ಅಂತರರಾಷ್ಟ್ರೀಯ ಯೋಗ ದಿನಾಚರಣೆ: ಅಂಚೆ ಪತ್ರಗಳಿಗೆ ವಿಶೇಷ ಚಿತ್ರದ ಮುದ್ರೆ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಭಾರತೀಯ ಅಂಚೆ ಇಲಾಖೆಯು 7ನೇ ಅಂತರರಾಷ್ಟ್ರೀಯ ಯೋಗ ದಿನವನ್ನು ಅವಿಸ್ಮರಣೀಯಗೊಳಿಸಲು ಮುಂದಾಗಿದ್ದು, ಇದಕ್ಕಾಗಿ ದೇಶದಾದ್ಯಂತ ಒಟ್ಟು 810 ಪ್ರಧಾನ ಅಂಚೆ ಕಚೇರಿಗಳಲ್ಲಿ ಇದೇ 21ರಂದು ಅಂಚೆ ಚೀಟಿಗಳ ಮುದ್ರೆ ಕಾರ್ಯಕ್ರಮ ಹಮ್ಮಿಕೊಂಡಿದೆ.
ಬೆಂಗಳೂರಿನ ಎಚ್‌ಎಎಲ್‌ 2ನೇ ಹಂತ ಹಾಗೂ ಆರ್‌.ಟಿ. ನಗರದಲ್ಲಿರುವ ಪ್ರಧಾನ ಅಂಚೆ ಕಚೇರಿಗಳಲ್ಲಿ ಈ ಸೌಲಭ್ಯ ಲಭ್ಯವಿದೆ.
‘ಯೋಗ ದಿನದ ಅಂಗವಾಗಿ ಅಂಚೆ ಕಚೇರಿಯಿಂದ ಬಟವಾಡೆಯಾಗುವ ಎಲ್ಲಾ ಲಕೋಟೆಗಳ ಮೇಲೆ ಯೋಗ ಮುದ್ರೆಯ ವಿಶೇಷ ಸ್ಟಾಂಪ್‌ ಹಾಕಲಾಗುತ್ತದೆ. ಮುದ್ರೆಯು ಎಚ್‌ಎಎಲ್‌ 2ನೇ ಹಂತ ಹಾಗೂ
ಆರ್‌.ಟಿ.ನಗರದಲ್ಲಿರುವ ಪ್ರಧಾನ ಅಂಚೆ ಕಚೇರಿಗಳ ಹೆಸರು ಮತ್ತು ಪಿನ್‌ಕೋಡ್‌ ಗಳನ್ನು ಒಳಗೊಂಡಿರಲಿದೆ. ಇದು ಇಂಗ್ಲಿಷ್‌, ಹಿಂದಿ ಭಾಷೆಯಲ್ಲಿರಲಿದೆ. ಸಾರ್ವಜನಿಕರು, ಅಂಚೆಚೀಟಿ ಸಂಗ್ರಹ ಕಾರರು ಇದರ ಸದುಪಯೋಗ ಪಡೆದುಕೊಳ್ಳಬೇಕು’ ಎಂದು ಪ್ರಕಟಣೆ ತಿಳಿಸಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
