳ ಸಂಘದ ಅಧ್ಯಕ್ಷ ಚಂದ್ರಶೇಖರ ಹೆಬ್ಬಾರ್ ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಎಲ್ಲೆಡೆ ಕಾಫಿ–ಟೀ ದರ ₹2 ಹೆಚ್ಚಳವಾಗಲಿದೆ. ಉಪಾಹಾರದ ದರ ₹10 ಇದ್ದದ್ದು ₹12 ಆಗಲಿದೆ’ ಎಂದರು.