‘ಕೆಂಪೇಗೌಡರ ಕಾಲದ ಸ್ಮಾರಕ ರಕ್ಷಿಸಿ’

‘ಕೆಂಪೇಗೌಡರ ಮನೆದೇವರ ಹೆಸರಿನಲ್ಲಿ ನಿರ್ಮಿಸಿರುವ ಕೆಂಪಾಂಬುದಿ ಕೆರೆಯ ದಕ್ಷಿಣಕ್ಕೆ ಗವಿಪುರ ಗ್ರಾಮದ 4 ಎಕರೆ ಆಸ್ತಿ ಸರ್ಕಾರಕ್ಕೆ ಸೇರಿದೆ. ಈ ಸ್ಥಳದಲ್ಲಿ ಬೆಂಗಳೂರಿನ ನಾಲ್ಕು ಗಡಿಗೋಪುರಗಳ ಪೈಕಿ ಒಂದು ಗೋಪುರವಿದೆ. ಈ ಸ್ಥಳವನ್ನು ಒತ್ತುವರಿ ಮಾಡಿಕೊಳ್ಳಲಾಗಿದೆ’ ಎಂದು ಸಮಿತಿಯ ಮಾಜಿ ಉಪಾಧ್ಯಕ್ಷ ಸಿ. ಕಾಳಯ್ಯ ಹೇಳಿದ್ದಾರೆ.

‘ಕೆಂಪಾಂಬುದಿ ಕೆರೆಯ ನಿರ್ವಹಣೆಯೂ ಸಮರ್ಪಕವಾಗಿಲ್ಲ. ಕೆರೆಯ ದಕ್ಷಿಣಕ್ಕೆ ಬಂಡಿ ಮಹಾಕಾಳಿ ದೇವರ ಹೆಸರಿನಲ್ಲಿ ಟ್ರಸ್ಟ್‌ ನಿರ್ಮಾಣ ಮಾಡಿ, ಈ ಆಸ್ತಿ ನಮಗೆ ಸೇರಬೇಕು ಎಂದು ಫಲಕ ಹಾಕಲಾಗಿದೆ. ಸಂಬಂಧಪಟ್ಟ ಜನಪ್ರತಿನಿಧಿಗಳು, ಅಧಿಕಾರಿಗಳು ಕೂಡಲೇ ಈ ಫಲಕ ತೆಗೆಸಿ, ಸರ್ಕಾರದ ಜಾಗ ರಕ್ಷಿಸಬೇಕು’ ಎಂದು ಅವರು ಒತ್ತಾಯಿಸಿದ್ದಾರೆ.