ಹತ್ತಾರು ಶಾಲೆಗಳ 5ನೇ ತರಗತಿಯಿಂದ 12ನೇ ತರಗತಿ ವರೆಗಿನ ವಿದ್ಯಾರ್ಥಿಗಳು ಕುತೂಹಲದಿಂದ ರೋಬೊ ತಂತ್ರಜ್ಞಾನದ ಕುರಿತು ತಿಳಿದುಕೊಂಡರು. ಚರ್ಚೆ, ಸಂವಾದಗಳಲ್ಲೂ ಭಾಗವಹಿಸಿದರು. ‘ತಾಂತ್ರಿಕ ಮಾನವ’ರನ್ನು ಕೈಯಿಂದ ಮುಟ್ಟಿ, ಬಟನ್ಗಳನ್ನು ಒತ್ತುವ ಮೂಲಕ ನಿಯಂತ್ರಿಸುವುದನ್ನು ಕಲಿತರು. ಎಂಜಿನಿಯರಿಂಗ್, ಮಾಹಿತಿ ಮತ್ತು ತಂತ್ರಜ್ಞಾನ ಕ್ಷೇತ್ರ, ವೈದ್ಯಕೀಯ ರಂಗದಲ್ಲಿ ರೋಬೊಗಳು ಹೇಗೆ ಸಹಕಾರಿ ಆಗುತ್ತವೆ ಎಂದು ತಿಳಿದುಕೊಂಡರು. ತಂತ್ರಜ್ಞರು ರೋಬೊ ತಂತ್ರಜ್ಞಾನದಲ್ಲಿನ ಅನ್ವೇಷಣೆಗಳ ಕುರಿತು ಮಾಹಿತಿ ನೀಡಿದರು.